|
تكفون يالعتبان....سلطان ينخاكم
]http://www.l22l.com/l22l-up-1/d182d07fd3.jpg
تكفون يالعتبان تكفون تكفون/ شوفو لعسرات الكباير حلايل... خيرن تمدونه وشرن تردون/ عتبان ربعي شدتن للحمايل... عسى لندايه ياعتيبه تلبون/ جاكم نداي الليل والا القوايل... انتم على الفزعات دايم تلحون/ ذباحت الحايل رجال الفعايل... عز وكرم والطيب يمه تحثون/ سوقو على المظلوم شتى الوسايل... برسل كم ابيات ودي تعرفون/ ان العصيمي حظه اقشر ومايل... حاله بوسط السجن من دون في دون/ سجن بوسطه ناس ماني بقايل ازهم بني عمي وياليت يوحون/ نخوت سجين نارلن با النزايل... يباكم ا ليومه بجمبه تصفون/ صفت شجاعه ماتهاب الهوايل... نخيتكم بابيات والشك مدفون / انخى قبيله شامخه بالقبايل.. شيوخ المحاكم طاغيه مايعدلون/ باالظلم تحكم ولعت بالفتايل... قابلت انا شيخ (ن) كريه له اعيون/ على كلا مي ماعدل بالدلايل... يقول ياسلطان منته بمجنون/ انته قتلته عمد خلف النثايل... وده عليه بأدعإه يحكمون/ حكمن بوسط الناس قول وفعايل... باصيح بأعلى الصوت ياناس تكفون/ عالت على سلطان كل العوايل... عقله معلق بين سيفن ومسجون/ وصالت على راسه كبار الصوايل... قلنا وقلتو وانتم اللي تقولون/ السيف مايعرف يهود وقبايل... ياجعل من مثلي من السيف ينجون/ سيف (ن) شطير طايلن با الطوايل. واختامها شطري بيته على النون/ والشطر الأخر قد وصلكم على آيل.. وعلى النبي صليت وانتم تصلون/ اعداد مأرسلنآ طيور الرسايل.. ****************************** ماخلت لي الابيات هذي اكتب بعدها شي ولدنا نخانا لازم نتحرك ولدنا بيقصونه عشان غلطه غير مقصوده وين العدل والانصاف يابشر تقبلوا تحياتي اخوكم /سيف القهر |
الله يفك اسره هذا اللي انا اقدر عليه الله يفك اسره سوقو على المظلوم شتى الوسايل تكفون ياعتيبه افزعو له |
سيف القهر لاهنت على الاجتهاد في النقل وعساء الله ينقذ حياة اخونا
سلطان من ما هو واقع ٍ فيه وانشا الله ان دولتنا وقضاتنا والمسؤلين فيهم البركة للنظر في قضية سلطان0تحياتي،،،، |
اقتباس:
اقترح نحط قطه لسلطان وكل واحد وقدرته . تحول لرقم حساب اهله والفزعه ياعيال العم . الله يفك سجن عيالنا والماسورين المسلمين |
اخونا ابو محمد المقاطي يبشر باللي يبي
بس المسئله ماهي مسئلة فلوس خله يتنازل خصمه الحين وياليت اخونا سيف القهر يقول وش يبي بالضبط ويوضح اكثر |
عسا الله يفرج عنه مصيبته والله يعينه
|
الله يفك سجنه ويرده لاهله سالم معافى ويعوض اخصامه خير
فاو الله ان عفوا فلن يندموا لكن اخوي الغالي قلنا وش المطلوب ومنهم اصحاب الدم وان قبلوا الديه لن نتاخر في تقديم العون لبن عمنا تقبل الله صيامكم وقيامكم |
نسال الله ان يفك حرجته , قصيدة مؤثرة , واتمنى من الله ثم من اهل الخير ان يسعوا بالخير لعتق رقبة سلطان , والشكر موصول لك ياسيف القهر , وسوف يثبت الموضوع لأهميته
تحياتي |
|
سيف القهر
يعطيك الله العافيه على ايراد هذه القصيده ولله يفرج عنه يفك سجنه ويرده لاهله سالم معافى ويعوض اخصامه خير فاو الله ان عفوا فلن يندموا وسيجدون خير مايقدمونه في الدنيا قبل الأخره بحول الله وبيض الله وجهك يابن مشيب |
عسا الله يفرج عنه مصيبته و لاهنت يالمشرف العام على التثبيت كفواا يابن مشيب
|
وجيهكم بيض , والله لايهينكم
|
نسال الله ان يفك حرجته ,واتمنى من الله ثم من اهل الخير ان يسعوا
بالخير لعتق رقبة سلطان والشكر موصول لك ياسيف القهر |
الله يفك اسره
|
ماقصرة على نقل القصيده ياسيف القهر ويليت لوحطية مقدمه قبل القصيده لكي تتضح الروي وتعرف بأسم المدعي والمدعاء عليه ومن اي فخوذ عتيبه حتي يتسناء لاهل الخير من مشايخ القبيله الجاهيه وبذل مايستطيعون لفك رقبة سلطان المذكور في القصيده نحن عرفنا من مضمون القصيده انه محكوم عليه عن طريق الخطاء ولاحداً يرضى بحكم الخطاء مهماكان حتى أهل القتيل مايرضون ان يقتلون نفس من غير حق ، ودي بارك الله فيك توضح أكثر لنا ولاغيرنا وتقبل مروري
|
الله يفرج همه تلقى الان العفو واقف على 2 او 3 مليون وهنا جمعت للابل اكثر من 20 مليون !!!! نقترح تبرع او صندوق له ولمن يقع في حاجه |
الله يفك اسره قصيده تهز القلوب |
وين راح سيف القهر يقول لنا السالفه
|
الله يفك أسره وأسر جميع المساجين
|
والله ودي افزع بس مابيدي حل
وانشالله يطلع |
الله يفك أسره وأسر جميع المساجين |
اذا كان مظلوم الله يفك اسره
واذا كان غير مضلوم هذا جزاء من الله |
لازم تبين لنا وش القصه
ياسيف القهر والله يفك اسره انشالله |
أسف على التأخير تقبلوا عذري
الله يعطيكم العافيه ماهي غريبه عليكم دايما سباقين لفعل الخير ومايخيب ان شاء الله رجاء من نخاكم ياجماعة الخير جلسة سلطان في المحكمه راح تكون في 10/10 هنا يصدر الحكم.... والطرف الثاني يقولون نبي ديه بس ماحددوا وفي هالتاريخ راح نعرف كم يطلبون... وياجماعة الخير الولد مظلوم والقتل جاء بالغلط ولكن لا نقول الا قدر الله وما شاء فعل تقبلوا تحياتي اخوكم/سيف القهر |
اقتباس:
ويرحم القتيل. ومدام المطلوب الدية إن شاء الله تهون |
قصة الموضوع هنا فكه الله من سجنه |
أخوي ابن عاصم وسيف القهر نطلب منكم توضيح الاتي
1= اسم المتهم كامل 2= اسم الخصوم كامل لكي تتضح القصه ويتسنا لاهل الخير فعل مايستطيعون فعله حيال هذي القضيه وتقبلوا مروري |
اقتباس:
وبعد/اخوي سيف القهر اشكرك علي نقل الخبر ويبشر ولد عمي بكل شئ لكن القصه وشهي وحنا محنا مخلين ولد عمنا يبشر بالفزعه سلطان ويليت توقلنا وش القصه وتقبل شكري وعطنا الخبر اول باول والله ولي التوفيق وشكــــــــــراا |
الله يفك اسره ان شاء الله وما تضيق إلا و تنفرج ان شاء الله ونناشد قبيلة الهيلا امراء و شيوخ بالفزعه له والوقوف بجانبه معنويأ و ماديأ |
اعرضو الموضوع على لجنه المزاييييييين لاصار الدعوه فيها ديـه ياعيال عمي
وحنا مراح نقصر مقصـرين إن شاء الله .. نبي نعتق رقبه ولد عمنا باللي هيــــبه .. الله يفك اســــــــره ويرده لاهله سالم غانم |
ياسيف القهر
هل هو سلطان عبدالرحمن العصيمي ام لا ؟ |
ايه ياخوك
هو سلطان بن عبدالرحمن العصيمي |
تكفون ياعتيبة
أفزعوا لسلطان انقذوه من الموت اعتقوا رقبته وعطوه حياة جديدة وفعلكم يكون في موازين حسناتكم |
السلام عليكم
الله يرفع الظلم عنه وينجيه مما هو فيه |
الله يفك كربتك وكرب المسلمين والمسلمات والمؤمنين والمؤمنات ويلا عودة للوقفه والعون المادي والوجه والجاه فأبشر أن لك لابه وشرع الله ماعليه نخوه
|
مشكور ياسيف والله يفك اسره امين.......
|
وش السالفة
|
هلا اخوي سيف
انا مستعد ارسل للي الحساب على جوالي 0505421215 اخوك/ الشاعر احمدالبيضاني الله يقدرني على فعل الخير والله وللي التوفيق |
يالله تفك اسره ياكريم
|
الــله يفك اسره ويعين اهله
|
| الساعة الآن »03:50 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd