الهيـــــــــــــلا *** منتدى قبيلة عتيبة - ماقيل عن ( الجنرال ) يوسف العتيبي بعد التأهل

هذا بعض ماقيل عن الجنرال بعد التأهل من شعراء مختلفين لاتحضرني أسمائهم

يقول الشاعر :

مالوم يوسف يوم ينخا ربعـه
ويقول عد يارده كل ضامـي
يقول ربعي هم عصابة راسي
قبيلتي هي مسندي وحزامـي
والله ما أحلَي مثل فزعة ربعه
ألا إجتياح الموج في تسونامي

أيضا :

فـاز العتيبـي والعتيبـي فايـز
من منة الله ماسقط في الراحـه
الله يبيض وجـه مـن صوتلـه
لو ما اعلن اسمه في قناة الواحه
اللي حزامـه فاللـزوم عتيبـه
أقرب عليه الفوز من مسباحـه

أيضا :

ياربعي العتبان ماهـي غريبـة
أنتم تفكـون القشـر والنشايـب
يوسف تأهل ياعتيبـه غصيبـة
غصبن على الحكام خايب وصايب
رفيقنـا لـه مقدريـة وهيـبـة
وعدونا نركـز لقبـره نصايـب
يالجنـة التعتيـم حنـا عتيبـة
الله خلقنـا للمصايـب مصايـب

أيضا :

يطول صبر ولاتطـول المسافـه
والوقت قاسي والليالي عصيبـه
يوسف تحداهـم بربعـه وقافـه
وحول على راس المريخي مصيبه
تحيزم بمن هم على الظالم افـه
لاواهني اللـي حزامـه عتيبـه

أيضا :

انا عزوتي ربعي هل السيف والماد
رجال الوفا والطيب واهل الشهامه
ولا ياولد مالك ترى فيـه مقعـاد
نبى ندفن الميت ونحرق عظامـه

أيضا :

على الحق شدي واعدلي يايد الانصاف
ليا صارت ايدين التحامل على المكشوف
يايوسف تحيزم بالسعد ماعليك اخـلاف
مدام الهنادي جرد والصافنـات وقـوف
وحنا هل الفزعات والفعـل والميقـاف
بوقت الرخى واللين والا بوقت الخـوف
ورثنا الحميا والعوايـد مـن الاسـلاف
ولا للعرب منـه علينـا ولا معـروف
وردنا وصدرنا يـوم السنيـن اعجـاف
وعفنا يوم شفنا الموارد حلال اضعوف
تبين النوايا السود والا الحمول اخفـاف
هواين الليا صارت كذا والعيون اتشوف
هواين وكل اللي على حق شاف وعاف
وعين الحقيقه من صلاله لحد الجـوف
قلوب ملونها الحسد والنفوس اضعـاف
عطوهم قدر والا لا عارف ولا معروف

أيضا :

ووالله لنأخـذ حقـه بـكـل فــاروق
مـن طبعـنـا مانقـبـل الإنهـزامـه
كم رأس شيخ(ن) من على الكتف محلوق
من كثـر مافـي روسنـا مـن قرامـه
حنـا عتيبـة مجدنـا غيـر ملـحـوق
مـن غابـر الأزمـان ولنـا الزعامـه
حتى إسمنا من طيـب الأفعـال مفـروق
والشعـر حنـا اللـي مسكنـا زمامـه
ومادامـنـا بـرقـا ومـادامـنـا روق
فالـعـز معـنـا لا نـهـار القيـامـه