|
لغـز حيـر العلمـاء
السلام عليكم يالنشامـا جيبلكم لغـز من اصعب الاغاز الي مرت علي لغز قوي جدأ مـاهو الشئ الذي باليل يرتاد القبور وبالنهار يدخل القصور يكرهه الرجال تحبـه النساء تهابـه الملـوك تلعبـه الاطفـال له شعـر ووبـر طعامـه الملـح والتمـر يبـدا بحـرف (الميـم)وورد ذكره بالقرآن الكريـم ننتظر رمعاتكم ياذيابة المنتـدي :) |
رمعه والله اعلم المزن؟؟
|
مالك لوا يافارس ولاهنت على المرور والرمعه
تحياتي أخوك فهـ الجذع ـد :) |
لاهنت يا فهد اخ وعزيز.. رمعه ثانيه ::الماعون يافهد والله اعلم
|
طيب ذكر مره او اكثر من مره ؟؟ في القران
|
يافهد الجذع اتوقع انها
المضغه |
اخوي فارس مالك لوا ماهي الماعون
|
ذكرت اكثر من مره بالقراءن
شد حيلك انت بين علاك تبا تجيب الحل :) |
مشاري الحبردي يشرفني مرورك
رمعه طيبه من وجه طيب بس ماهي المضغه تحياتي :) |
فهديافهد فهد يا فهد المطر
## تكفى لاتقول خطاء ## يرتاد القبور في الليل ( عادة الامطار المداهمة والمفاجئة تجي بالليل وتسيل السيول ويصير المطر للارض بمعنى يقبر) يدخل القصور في النهار (عادة بالنهار تشوف المزن على شكل قصور) تهابه الملوك وتخاف منه الرجال(في حال الصواعق والفيضانات) تحبه النساء وتلعب به الاطفال(لما ينزل الثلج على عادة الاطفال تلعب الثلج) يغطيه الوبر والشعر(تعني اطرافه وشكله العام) وطعامه الملح والتمر( اذا جاء المطر يهل الخير) وهذا محدد لأمطار الليل من باب التمويه مع ان المطر ياتي بالليل والنهار وله نفس الصفات |
فارس بيض الله وجهك على جهدك
مالك لوا ماهوب المطر :) |
بعد التحية والسلام يالجذع..أقول وراك ماتحط اللغز هذا في ملف أخضر
علاقي..وتقفل علاه..لأنه..........ولا بلاش أقول خل الشباب بعد يحاولون.. ..أخوك.. ؛؛؛؛ ؛؛؛ ؛؛ ؛ مقاطي الحجاز |
اقول يا فهد يمين بالله ان اللغز موجود في كتاب الاحاجي والالغاز للاحيدب وانا نقلت الاجابه من الكتاب والحل هو المطر ياشباب
|
مقاطي الحجاز اذا عندك رمعه هاتها
بلاش تقول قفل ماني عارف ايش تحياتي :) |
اقتباس:
فارس لاهنت على المرور أول ثاني صدقني ماهوب المطر الحل الاغز لغز محمدبن راشد ال مكتوم وشلون جا الكتاب الي قلته والحل صدقني بعيد كل البعد عن المطر واذا تبيني احله بقولك حله :) |
كتاب الاحاجي والالغاز للأحيدب كُتِب عام 1375 هـ وكان اللغز موجود فيه بلا اجابه ؟؟؟ جاوبوا عليه اثنين وكل واحد رايه يختلف ... محمد بن راشد بن مكتوم قال (المزن) ,,,, والشيخ عبدالمجيد الزنداني قال (المطر) وبن مكتوم اكتفى بقول المزن .... بينما الزنداني فسر اجابته (المطر) كما ذكرت لك في الاعلى ... تحياتي اليك وكل ود واحترام وتقدير .. وارجو ان تغلق باب هذا اللغز وعدم ترويج اجابات غير مؤكده تشتت تفكير الاعظاء باللغز ... والسلام خير الختام 000
|
أخوي فارس الباديه بعد التحيه
حل اللغز هو ( المجالس ) تبي تقول اشلون المجالس بوضحلك بالحل وحده وحده باليل يرتاد القبور ( المجالس باليل تصبح كل قبور مهجوره ومظلمه ) بالنهار تدخل القصور ( تصبح المجالس بالنهار عامره بالزوار وكانها قصر تشيعه الانوار) يكرهه الرجال ( بعادت العرب رجالها يعملون باليل والنهار ولا وقت لديهم لكي يجلسون بالبيوت والمجالس لكثر اشغالهم ) تحبه النساء ( أكثر النساء تحب المجالس وتتجمع فيه كل يوم وهذا عادات من اول التاريخ ) تهابه الملوك ( الملوك تخاف وتهاب المجالس لكثر المعارضين وتجمعاتهم بها ) تلعبه الاطفال ( تلعب الاطفال بالمجالس كا وقتنا الحالي والماضي ) له شعر ووبر ( الشعر والوبر مفروشات المجالس التي تصنع منها ) طعامه الملح والتمر ( تكريم الضيوف من اطعام والشراب بالمجالس ) وياليت الحل مقنع ويقنع من مشكك في حل تحياتي لكم جميعٍ أخوكم فهـ الجـذع ــد :) |
|
تـخــألـف ألانظــار شــرقٍ ويـمــه
كـلٍ هــدف رأيــه مـن النـاس مرضــيه أخوي فــارس الباديــه الاغـز جـأني مثل مانقلته لكم والحل الي جاني هو المجالس وبنفس الشرح الي ورد وقلته قبل وكلن ونظرته للاغز ولا اود الاطاله لكم تحياتــي أخوكم فهــ الجذع ــد :) |
مشكوور اخوي هد
فارس حل فهد صح وفي كلمت المجالس في القران في قوله تعالى {وافسحوا في المجالس يفسح الله لكم} صد الله العظيم |
( الأزوري 2005 )
لاهنـت على المرور وبيـض الله وجهـك تحيــاتي أخوك فهـ الجذع ــد :) |
فهد قال ذكرت اكثر من مره ....؟
|
اقتباس:
من سياق اللغز انه شئ فالليل يرتاد القبور ,,وانت تقول المجالس فالليل تصير كالقبور ,,هذا غير متطابق مع نص اللغز انه فالليل يرتاد القبور ثانيا اذا مشينا معك في هالنقطه ..ماهو وجه الشبه بين القبور والمجالس هههههههههه بالنهار تدخل القصور ( تصبح المجالس بالنهار عامره بالزوار وكانها قصر تشيعه الانوار) من سياق اللغز ياعزيزي انه شئ فالنهار يدخل القصور والمجالس هي جزء من القصور ماتحرك ياعزيزي ههههههههه يكرهه الرجال ( بعادت العرب رجالها يعملون باليل والنهار ولا وقت لديهم لكي يجلسون بالبيوت والمجالس لكثر اشغالهم ) مساله ان الرجال يكرهو المجالس هذي اول مره اسمعها ومستحيل فيه واحد يكره مجلسه اللي يستقبل في ضيوفه واذا انشغل عنه مو معناته انه يكره مجلسه ههههههه تحبه النساء ( أكثر النساء تحب المجالس وتتجمع فيه كل يوم وهذا عادات من اول التاريخ ) حتى النساء لايحببن المجالسص ولكن ماذا يفعلن تهابه الملوك ( الملوك تخاف وتهاب المجالس لكثر المعارضين وتجمعاتهم بها ) نقطه لايقرها العقل والمنطق ,,وشلون يكرهونه الملوك ههههههه تلعبه الاطفال ( تلعب الاطفال بالمجالس كا وقتنا الحالي والماضي ) ياعزيزي الذي وضع اللغز يقول انه شئ يلعبون به الاطفال ولم يقول شئ يلعبون فيه الاطفال وحتى الاطفال مايلعبون فالمجلس يعلبون فالحوش ههههههههههههههه له شعر ووبر ( الشعر والوبر مفروشات المجالس التي تصنع منها ) النقطه ذي مقبوله نوعا مـــــأ طعامه الملح والتمر ( تكريم الضيوف من اطعام والشراب بالمجالس ) يافهد صاحب اللغز يقول شئ طعامه الملح والتمر هالحين المجلس ياكل تمر وملح لاتحاول تجيب حل وتركب عليه اللغز على العموم اللغز لايعدوا كونه من الحجايا اللتي لامعنى لها واتحدى اذا له حل فعلا ,,وضعه من وضعه من باب الخيال |
| الساعة الآن »09:03 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd
