في منتدى الهيلا حضرنا وإسمعوا يا الطيبين = مافيه تمره تنّخرف الا بداخلها إعجمه
الدرب سيده ياعتيبه لا يسار ولا يمين = نادوا قضاة المحكمه نبغا قضاة المحكمه

في منتدى الهيلا ترى القاف الطري لعبه يزين = لاصار قدمك واحد ٍ يفهمك وانته تفهمه
الليل ياقبلان وامتعنا من القول الثمين = دامك دخلت المعركه فكر وش اللي تغنمه

قبلان له عين (ن) ترى مرزوق له قلبن فطين = وإبليس لا جانا هنيّا يالعتيبي نرجمه
وصل العطياني بجده عصر في يوم الثنين = إيقول مريت ولقيت إم اليدين الناعمه

ابليس لامنه بدا نقرا علاه بأيتين= اقرا عليه البسمله وانته تقوم وتلجمه
اثرك ياقبلان ما ترفا خمال المسلمين = يومه عطاك العلم ياقبلان واجب تكتمه

سعادة المشرف تفضل لو سمحتوا لحظتين = إقر الجرايد كلها لو الصحافه مبهمه
هذي قصيدة وصل وانته تعرف العتبان زين = مابه عتيبي (ن) يخون الصاحب اللي علمه

اثرك ترمي رمية ٍ واخلفت فيها الناظرين = مادمها الدعوى كذا فاركب حصانك وازهمه
قبلان راسه يابسه بين العرب عيت تلين = مطلوبنا كلمه وحيده ليت ينطقها فمه

هذا ترى سلم العرب ياكم مضى له من سنين = مايجهلك سلم العرب والكنز عندي منجمه
مرزوق يامرزوق هل تذكر بلاد الرافدين = شعب إمتكاتف والله اعلم منهو اللي قسمّه

ايه اذكر التمثال يوم انه غدا فيها طحين = سبحان من غير حوال الناس من بعد نعمه
احسب حساب المقبله واطلب عسى ربك يعين = تطلع براس المال ياقبلان اخير من عدمه

قدمت راس المال يامرزوق والخافي يبين = لكن غيرك يرتعد وسط الدروب المظلمه
ثلاثة افواجن ترامت كيف نملك بندقين = ماني بشايل بندقي هذا زمان العولمه

اللي يخاف المظلمه جعله لفرخ المارتين = مثل الحصيني لو تحاول تلزمه ماتلزمه
دامك معي ياصاحبي قدامنا القاسي يلين = واللي يدوّر للمشاكل فوق خشمه نلطمه

المشاركة الأصلية كتبت بواسطة قبلان (المشاركة 341889) هذا ترى سلم العرب ياكم مضى له من سنين = مايجهلك سلم العرب والكنز عندي منجمه مرزوق يامرزوق هل تذكر بلاد الرافدين = شعب إمتكاتف والله اعلم منهو اللي قسمّه