اسر يالهاجس على مرزوق واطرح له سوالي=والسوال اللي يجي مرزوق يعرف كم رقمه
والجواب الدبلوماسي لايدور له مجالي=ودنا بالعلم واضح والسوال يصير قدمه

المشاركة الأصلية كتبت بواسطة خطّاب (المشاركة 271210) اسر يالهاجس على مرزوق واطرح له سوالي=والسوال اللي يجي مرزوق يعرف كم رقمه والجواب الدبلوماسي لايدور له مجالي=ودنا بالعلم واضح والسوال يصير قدمه

ياهجوس الشعر هاتي ماعلى بالي طرالي = كل خصم ٍ عادته يحسب حسابه قدم خصمه
من نشد يلقى الجواب اللي تقبله الرجالي = والحكيم اللي ليامنّه تكلم قال حكمه

ويش حكم الزور والبهتان مابين العيالي؟=ودنا نسمع جوابك يافتى في كل كلمه
والعصاء اللي تنشقر مابين عم وبين خالي=هل يجوز الصمت فيها ياعريفٍ بان حجمه؟

انت ياليتك تبين ماقصدته ياحلالي= الرجل ماينتقد في شي صار بغير علمه
من يحاول يفرق الصفين في عينه خلالي= كل ماحاول يفرق تنقلب علاه نقمه

قلت لك جاوب سوالي حسب مفهومك ياغالي=قبل في نفسك تشك وقبل تنشدني عن اسمه
ثالثاَ لاصار ابو وجهين في الحله مثالي=هل يجوز تقدمه وتحط له منصب ونجمه

انت تهرج لك كلام ٍ بين ربعك مايقالي = وابك نقال النميمه ياعسى ربي يعدمه
الرجل شبحه بعيد ومنزله في راس عالي = والضعافه والنجاسه ماتجي من غير رخمه

وابك جاوب لاتضيع ابك الشكوك مع الجدالي=والاجابه هاتها حسب الطلب جزله ودسمه
رابعاّ لاجوك ضيفانك وكفيَت الدلالي=هل تجوز بمذهبك لا مالقوا كرمه وغرمه

المشاركة الأصلية كتبت بواسطة مرزوق العتيبي (المشاركة 271607) انت تهرج لك كلام ٍ بين ربعك مايقالي = وابك نقال النميمه ياعسى ربي يعدمه الرجل شبحه بعيد ومنزله في راس عالي = والضعافه والنجاسه ماتجي من غير رخمه

الاجابه جتك وافهمها وسولف بالعدالي = كل ضيف ٍ محترم له عندنا قيمه وحشمه
التغيّر فالعرب ماهوب في بيض الليالي = وكل ٍ يشوف البشر في حسب معقوله وفهمه

صاحبي لا اوحى سوالي راغ له مع فج خالي=مستريب وصايبه راعه ومني جاه صدمه
خامساّ حكم السروق اليا سرق قطع الشمالي=وانت عندك ماعرفنا في كتابك ويش حكمه

اكتشفت انك حقود وجيت من حقدك تلالي = ومتخفّي باسمك المجهول والعايل نخزمه
من سرق حنا على جلمده ناطى بالنعالي = ومن تعدى عن حدوده نلطمه عشررين لطمه

المشاركة الأصلية كتبت بواسطة مرزوق العتيبي (المشاركة 271653) اكتشفت انك حقود وجيت من حقدك تلالي = ومتخفّي باسمك المجهول والعايل نخزمه من سرق حنا على جلمده ناطى بالنعالي = ومن تعدى عن حدوده نلطمه عشررين لطمه

اتهمني بالردى والحقد يااصحاب المعالي=مادرا اني خابرٍ زوره وتحريفه وظلمه
والسروق اللي سرق واصبح بما سوو يلالي=اشهد انه لو تبرى مايساوي نص حرمه

صدق من قال المغفل يتضح باول وتالي = لو لبس بين العرب برقع ولوّه حط لثمه
الهوى لو يتحرك مايحرك فالجبالي = ياضعيف ٍ في كلامه اصغر عتيبه يخصمه

كل ماقلنا على راسك مثل وصف العقالي=مكتسيك العار منها مار هل تحتاج خدمه؟؟!!
والضعافه مكسب اللي يسرق حمول الجمالي=وانته السارق ومثلك في العرب قد حل رجمه

غلطتي يوم اتخاطب معك ياساس الخبالي = وجهك الاصفر من هروج القفيّا فيه ظلمه
تتهمني ياضعيف الدين واطلبك العدالي = اثبت اللي تدعي به قبل لاشوتك بجزمه

غلطتك كبر الجبال وفالكم ماهوب فالي=ياضعيفِ بين رجلينه منزّل راس خشمه
مااتهمتك قالها اللي ذوقك مر ٍوصالي=والجزم لك تحتها هاك الزمن قدرٍِ وحشمه

ماتميز فالحرام وماتميّز فالحلالي = اعرف انك فالكلام الجد ماتلزمك لزمه
صرت مثل اللي يشيل الحمل مع جنب الرخالي = انت مثل الحارس اللي ينبلق لاجته هجمه

استغليت المكان اللي عليه اصبحت والي=واستبحت حقوق خلق الله يابو طرقه وخذمه
مار اخذ لك مرودٍ مغموس في كحل الدلالي=لين حتى مثلك وشرواك يعرف ويش جرمه