في محل عتيبه الهيلا مخضبت الجنابي=ياسلام الله من أهل الطيب لرجال الشهامه
ياعتيبه كان ابن عاصم ولد عم الذيابي=راية العتبان ماتنزل ولا فيهم رخامه

المشاركة الأصلية كتبت بواسطة ناصر الجنيبي (المشاركة 279803) السلام عليكم ورحمه الله وبركاته اخواني اعضاء منتدى الهيلا تشرفني دعوه الاخ فزاع لهذا الصرح الشامخ بأهله وحبيت العب معه طاروق من الوزن الخفيف في محل عتيبه الهيلا مخضبت الجنابي=ياسلام الله من أهل الطيب لرجال الشهامه ياعتيبه كان ابن عاصم ولد عم الذيابي=راية العتبان ماتنزل ولا فيهم رخامه

مرحبا ترحيب يكفي عن طعامك والشرابي=من عوايدكم جزاله .. من عوايدنا الكرامه
ان حضرت احمى غيابه وان حضر يحمى غيابي= وانت قول اللي على خاطرك يامال السلامه

البقاء يالشاعر اللي ترمي ورميك صوابي=شاعرن فالماقف الغصاب ماتبرد عظامه
ماحسبت حساب من لا ياقف ويحسب حسابي=والكلام دروب والجاهل مشى درب الندامه

اعرفك يابن الجنيبي ماتذل ولا تهابي=شاعر(ن) تحمى مواقيفك وتعصب فالعمامه
اتركه ياصاحبي هذاك لا ودى وجابي= تكثُر الجهال لكن لاتلحقني ملامه

المشاركة الأصلية كتبت بواسطة ابن نميان (المشاركة 279826) الله الله واصــــــــــلو فزاع لله درك علم ناصر صح لسانك

المشاركة الأصلية كتبت بواسطة ساري 2006 (المشاركة 279839) السلام عليكم ورحمة الله وبركاته وأسعد الله مسأكم بكل خير مـــرحـــبـــا بالشاعــر / الـجـنــيــبــي ولايهون الــشــاعر / فــــزاع في هذا الصرح الشامخ واصــلـــوا واصـــلــــوا وانا في صــف الـــجـــنــــيـــبـــي ولاتزعل يافـــزاع

كل دابٍ فيه سم وكل سمٍ وسط نابي=والشجيع اليا تعزوى ماتعزوى بالهلامه
العتب مرفوع وأخذ اللي تبقّى من كتابي=ليش سجيت القصيد وشمت عن راعي تهامه

كيف صار (الدٌخل) ياناصر وسط حي ( الغرابي )=والفوارق واضحه يابقوم والجوده علامه
ماجحدته وان جحدته ماتهنى في شبابي=كيف ابى نسى ناعم الخدين راع الابتسامه

المشاركة الأصلية كتبت بواسطة خلف بن مرزوق (المشاركة 279844) ... .. مرحبااا مليوووون ياناصر شاعر يسرنا ان يكون بينا وصح لسااانك وصح لسانك الجزل فزااع مودتي .

العصيمي مايميز فالسوال وفالجوابي=والبقوم عزاتي اللي ربعت فوق الزعامه
ياصليب الراس صوتك داعب غصون الروابي=بنت شيخ وبنت راعي والله اعلم وش غرامه

العصيمي حطك انت وعزوتك وسط المخابي=العصيمي من عتابه واذكروا يوم الرغامه
ياحكيم الشور والهاجس على الواقع سرابي=وانت تعرف فرق بين الدرجلانه والحمامه

من يهضم حقوق غيره فالخلا دايم يبابي=يرحم الله راس شيخٍ قام عزك من مقامه
ليت أبن عاصم ليا حارب يهبّي كل هابي=عيشته من جحر ضب ومرقده في وسط خامه

العرب تعرف بساميها وكل (ن) له مرابي=والجنيبي غيض قاله مير مانسمع كلامه
ابن عاصم يخصم العدوان فعله مايعابي=ليت ناصر دس راسه فالرمل مثل النعامه

المشاركة الأصلية كتبت بواسطة ناصر الجنيبي (المشاركة 279930) ههههههههههه صح السانك يافزاع وتشرفت باللعب معك لاهنت يالغالي ولنا لقاء بأذن الله اخوكم /ناصر البقمي

المشاركة الأصلية كتبت بواسطة ناصر الجنيبي (المشاركة 279803) السلام عليكم ورحمه الله وبركاته اخواني اعضاء منتدى الهيلا تشرفني دعوه الاخ فزاع لهذا الصرح الشامخ بأهله وحبيت العب معه طاروق من الوزن الخفيف في محل عتيبه الهيلا مخضبت الجنابي=ياسلام الله من أهل الطيب لرجال الشهامه ياعتيبه كان ابن عاصم ولد عم الذيابي=راية العتبان ماتنزل ولا فيهم رخامه

المشاركة الأصلية كتبت بواسطة فـزاع (المشاركة 279812) عليكم السلام ورحمت الله وبركاته ,,, يالله يحي الضيف ناصر الجنيبي بين اخوانه في هذا المنتدى العريق واستلم ... مرحبا ترحيب يكفي عن طعامك والشرابي=من عوايدكم جزاله .. من عوايدنا الكرامه ان حضرت احمى غيابه وان حضر يحمى غيابي= وانت قول اللي على خاطرك يامال السلامه

المشاركة الأصلية كتبت بواسطة الـشـقـاوي (المشاركة 280011) الله يافزاع وناصر صحت السنتكم .... بس مالكم داعي ماعلمتونا كان نمسك الصف :) محاوره رائعه