يالليل يالليل السعد يالليل يالليل القصيد = يفيض صدري كل ماشفنا حمد فالمنطقه
الليل توه باوله والدم يجري فالوريد = والي يجي من هاجسي على لساني ننطقه

يا ليل يا ليل السعد ما للحديد الا الحديد = والليل توه فـ أوله واللي يفوتك تلحقه
اللي على قلبي على لساني وبالعلم المفيد = ما يختلف ميزاننا واللي صدقنا نصدقه

هبت هبوب العاصفه عساك فالبيت الجويد = بيت(ن) يذري كل ماجته الهبايب تطرقه
ماينفعك ياصاحبي لن كان سيفك من جريد = تصبح كما السباح لاطب البحور المغرقه

هبت هبوب العاصفه والضلع ثابت ما يحيد = يصفق هواها مغربه وانت انسدح في مشرقه
حنّا نثبّت فعلنا بالرمح والسيف الحديد = والخيل من خيّالها واخذ العلوم الموثقه

حنا مكسرت الحصا حنا مصخرت الشديد = والي يشب النار فالدنيا بناره نحرقه
السيف رده في جرابه لا قديم ولاجديد = من ينطح الموت الحمر ياخذ من الموت اعذقه

أدري تكسّر للجبل لامن نطحته حيد حيد !! = إصفق بـ راسك فـ الجبل ثم انسدح ثم اصفقه
التاجر اللي وزّع الشيكات ما عنده رصيد = والله لسوقه سوق بالبندق لـ ( حبل المشنقه )

هذا شبيهك مار اباسوقك على المصلخ وحيد = واحط رجلينك على الشنكار واضبطك مرقه
قال المثل ياربعنا في حجه الشخص البليد = اما غدا مني قلم ولانقص مني ورقه