من المسؤل فالشعر ومصيره=من المسؤل لا راحت ثريره
شواعيرٍ نشت فأتلى الليالي=تبى تسوي على العالم خبيره
تبى تصنع ملاحم بالقصايد=تبى يطلق عليها بالكبيره
وهي والله محدرتٍ بوادي=تهيم وفالنهايه مستخيره
قرادة حظ يأهل الشعر قوموا=كسيره وافزعولي بالجبيره
مدام الشعر ميراث وراثه=نرد اللي تغثرب جم بيره
ومدام الشعر لونٍ نشتقيبه=نوقف عنه عميان البصيره
مدام إلنا مصادر في عماره=رحانا في مجاله مستديره
لزوم إن قولها كلمه صريحه=على الناس الغنيه والفقيره
ترى شعر العرب بريئ منكم=وكم من خير جاء من باب خيره
هذا قولي وقولك بإنتظاره=يامقعد ياحزامي فالمغيره
يامقعد ويش رأيك في كلامي=أنا أعدك من كبار العشيره
رجل بالعرف مايلحقك قاصر =وأنا من هو سواتك بأستشيره
مدم إنك موردها الموارد= وبحبالٍ ترى ماهي قصيره
أقول انظر بوضعه يابوفيصل=وناظر سيرته فالوقت سيره
نشوف الشعر وضعه صار مزري=غشاه الجهل في شبه الجزيره
ابيك تقول للعراف كلمه=وكلمة عارفٍ مثلك مثيره
وابيها منك للجهال حكمه=وتبقى بأسمنا في كل ديره
ابي ردك تقوله في محله=وألك بالفعل وقفاتٍ شهيره
وابى أختم مابديته بالتحايا=عدد طيرٍ تقلقل من مطيره
على محمد نبي الله شفيعه=لنا في يوم شره مستطيره

المشاركة الأصلية كتبت بواسطة مقعد الدغيلبي (المشاركة 389326) ناصر الجلاه ماقول الاصح لسااااااااانك ملايين ولاهنت وابشر بالرد يابن العم وعساني اوفق في ردي ومنك نتعلم الجزاله والابداع علما ً توني دريت ولاكن ابشر بالخير واشكر جميع من قام بالرد من ابنا العم والزملاء ولاعليكم زود

المشاركة الأصلية كتبت بواسطة محمد الروقي (المشاركة 389349) ههههههههههه فزااع يعلم الله اني معجب في شاعريتك وفي شخصك الكريم .. صح لسااانك يارااقي يااجزل .. واسندتها على جزل ابدعت وابحرت ..وصح لسانك لحد الرضا لاهنت

صح أللسانك ياناصر

مبدع قاف جميل جداً وفكره تستحق المتابعه


تحياااااتي