ياللي تولع نيرتك بالمشاهيب=وتبغى مع العربان يكبر سناها
وياللي تحدر شعيب وتسند شعيب=من دور الحاجه بوقته لقاها
لكن اوضحها قصيده على ايب=وياللي وياللي مالكفتنا بلاها
لا ياقلم بيني وبينك مكاتيب=والحاجه الزانه تجيك بطراها
بتجيبها بالطيب والا المشاعيب=لاتجحد سراها لحقني سراها
وشهي لاتستعجل بعلمك ياذيب=نصيحت(ن) للي حياته بداها
من واحد(ن) يعرف جميع المواجيب=وحلاتها مع مرها مانساها
اخذت فالدنيا دروس وتجاريب=وتبقى معي في لينها في قساها
واسمع كلامي ياعطيب المضاريب=النفس لاتتبع هواها تراها
تجلب على الرجال عيب(ن) ورى عيب=امارت(ن) بالسو جنب رضاها
لخطيت في دنياك لابدك تصيب=مافيه عله غير يلقى دواها
واحذر تحيزم بالرصاص المكاذيب=الناس ماتدري وش اللي وراها
الطيب من بين العرب سمي الطيب=لاخير في نفس(ن) تبين رداها
ترى الردي لوهو بعال المراقيب=ماهو كما اللي لانطقها حماها
الزير بان الزير في ذبحت كليب=القوم من فعله تزايد بكاها
واعرف ترى الدنيا ليا ودت تجيب=ولاحد(ن) ترى منا بيلحق مداها
دنين تصلفق وقتها والدواليب=ولاعاد نعرف وجهها من قفاها
لكن دق العلم دق المناسيب=وسمع كلام اللي عرف منتهاها
منهو بوقته شاب قافيله الشيب=ومنهو كتبها اليوم بكره قراها
ياخوك في وقتي عرفت المكاسيب=ميزتها لين اتضحلي خفاها
الوقت اوصفى جميع المشاريب=صرف الليالي لازم تذوق ماها
هاذي نصيحه ماتجي بالمناديب=خذها وعلم غيرك اللي يباها
وياهاجسي من دون شك(ن) ولا ريب=خدمتك مع صاحبك تشكر علاها

الله الله

يافزاع صح لسانك وإبداع

لك التقدير والإحترام

المشاركة الأصلية كتبت بواسطة أبو نجر النفيعي (المشاركة 274255) .. . صح السانك يا فزّاع. ودمت للابداع يالغالي.. . موودتي

المشاركة الأصلية كتبت بواسطة الـشـقـاوي (المشاركة 277127) صح لسانك يافزاع على الابداع ولا تحرمنا من جديدك تحياااااااااااااااااتي

المشاركة الأصلية كتبت بواسطة مرزوق العتيبي (المشاركة 277138) ... . جزاله وابداع يافزاع خير مستغربه صح لسانك والله يعطيك العافيه ... .

المشاركة الأصلية كتبت بواسطة خلف بن مرزوق (المشاركة 277311) ... .. هنا قناطير الشعر المقنطره حكمة في المعاني وسلاسه المباني ولانستغرب من منهل الابداع : فزاع صح لسانك مليوووون شاعرنا القدير مووووووودتي .

المشاركة الأصلية كتبت بواسطة السميــــــري (المشاركة 277802) .. فزااع شاعرنا العملاق .. صح لساانك ياراع الجزال .. مبدع يافزااع .. ..

المشاركة الأصلية كتبت بواسطة العارف (المشاركة 277605) فزاع صح لسانك وتسلم للهيلا

المشاركة الأصلية كتبت بواسطة العارف (المشاركة 277605) فزاع صح لسانك وتسلم للهيلا