يا نايف الروقي بعد رد التحيّه والسلام=بيني وبينك علم دوبه صار والمخرج ملي
وراك ما قمت بلزومك يالكريم ابن الكرام=يوم انت يا نايف من اهل الدّار والمخرج ملي

يامرحبا بك يا مسلم عد من صلى وصام=الليل توه عطني الاخبار والمخرج ملي
انا تراني في لزومي لا تسمع فالكلام=بعض السوالف مالها مقدار والمخرج ملي

بعض الرجال ليا احتما الماقف تقول بلا عظام=الله يامنّا يا عرب ينهار والمخرج ملي
هذا تراه اللي حصل والنور خير من الظلام=لو تعتذر ما ينفع المعذار والمخرج ملي

ماهوب انا ماهوب انا ياجعل جدك للرحام= ليتك تجيبلي علوم(ن) غار والمخرج ملي
ماحصل غير الخير وانته غبت ماجيت المقام= واصحابنا ماعّدهم شعار والمخرج ملي

انا اعرف انّك ما تحبّ الحرب وتحبّ السلام=ما ني مجنّبها يمين يسار والمخرج ملي
ما يلحق الغايب ملامه يلحق الحاضر ملام=اللي ينادونه وقام ونار والمخرج ملي

قدام لا يلعبك الشيطان ملعون الرسام=وطيح داخل حفرة الحفار والمخرج ملي
خل العلوم المقفيه لا تاكل النيه حرام=صاحبك فالميقاف ما يحتار والمخرج ملي

ما عاد تتهنّا بحلو الماء وفي حلو الطعام=من بعد هذي يا عميل الخار والمخر ج ملي
اثرك راع السلعه اللي لا تباع و لا تسام=وانا احسب انّك تاجر التجّار والمخرج ملي

ما دام هاذيه علومك كان يالفالح تنام= اثرك شاعر والعلوم كبار والمخرج ملي
يا صاحبي راحت علومك كلها مثل الحلام=مابور لو ان الزمن بوار والمخرج ملي

ماني بنايم لين تونسها على افضل ما يرام=حنّا ترانا فاول المشوار والمخرج ملي
لا والله الاّ ساع زانت واستوت والحظ قام=ما عاد باقي غير دهن السار والمخرج ملي

المشاركة الأصلية كتبت بواسطة الفالح (المشاركة 387174) ماني بنايم لين تونسها على افضل ما يرام=حنّا ترانا فاول المشوار والمخرج ملي لا والله الاّ ساع زانت واستوت والحظ قام=ما عاد باقي غير دهن السار والمخرج ملي

بالله خلك محترم تلقى الادب والاحترام=مافيه داعي تبدي الاسرار والمخرج ملي
انا تراي اقدرك من حشمت الربع الحشام=ماني بمزري فيك اشب النار والمخرج ملي