انا ملك على حرار الطواريق =تجي طنا والا تجيني مهابه
في مثل هذا اليوم عز وتوافيق=لابد نحضر والفخر ينحكا به
يا جدودنا يا اهل المهار المعانيق=الكم علينا حق حان الوفابه
على هوازن والعصور السواحيق=لأخر عتيبي نفتخر بانتسابه
ما كنتوا الا كالنجوم المشاعيق=المجد والتاريخ انتم كتابه
ادجر على ذكر المفاخر ولا افيق=الا وبحر الشعر عذبٍ شرابه
وين الذي يبغى علوم المواثيق=ماهي سواليف الرعاه الغلابه
حنا فخرنا مايجي فيه تلفيق=حنا فخرنا سيف يرعف ذبابه
سيفٍ يخلي ناطحينه مشاليق=سله عتيبيٍ وطوح جرابه
في نجد ما نحتاج راوي وتصديق=تشهد ضلاعينه ويشهد ترابه
تمشي من الكعبة إلى قمة طويق=ما تمشي الا في مرابع عتابه
قبيلةٍ ما مثلها في المخاليق=الله عطاها قو باس ونجابه
ذباحة الحايل كرام مطاليق=لطامة العايل نهار الحرابه
قومٍ اولي باس شديد بتوثيق=الله ذكرهم للنبي والصحابه
عقبان نجد ومشفيين الملاحيق=لاصاح صياحٍ وشبوا لهابه
وانكبت السلفان ثم الجمل سيق=وتلافت الفرسان مثل الذيابه
وبنوا بيوتٍ كنهن المشاهيق=وساقوه فنجال السطر وابتدابه
حرٍ على طلعه يتل المسابيق=حول على شيخ الضديد ورمى به
وركبن عطفهم وانقضن العشاريق=ينخنهم والجيش فيه انحطابه
حساسهن يوم انطلن البخانيق=تكفون ياستر العفيفات جابه
الخيل بالفرسان غارن اطاليق=كل ٍ يبا فعله يظهر جوابه
ودلوا عليهم بالنمش والمزرايق=ضرب يورث في الشجيع ارتعابه
كم شيخ قوم هامهم وايبس الريق=واليا سلم يعدها له كسابه
روقي وبرقاوي ولا فيه تفريق=الجد واحد ما دخلهم خلابه
مالوا من الطايف وركبه بتشريق=على فقارة نجد حطوا انصابه
تمذهوا في نجد زين المطاريق=بالغصب ما جاهم من الناس ثابه
لولا غلا علط الرقاب المداقيق=ما خاليوا برقٍ وعسوا سحابه
عفرٍ ندللهن بقطف الزماليق=لو الحيا باطراف تونس راعى به
تشرب من اجمام الثمل و المخاريق=وتسرح على وجه الخطر ما تهابه
ما رددوهن فالخمر والمداريق=تلقى الجنايز دونهنه اركابه
ولا ولدوهن في خطاة المرابيق= كسايب الظفران ماهي جلابه
حريبهم دايم رحاله مراهيق=حتى من العجه تجيه ارتهابه
والا اقصراهم فالرفاع الشواهيق=وعانيهم دايم عزيزٍ جنابه
اهل الثلاث البيض عند التحاقيق=واهل الفزوع اللي ترد النهابه
يوم ان اخو نوره رفيع المنافيق=قام ونخاهم حصل الاستجابه
مع بيرق التوحيد ساقوا مساويق=جمعٍ عتيبيٍ يحسب حسابه
في المجمعه والحرث وايمن صعافيق=ويوم الرغامه وتربه وش جرابه
كم من صباح دوب شمسه تبا تويق=والعج والبارود له انضبابه
ثم اقتلب ليلٍ وما له مفاتيق=وسيوفنا شهبٍ لهن انسلابه
نضرب بها روس العصاه العواقيق=لين اذعنوا للطوع عقب النكابه
ما طاردت خيلٍ ومدت تفافيق=الا و نصر ٍ فوق نصر ٍ بنابه
ربعي عتابه لاحكمن المغاليق= كم هالكٍ نجوه عقب انتشابه
ابفتخر والا الردي خله يضيق=مدحي لجداني ولابه عيابه
وانا ولد حافي كعام المحانيق=أمجادنا ما هيب لحدن طلابه

كم شيخ قوم هامهم وايبـس الريـق=واليـا سلـم يعدهـا لـه كسـابـه
روقي وبرقاوي ولا فيـه تفريـق=الجـد واحـد مـا دخلهـم خلابـه

قصيدة جزله

وشكرا على النقل

ولكم تحياتي ،،،،

صح لسانه
وبيض الله وجهك

تحياتي

كم شيخ قوم هامهم وايبس الريق """""""واليا سلـم يعدهـا لـه كسابـه
روقي وبرقاوي ولا فيه تفريـق """"""" الجد واحد مـا دخلهـم خلابـه

صح لسان قايلها سعد الحافي

وبيض الله وجهه وعزالله قال الصحيح

وسلمت يمينك ياعتيبي الساحل على النقل

سؤال الشاعر سعد ابن مين ؟

والله شاعر ولازم تذكر اسمه كامل على شان نعرفه

المشاركة الأصلية كتبت بواسطة فتى عسيله (المشاركة 420008) كم شيخ قوم هامهم وايبس الريق """""""واليا سلـم يعدهـا لـه كسابـه روقي وبرقاوي ولا فيه تفريـق """"""" الجد واحد مـا دخلهـم خلابـه صح لسان قايلها سعد الحافي وبيض الله وجهه وعزالله قال الصحيح وسلمت يمينك ياعتيبي الساحل على النقل سؤال الشاعر سعد ابن مين ؟ والله شاعر ولازم تذكر اسمه كامل على شان نعرفه

في نجد ما نحتاج راوي وتصديق=تشهد ضلاعينه ويشهد ترابه
تمشي من الكعبة إلى قمة طويق=ما تمشي الا في مرابع عتابه

المشاركة الأصلية كتبت بواسطة عتيبي الساحل (المشاركة 420026) حياك الله وهذا طال عمرك الكاتب والمورخ سعد بن عبد الله الحافي وهذا حد معرفتي فيه سلمك الله

المشاركة الأصلية كتبت بواسطة $ هاوي نجد $ (المشاركة 422959) بيض الله وجه الشاعر أبدع فأجاد والف شكر لعرض القصيدة

المشاركة الأصلية كتبت بواسطة الذيابي2007 (المشاركة 423010) عتيبي الساحل صباح الخير العز يقف لراسك شامخا اختيار بناء جهود تستحق الثناء لطرح يرتقي بالقاري الى الغمام قصيده تستحق ان تكون معلقة ملتقى الهيلا ــــــــــ تقبل مروري

بيض الله وجه من قال القصيده = وبيض الله وجـــه راويها علينا
قالــــها الحافـي بفعولن مجيده = في عتيبه عزوتي يوم أعتزينا

أشهد ان هذه القصيده مليانه وقايلها وافي وراويها اصيل

ومشكورين على هذه الابداعات الرايعه

المشاركة الأصلية كتبت بواسطة خـالد الحافـي (المشاركة 424736) السلام عليكم ورحمة الله وبركاته عتيبي الساحل صح لسان سعد وبيض الله وجهك على النقل وعزالله انه وافي وماقصر لاكن حرام هالقصيده مايطرزها أسم شاعرها بالكامل حفاظاً لحقوقه .. مشكور ياعتيبي الساحل وياليت تزودنا بأسم سعد الكامل خالد الحافي

المشاركة الأصلية كتبت بواسطة علوم النشاما (المشاركة 424937) بيض الله وجه من قال القصيده = وبيض الله وجـــه راويها علينا قالــــها الحافـي بفعولن مجيده = في عتيبه عزوتي يوم أعتزينا أشهد ان هذه القصيده مليانه وقايلها وافي وراويها اصيل ومشكورين على هذه الابداعات الرايعه