ياكتاب مبروك هذا المنصب الغالي = ومبروك يوم الثقه ياكتاب فزتبها
يوم ان سلطان علق فيك الامالي = ومن الوزاره شغلت اعظم مناصبها
الله يعينك على تسيير الاعمالي = ترضي هل الخير والحساد تغضبها
حمل ثقيل حملته مابه اجدالي = والله يعينك وعين الله راقبها
امانه سلمت لك والله الوالي = علام دار الفناء واللي يدوربها
وانته ثقه للامانة عبر الاجيالي = قدوه والاجيال مع دربك تسيربها
تمشي على مثل ماقالوا بالامثالي = نفسا تبا الخير ربك مايخيبها
ومن خاف ربه ينال المركز العالي = دينه ودنياه ما يخشاعواقبها
ولانته من اللي يهمه جمع الاموالي = نفسك عزيزة على العفه مدربها
قول صحيح مابا بدلاه مثقالي = واعمالك الماضيه تثبت تجاربها
معروف ياكتاب ماتحتاج لقوالي = لكن اناليش مااعلنهاواذيع أبها
يوم ان سلطان علق فيك الامالي = اخلاصكم في العمل جاء من سبايبها
انا سمعت الخبر وسترله بالي = وناديت بالبوك للابيات نكتبها
حيثك جدير(ن) بها في كل الاحوالي = كل المزايا توفر وانت صاحبها
وصلاة ربي عدد ماسال همالي = على رسولا مباد الجهل حاربها

يأهل الجيوب اللي عليهن علامات=اخر مديل وتوهن وردني
ألفين والخمسه من اخر موديلات=من خيرة الفكسات في عصرهني
يلفن بدر الضيط راع الجمالات=اللي يفز ألهن الى وقفني
في مجلس فيه الدلال الربيبات= واشناق حيلا في الصيانا يجني
وقولوا لبندر من سميه تحيات=أمانه معنا منه ياصلني
أمانه ماهي ثقيلة خفيفات=الى شق عنهن زرفهن يعجبني
شكرا مبسط تحمله باقي الابيات= تال البيوت لشكرنا يشرحني
بندر مقرا للصخا والشهامات= راعي حجاجين قبل يضحكني
لاجاء رفيقه باغي منه حاجات=ماهوب عن فعل الجميل امتوني
لو نزعجه في اليوم مره ومرات=ماقال وشبك ياولد تمتحني
يضحك معك ما قال وش ها الطلبات=ماهوب مثبورا لفعله يمني
لانه سلالة شايب من سلالات=يحكن عنه عصورنا اللي مضني
يحكن عنه سيوف نجد الصقيلات=يوم ان جولات الرمك يرعبني
واليوم في وقت الرخاء فات ما فات=أرسلك الابيات والشكر مني
ماقلتها والله وأنا أبغى مجازات=فضائل الاخلاق منك اعجبني
وصلوا على المعصوم راع الرسالات=عداد زخات المطرلاأمطرني

مشكور يابو بندر ولاهنت
صراحه مشاركة طيبه
تحياتي

المشاركة الأصلية كتبت بواسطة مرزوق الحافي (المشاركة 312918) مشكوور أخي ابوبندر وصح لسان أخونا الشاعر:بندرتركي الشيباني ^ ^ ^