سلام(ن) مثل حشر الزلامي للالفين=يعم الرجال اهل الوفا والشكاله
نبا نبتد الطروق بالمنطق الزين=بدايه لبو تيجان فاتح مجاله

هلا مرحبا حييت يابو التياجين = رفيق ٍ عزيز ولا ندور بداله !
امانه معك قلي دروبك على وين = ليا جاك جيب الامن حالتك حاله

يدوم البقابك دوم ياربي آمين=وصلنا مراديد الوفا بالرساله
غيابي بدار مرجحين الموازين=وهذا جواب(ن) مختصر عن سؤاله

انا ابغاك تذكرلي علوم المزايين = تجاوب وجايب لك سؤالٍ بداله
دخل في مواضيع الجماعه كبيرين = وانا اقول لا يمكن واقول استحاله

يبا يصلح الموضوع وتشوفه العين=عسى الله يبارك لرجل في حلاله
تراء فرقها ياصحبي نقطة الغين=ولكن راع المرسمه وش بغاله

على الله توكلنا عظيم الجلالين = ونبغى يعوضنا العظيم ببداله
عسى الخير والخيره بقول السلاطين = وماحد درى من عقبها وش جراله

ونعم(ن) برب البيت مرس الظلاعين=ولافيه سبحانه يشابه كماله
صواريخ روسيه تفجربها الصين=ويسلم من التفجير راعي صلاله

عساها بوسط ايران لين الفراتين = وتبرم بها برم الرحا بالمحاله
وتبرد كبود اصحابنا اللي قريبين = وكلٍ يحمل بالجميله جماله

هذا ودنا يالجيب يابوذراعين=ليا خربت ابلوفك تروح الوكاله
ولكن من يقراء نصوص القوانيين=يعرف الصحيح الي وجد فالمقاله