يامجاييش المشاعـر قبـل أولّـع فالفتايـل=حضري لي كل ملهم شعر أباحبـك القصيـدة
ماندور عن جزيـل الشعـر والنـدر بدايـل=والمعاني في القصايـد كنهـا الـدم وريـده
إيه ابانقش فوق وجه الطرس من زين المثايل=ورفع المعنى عن ألي مايـزود فـي رصيـده
الله اكبـر يازمـان ٍ كـل ضـلٍ فيـه زايـل=والبنادم كل يـوم يمـر مـن عمـره فقيـده
الحكيم الي يميـز فالزمـن يلقـى الهوايـل=أمس لو نبغى نعيـده ماحـد ٍ يقـدر يعيـده
والزهر لو زان ريحه في مطاوي كـل سايـل=السموم أتهب فوقـه ياهـل العـرف وتبيـده
كل هذي عبـرة ٍ والرجـل تقنعـه الدلايـل=والدلايـل مايعـدل كثرهـا نـاس ٍ بلـيـده
همي الي في ضلوعي كنه اطخوف المخايـل=كل مرزم قلة اغني مـا دريـت انـه يزيـده
ساحة الشعبي بـوار ٍ كنهـا جـرد الخمايـل=ماترا فيها إعوجـاج ٍ كنهـا أوراق الجريـده
يزرع الشعار فيهـا زرع ٍ انـواع وفصايـل=شاعر ٍ يتعب يداه وشاعـر ٍ تتعـب عبيـده
شاعر ٍ يزرع شعير وشاعر ٍ يـزرع فسايـل=شاعر ٍ يحصد وشاعر مايحصد الـي يريـده
الوكاد ان القصايـد ماتبـي خلـط ودخايـل=ان خلطناها تعود من قصيـد اليـا عصيـده
الذهب لو يخلطونه بالتنك ويش انـت قايـل=هات علمك والجواب ابغاه في جملـه مفيـده
معشر الشعار عزوا شعركم عـن كـل مايـل=كان تبغون المعـزه مالكـم غيـر الحميـده
كل هذي عبرتـا ً والرجـل تقنعـه الدلايـل=والدلايـل مايعـدل كثرهـا نـاس ٍ بلـيـده