الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)

- معارك وبطولات (http://www.otaibah.net/m/forumdisplay.php?f=5)

- - من يفيدني منكم (http://www.otaibah.net/m/showthread.php?t=4303)

أبو حمد العصيمي

14-Jul-2003 09:39 AM

من يفيدني منكم

بغيت أحد من النشاما يذكر مواقع بين عتيبة وشمر

ابو فراس

16-Jul-2003 01:07 AM

وشلون مواقع يابوحمد ... لم افهم؟؟؟؟

أبو حمد العصيمي

17-Jul-2003 10:24 AM

يا المتنبيss
ياطويل العمر وسلامة
مواقع يعني واقعة حرب بين عتيبة وشمر

ابو فراس

19-Jul-2003 02:36 AM

يابوحمد الله يسلمك من صدقك ماتعرف معارك بين شمر وعتيبه

ياخوي بارك الله فيك ابن رشيد صبح عتيبه 47 صباح

ومن الامثله : عروى ــــ الرحا ــــ نطاق وغيرها وغيرها الكثير

عين العقل

19-Jul-2003 09:40 AM

اخوي العصيمي .....
بن رشيد يقول صبحت عتيبة 40 صباح صباح اكسرهم وصباح يكسروني ويقلعون خيلي
( يعني ففتي ففتي) هذا كلام بن رشيد بس المعارك المدونة انتصرت فيها عتيبة كلها ماعدا كون عروى 1300 للهجرة وفيه فزعت قبايل ثانية (أضافة لشمر) مع بن رشيد وسانده اهل القصيم بعد ... !!

one	19-Jul-2003 10:02 AM

1أم العصافير عام 1301 هــ غزا فيها ابن رشيد قاصدن ابن سعود وعتيبه وكسرهم ابن رشيد.....

2عروى قال فيها ابن رشيد
ان كان ابن هندي نوانا ابّرزان
-------------------------------حنا على عروا قصرنا مسيره

لــيــل

19-Jul-2003 10:06 AM

عين العقل

هل قرأت ماكتبه الشيخ ابراهيم بن عبيد عن وقعه بين محمد العبدالله وابن هندي ؟

عين العقل

19-Jul-2003 11:10 AM

ليل ........
تراني صاير نساي الأيام هذي ....... !!
عسى مي الوقعة الي يتجود المهاد بفرسته ويقول ميد بن هندي :
الله يكفينا شره ... الله يكفينا شره ........؟

عين العقل

19-Jul-2003 11:18 AM

مستر (ون) .........

ام العصافير ذي انا اول مره اسمع فيها نورني بالمصادر والعلم بالشيء ولا الجهل به .. !!

وعروى يقول فيها العفار :

لولا ابوحسن نوخ بذربين الأيمان .... والا راحت عليكم يابوماجد كسيرة

لا ن بن مهنا امير القصيم في وقتها جا فازع لبن رشيد لأن المعركة كانت في
بدايتها لصالح عتيبة .... وقصيدة بن رشيد مرسلة لبن حثلين لان العجمان
ساندوا بن رشيد في المعركة ... اوبالأصح في الغزو لأن بن رشيد أغار على الحمده
في عروى بودن علم ولا أستعداد عتيبة ... !!

عين العقل

19-Jul-2003 11:21 AM

ليل ........
أنا غايب عن المنتدى لي فترة ... ماتحس أن لي ... (وحشه) .. ؟

لــيــل

19-Jul-2003 12:35 PM

مالك غير يومين غايب

قلي بس

قريت ديوان ابن فردوس ؟

عين العقل

21-Jul-2003 11:19 AM

لا والله ولاني بعرف حتى منو ذا بن فردوس .......

بس قلي المعركة الي تقصد هي الي حط فيها بن هندي السيف على أذن بن رشيد والا غيرها .........!!!

لــيــل

21-Jul-2003 02:58 PM

نعم نعم

هي بعينها

عين العقل

21-Jul-2003 03:00 PM

الي راح فيها الطوير ( نص نصيص ) ...!!!

أبو حمد العصيمي

22-Jul-2003 09:14 PM

شكراً لكم

السلام عليكم ورحمة الله وبركاته

أشكركم على هذه الإفادة
لاكن أنا حبيت أني أعرف أكثر وأكثر من صولات وجولات و قصص معارك
بالتاريخ و وش صار لنا و وش صارعلينا

منذر المقاطي

22-Jul-2003 10:22 PM

الى أبناء العم أريد تصحيح معلومة وهي أن معركة عروى وقعت عام 1315هـ وليست عام 1300هـ حسب ما سمعت من كبار السن والله أعلم وكان النصر فيها لعـتيبة لولا المدد الي جاء لابن رشيد من أهل القصيم.

ابو فراس

02-Jan-2004 02:44 PM

يرقع تخليدا لذكرى ابوحمد العصيمي الله يرده على خير

الساعة الآن »09:32 AM.