وقعة عقيلان بين عتيبه وقحطان
 

يقول ابن شعوا الخنافر من قحطان في وقعة عقيلان بين بعض من قبائل عتييه ومن معهم عن سبيع بقيادة محمد بن هندي، وآل مسعود ومعهم ضويحي من آل الجرو من عبيدة بقيادة جعفر ابن عبّود:

[poet font="Arabic Transparent,4,white,bold,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
حر شهر من صوب نجد مطاره=يبى المطار وقرب الفطر الشيب
صدر من الصخه تقطع شراره=يتلاه من قومه سواة العياسيب
وردد جيشه من عدام الزباره=وحفوه صحبانه بكثر المناديب
قدم حشيفان يبي له سباره=متعلي في نايفات المراقيب
على عقيلان رماله بغاره=ويشيب اللي ما حوله يشيب
غاروا محوشة الدبش في انتشاره=آلاد الكريزي ميبسين المشاريب
فلحقو قحاطين سواة النماره=والكل منهم حثها بالعراقيب
بشلف مواقعها سواة الحجاره=صويبها عيت تسره لطابيب
يامسوي الفنجال زود بهاره=صبه لـ عروان وثنه لبو ذيب
وعده على الشاوي متيه بكاره= ضويحي شوق البنات الرعابيب
عاداتنا في الصيد ننقى خياره=ثلاثة الجذعان غصب بلا طيب
انا أشهد انها حجة باعتماره=عراضة الوكحى نجوم المغاييب
اللي شرد وخللا الحويا يساره=واللي نحر رنيه يدور معازيب
واللي قعد في دوس خيل المغاره=يكسر عليه الطير ويشبع به الذيب



[/poet]

ثلاثة الجذعان // يقصد مقتل ابناء ابن هندي الثلاثه
عروان // يقصد الفارس عروان من اّل مسعود قحطان
أبو ذيب // يقصد الفارس الشيخ جعفر ابن عبود شيخ اّل مسعود قحطان
الشاوي // يقصد ضويحي من آل الجرو من عبيدة قحطان

تسلم يالذيب
 

اخوي فيه حضر من الشعراء ينقالهم المسعود هم من قحطان

اخوي هداج مساك الله بالخير/

قلت مانصه: ( بين بعض من قبائل عتييه ومن معهم عن سبيع بقيادة محمد بن هندي ).

اولاً: الشيخ محمد بن هندي بن حميد رحمة الله عتيبي وشيخ قبيله عتيبه وليس سبيع.

ثانياً: هذي كيف تجي وكيف تركيبتها , المعركة هل هي بين عتيبه انفسهم , ولا بين عتيبه وسبيع , ولا بين سبيع وقحطان , ولا بين عتيبه وقحطان , ولا بين عتيبه من جهه وسبيع وقحطان من جهه , ولا بين عتيبه وسبيع من جهه وقحطان من جهه , اتمنى منك اخوي ان تكون الكتابه مفهومة وموضحة وليست متداخله كي يفهم القارئ.


اخوك:
ابن مشيب.

geath

يامرحبا بك أخي الفاضل

وبالنسبه لـ المسعود أهل الشعراء ماعندي أي فكره عنهم

تقبل شكري وتقديري

أخوك / هداج

ابن مشيب صباح الخير

المكتوب بين من عنوانه الله يرضى عليك

أخوك // هداج

اخوي هداج

حقيقه انا رايي من راي ابن مشيب

وليت توضح اطراف المعركه من ضد من

المتنبيss

القصيده فيها ما يجيب على تسائلك

فأرجو قرائتها بتمعن وشكرا

مع تحيات أخوك /// هداااج

مشكور أخوي هداج على القصيدة والله يرحم موتى المسلمين وعلى قولة بن حميد الله يرحمه ( ومحدن من الدنيا عظامه سلومي ) وياليت تكتب مصدر المعلومة وتاريخ الوقعة .......... وحياك الله عند أهلك

تقبل تحيات أخوك : عين العقل

آمين آمين الله يرحم موتى المسلمين وهذا الصحيح ماحدن من الدنيا عظامه سلومي على ماقال ابن حميد الله يرحمه والمعلومه مصدرها القصيده فالقصيده ذكرت اطراف المعركه ومكانها والمنتصر فيها القصيده موجوده في عدة مؤلفات وهي معروفه عند آل حميد ولا ينكرونها وهذا من طيبهم فالطيب يقول اللي له واللي عليه.

أخي عين العقل تقبل شكري وتقديري.

Re: تسلم يالذيب
 

لا من بني زيد 0

الاخ هداج 0

ماراح من عتيبة عند قحطان واجد 0 وما راح من قحطان عند عتيبة واجد 0
ودوام الحال من المحال 0 لكن يا ليت تغطي ما حدث بين الطرفين 0 وبحيادية وانصاف 0
وللمعلومية سبيع لم تكن بهذه الوقعة 0 وكذلك الغائب من ما أوردته كثير 0
تحياتي 0

الأخ خالد ياليت تقول ماعندك من معلومات عن هذه الوقعه لكي يستفيد الجميع

والقصيده وضحت المواقع والأطراف لاكن مايمنع ان نشرح بعض

ابياتها:


[poet font="Arabic Transparent,4,white,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
صدر من الصخه تقطـع شـراره =يتلاه من قومه سـواة العياسيـب


[/poet]

((الصخه)) من مواقع عتيبه بالقرب من حلبان .

(( سواة العياسيب)) دليل على كثرة عددهم.




[poet font="Arabic Transparent,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
وردد جيشه من عـدام الزبـاره=وحفوه صحبانه بكثـر المناديـب

[/poet]


(( حفوه صحبانه بكثر المناديب )) يقصد سبيع ارسلو لعتيبه مناديب يستفزعون بهم.




[poet font="Arabic Transparent,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
غاروا محوشة الدبش في انتشاره=آلاد الكريزي ميبسين المشاريـب
[/poet]


((آلاد الكريزي)) يقصد آل حميد شيوخ عتيبه



[poet font="Arabic Transparent,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامسـوي الفنجـال زود بهـاره=صبه ل عروان وثنه لبـو ذيب
وعده على الشاوي متيـه بكـاره=ضويحي شوق البنات الرعابيـب
[/poet]

((عروان)) يقصد الفارس عروان ابن جاهل آل مسعود القحطاني
((ابو ذيب)) يقصد شيخ آل مسعود من قحطان جعفر ابن عبود
((ضويحي)) يقصد ضويحي من آل الجرو من عبيدة قحطان


[poet font="Arabic Transparent,4,white,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
عاداتنا في الصيد ننقـى خيـاره=ثلاثة الجذعان غصب بلا طيـب
[/poet]

((ثلاثة الجذعان)) يقصد مقتل ابناء محمد ابن هندي الثلاثه


[poet font="Arabic Transparent,4,white,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
اللي شرد وخللا الحويـا يسـاره=واللي نحر رنيه يـدور معازيـب
[/poet]


((اللي شرد وخللا الحويـا يسـاره)) الحويا شمال شرق من عقلان وبعد قتل شيوخ عتيبه ومن معهم شرد من شرد باتجاه الصخه .

((واللي نحر رنيه يـدور معازيـب)) راحو للي حفوهم بالمناديب يدورون معازيب
فقالو سبيع ليتنا من حجنا سالمين استفزعنا بكم نبي الكسب وعودتو علينا دورون معازيب وركايب تردكم لأهلكم.


وكان عندك اي اضافات ياأخ خالد فلا تبخل بها علينا

أخوك ////// هداج

وانا كنت فاهم ان القصيدة هي :
ثلاثة الجذعان غصبن بلا من !!!!!!!.....لشالح بن هدلان ...
أثرها لابن شعوا....
ثلاثة الجذعان غصبن بلا طيييييييييييب !!!!
انا كنت شاك في الاوله انها ما قيلت...
اثرها لابن شعوا....:D

حللللوه ياهداج.


امس ماتعرف الهدو من الجزيه
واليوم تفسر القصيد

علمني بس عقيلان هذي وش بعدها عن فقارة نجد ؟



وياليتك تفك قحطان من سواليفك.......

فهمك صحيح ياهنيدس ...............
البيت ورد في مرادة العفار مع شالح بن هدلان بعد مقتل عبيد بن تركي بن حميد مقاضاة في الفديع .........
يقول شالح بن هدلان ...
عاداتنا في الصيد ننقى خياره *** ثلاثة الجذعان غصب بلا ((من))
ومرثية العفار في عبيد طويلة منها
أبكي عليك ياشباب ضو المناره *** وعليك ترفات الصبايا ((ينوحن))
بس القصيدة في مشاركة هداج مدري وش مصدرها !!!!

الاخ هداج
 

لم نسمع عن هالمعركه من قبل
لكن عطنا كل معلوماتك عنها

السلام عليكم ورحمة الله وبركاته ..
 

اخواني اعضاء منتدى عتيبه الهيلا انا سعيد بمشاركتي معكم واتمنى ان افيدكم وتفيدوني ..
بالنسبه لمعركة البديعه سبيع شاركت فيها للتوضيح فقط ...


اما معركة عقلان اول مره اسمع فيها اللي اعرفه سبيع شاركت مع عتيبه بالبديعه

. اخوي هداج .. ياليت تذكر المصدر حتى نبحث واذا سالناك من وين المصدر لاتزعل مهو القصد نكذبك بس للتاكيد لان يمكن مصدرك غادي .

وارجو من اعضاء منتدى عتيبه سعة الصدر على بعض ..

ولاهنتو اخوكم / سعد السبيعي .

صاروخ أرض-جو
 

سألت الف واحد عن وقعة(عكيلان...)!!!!
لاوجود لها في التاريخ البشري!!!!!!!

قحطان قبيلة عريقة وذات قوة وشكيمه لاكن أشوف في هذا الزمان القحاطين قاموا يزيفون الحقائق مثل بعض القبائل اللي قامت تسوي تاريخ على كيفها وانا اقول ان اللي قتل من شيوخ قحطان كثير ولاننكر انه قتل من شيوخنا على يد القحاطين لاكن تم النصر لنا بحول الله وقوته سبحانه وكم مرة تحالفوا مع القبائل ضدنا لأنهم ليس لهم قدرة في مواجهة عتيبه لوحدهم .

ا للي على الحسرج قمز ونحاش طالع عجاج اللي مع التسرير

طبعا اذا النصر لقحطان لازم مراجع ورسائل دكتوراه واكيد بعد يكذبون لاكن سناف الطراد والدفينه وافلام الخيال العلمي ياويل الي يشكك فيها
للاسف اثناء تصفحي للمنتدى لااحد يقر بالهزيمه لامن قريب ولامن بعيد
ياخواني منتم احسن من الرسول صلى الله عليه وسلم انهزم ومعه المسلمين في احد

اخـوي سيف العرب المناخات التي انتصرت فيها عتيبـه كبيـرة وركـز في كلمـة مناخات ماهو بصباح

وكل المصادر النجـديه ذاكرتها خل عنك افلام هنديـه والقصيـدة اللي ذكرها هـداج لا مصداقيـه لها لأننا

طلبنا منـه المصـدر .. وزبـن ..؟ إذا عنـدك تفنيـد على المناخات الاخـرى كلن له موضوعـه .. وحيـآك بين

اخـوانـك ومليون نعـم في عوآل الشـآيب ..

تحياتي..:)

لا يوجد بين قحطان وعتيبه الا الحرمليه فقط والباقي غارات ماخذ ولا ماخوذ
واذا عندك شك في الروايه عطنا روايتكم عن مقتل ابناء الامير ابن هندي واذا تنكر الروايه من اساس لعدم وجود مصدر فتسعين بالمائه من سواليف المنتدى بلامصادر

خنجر العرب


الحين سناف الطراد والدفينة وغيرها


اللي ذكرتها المصادر تكذبها


وتصدق سالفة لولد عمك بدون مصدر أو حتى راوية ثقة !!


مناخ الجنيفاء إشتركت فيه قحطان مع مطير وطلبوا الصلح


بعد أن رضخوا لمطالب عتيبة وهم صاغرين


ومناخ الحرملية ثلاث قبائل قحطان مطير حرب على عتيبة !!

طيب وشلون انذبحو عيال ابن هندي يابن هوازان وعطنا مصدرك عن الدفينه والجنيفاء

السلام عليكم

وقعة عقيلان صحيحة وهي بين سبيع وقحطان في الأساس وانما اشتركت عتيبة فزعه لسبيع وليس كل عتيبة , الكرزان فقط

يقول ضيف الله العفار راثيا أخاه عبيد ومحرضا الشيخ محمد بن هندي على غزو قحطان


فرد عليه شالح بن هدلان يذكره بقتلهم اخاه الفديع




الثلاثة المقتولين في هذه الوقعة الذين أشار لهم ابن هدلان بـ(الجذعان) هم: محيميد بن خالد بن تركي بن حميد ، ونايف الأول ، وعمر عيال محمد بن هندي

اما القصيدة التي ذكرها الأخ هداج فلا أعلم عنها

ولكنه له دخل في شروط الإداره العامه
وإذا كانت الإداره غير قادره على تطبيق أنظمتها فهنا يجب أن يترك للجميع المجال للتحدث بأريحيه

وشكرا

اخوي الفيلق

نحن اعطينا المجال للجميع بالمشاركه ولكن وفق انظمه وامور لا نسمح بتجاوزها ونرجو منك عدم تصيد اخطاء الاخرين لتدخل في نقاشات لا فائده منها وتسبب زعزعت المنتدى وخرق قوانينه

وكان الاجدى منك ان ترسل رساله للشخص الذي لاحظت خطأه وتبين له الخطأ ( جل من لا يسهو ) في حال كنت حريصا على منتدى ربعك وليس ان تكتب ما قد يسحب بقية الاعضاء الى المداخله والتوسع في النقاش

ونرجو منك وضع سمعة القبيله وترابطها نصب عينيك كما نرجوه من بقية الاعضاء

ذيبان

خيــراً قلت ياذيبان .
والاخوان حريين بكل العلوم الطيبه .
تحياتي

.................................................. ..

انا برمحي بأول الخيلم ملحووم .... والا انت رمحك عند ساره تشله.
................................................


الإدارة

السلام عليكم
يالربع ونعم فيكم عتيبه فيها حقها خذت وعطت مثل كل القبايل ومافيه قبيله اعلى من قبيله كل قبيله فيها حقها
انا عندي نصيحه لكم واذا تبون تمشون عليها فهي خير لكم واذا تكبونها بكيفكم
القصص والمعارك الي تكتب باي منتدى سوا منتدى عتيبه او غيره ماهي موثقه القصه والقصيده فهي تخرب سمعت المنتدى
انصحكم ياعتيبه ماينكتب شي الى انه يكون موثق وصحيح ولا والله راح يضعف تفاعل اي عضو في منتدى عتيبه اذا كان من قبيله اخرى
انا الاحظ ان اكثر مواضيعكم قص ومعارك تحاولون تبينون انكم كسرتو قحطان في كل الحروب الي دارت بينكم وباقي حروبكم مع القبايل الاخرى ماتعطونها اهتمام مثل المواضيع الي تخص قحطان

بتقولون لان حروبنا اكثرها كانت مع قحطان فهذا ماهوب صحيح

لكم معارك مالها حد مع مطير ومع شمر وقبايل اخرى

لكن ماقول الى اتقوا الله في الي تكتبونه

لكم مني جزيل الشكر

سلام عليكم

ربما يقصد هداج الوقعه اللتي قتل فيها ابناء ابن هندي ضد جماعة شالح بن هدلان
ولا اعلم اسمها,,, وربما يكون الاد الكريزي المعنيين في القصيده من البقوم لانه يوجد في البقوم فخذ الكرزان
ورنيه اللتي ذكرت في القصيده قريبه من ديار البقوم والله اعلم
رغم تحفظي الشديد على القصيده لاني اشك فيها لمطابقة البيت مع بيت شالح بن هدلان في مقتل ثلاثة الجذعان

الاخ سيف العرب وفهد العاطفي: معارك عتيبه العظام مع قحطان هي العويند وسناف الطراد والبديعه وكانت من اجل الارض (نجد) وجميعها انتصرت فيها عتيبه وذكرها ابن بليهد في كتابه صحيح الاخبار
ومناخ الحرمليه (ال روق فزعة لمطير) وفيه انهزمت عتيبه

نص ابن بليهد الشامل لمعارك عتيبه مع قحطان (وقد دارت بينهم معارك عظيمه وكانت الانتصارات فيها لعتيبه ورئيسهم في تلك المعارك تركي بن حميد, وكان الذي هدم هذا العز الشامخ الذي لم يرا مثله في جميع الاعراب هو تركي بن حميد هدمه من أسه فلم يبقى له ذكرا) انتهى كلام ابن بليهد

الاخ حماي الدخيل: ذكرت ان الملك عبدالعزيز هو اللي حط لعتيبه مكان في نجد ولا ادري اي ملك تقصد فمعارك عتيبه مع قحطان كانت في النصف الثاني من القرن الثالث عشر في 1269 (سناف الطراد) اي قبل ولادة الملك عبدالعزيز!!

اما باقي المعارك فهي مناوشات من اجل الكسب كمعاركهم مع ابن حشيفان وابن لبده وغيرهم من رؤساء قحطان

شكرا

يا ادارتنا المصونه
شكرا,,,,,,,,,,, كل الشكر لكم على جهودكم.

اظن حق الرد مكفول لجميع الاعضاء,وفي حدود الادب.
الريجيل طايحين سب وانتم توزعون انذارات.

وش رايكم ,,اقفلوا كل الاقسام وخلوا (الشعر والالغاز)

الاخ هدا ج يا ليت تذكر اسم لو واحد من المؤلفا ت الى تقولها مع شكرى

الاخ هدا ج يا ليت تذكر اسم لو واحد من المؤلفا ت الى تقولها مع شكرى