الفكرمن كثر الهواجيس مشغول = والقلب كبرت حيرته من طواريه
همٍ تولجني هذا داير الحول = عكر مزاج النفس والحال باريه
صبرت مار الصبر له حد معقول = واليوم مافي داخل النفس ابا ابديه
واشرح لعراف العرب صايب القول = حملٍ من العام ارهقتني بلاويه
وانا على دربي وقف ناسٍ خبول = وصديت عنهم ما بغيت المشاريه
مار ابتلاني بالحكي كل دعبول = اهل الوجيه المظلمات المكاريه
ناسٍ زغرها ابليس واعقولها طبول = تركض ورا هرج القفى ماتخليه
كم واحد سيفه على الخلق مسلول = يشذب عراقيب المقفي ويذيه
خبلٍ بعد ما متس كرشه من الفول = ولع قديحتها وشوش باذانيه
زيف على الغياب اقاويل وفعول = كذبه بحلفه مقترن به يباريه
حلوٍ لسانه باللقاء مار معلول = معلول قلب الله يغثه ويخزيه
يخوض فالمجلس بلا عرف ووصول = ويصجه بكثرت رياه وعزاويه
عن هرجته سمعي مسكر ومقفول = مار البلاء ناسٍ تسمع دواديه
وما للنصيحة في عمى القلب مفعول = لا جيت له نصاح كبر علابيه
ومادام مالي فيه قوة ولا حول = ابا اتركه يلقى سفيها يناحيه
لا صار وضعي معه ماهوب محلول = اجل وش اللي من هك الزول راجيه
ماني مكلف عن صلاحه ومسئول = لابد ما يندم ويأسف لماضيه
وألا على عمياه يبقى على طول = من لا هداه الله ماني بهاديه
عن ديرته تبعد بي اخطاي واقول = لاخير في دارٍ كثيرة نوانيه
ممشاي مع خدٍ من الوسم مسيول = اخير من قربه وشوفه وطاريه

بندر العتيبي

المشاركة الأصلية كتبت بواسطة ماله امان (المشاركة 337297) الاخ التــــــــحدي صح لسانك جزله من جزل سجل اعجابي واحترامي لك ،،،،،

المشاركة الأصلية كتبت بواسطة متعب العصيمي (المشاركة 338906) مـن لا هـداه الله مانـي بهـاديـه التحدي صح لسانك قصيده جزله بارك الله فيك .. مووودتي ..

المشاركة الأصلية كتبت بواسطة محمد الـعـريدي (المشاركة 339732) صـح الله لسـانكـ وأعــتلاشأأأأأنكـ ... قصـيدة جـزله من شأعرجـزل لله درك والله لايضـرّك تقبل تحـيات أخـوك:محمد العريـدي دمت سالما من كل مكرووه