ربـعي عتيـبـة هل الفزعات والـطاله = وقبايل المملكة بالـخير مـذكـورة
مذكور تاريـخـهم في نـجد وجـباله = أبطال في نجد قدم يحكم أخو نورة
كــم واحـدٍ قـد شـربنا قـبل فـنجاله =وكم واحدٍ قد كـسرنا عـز طـابورة
أليا أنـتخى واحـدٍ مـنا وجـينــاله =رجالـنا من حـماسه يفـقد أشـعورة
وادي الـرشا قـد تربـعنا على جاله =قـبـيلـتـن دايمٍ بالطيب مـشهـورة
وكم حاكمن فالـجزيرة ماأنـحنيناله =إلا بـعد مـعركة وفـعـول مـخبـورة
وأبن رشـيد المسـمى شـينو فــاله=من فعـلهم فيه عـيت تـبرد حـروره
وكم طاح فالثعل من رجلي وخياله=جانا يبي الدار وأهل الدارمنصورة
وأقفى على المهر الأصفر وأطلق حباله=والـمهرة الثانية تضلع ومكسورة
والزيدي اللي ورى الجـوه عـنيناله = جيناه والصبح الأول ماطلع نـورة
وجينا نـقوده وأخـذنا جـيشه وماله = وراياتـنا دايـمٍ بالـعـز مـنـشـورة
في واسـطـة نـجد صـواله وجـواله=من الرغـامة أليا خـرخـير وشـرورة
واليا نـخينا أعتيبه جـات مـنهاله=مثل الجـماهير يوم تـشجع الكورة
وخـويـنا نـأخذه ونـكرم إسـباله = وعلى ذلوله نـشـيله في ظـهر كـورة
وكم واحدٍ فالـقرية ضـاعوا أعياله = زاهي وقاعد وأخو نوضاء فتح زورة
خشمان يرمي يمين وقدم وشماله = في مسبعة مـير جاهـم ليث ونمورة
وخوصة دواحان بين شواه وطحاله = ونـعم بأبن عـيد وثق حـد ساطورة
وراع البدايع بعد ماجاه يرثى له = حامت علاه السباع الدقم وأنصورة
فالعاقلي يوم جانا النذل جيناله = وذيب القشاعين أكل رأسه وحنجورة
وفي أبودخن فعلنا تشهد له أجياله=نار الــهنـادى تـشادي نار تــنـورة
وألماس الأحمر يهيل القلب زلزاله= وجت معركة ليت مأخوذ لها صورة
ولالا مـفاعيلـنا ويـش نتعتزوا له =في صـفحة الـمجد فالتاريخ مذكـورة
ومن بعد عبدالعزيز نعاهد عياله= على الشريعة وما يصدر من الشورة

ابن مجيول

صح بدنك وشكراً على مرورك

الأخ غازي البقعاوي
مشرف الألغاز ومزاين قبيلة عتيبة الهيلا

صح بدنك يابن العم

ويشرفني مرورك وأظافتك الجميلة للقصيدة

وتقبل تحياتي

جريح نجد

صح بدنك يابن العم وشكرً على مرورك

غازي البقعاوي

مشرف الأ لغاز ومزاين قبيلة عتيبه الهيلا


عيد مبارك و كل عام وأنت بخير ياولد العم


أتمنى ذالك و على يدك ولك مطلق الحريه في أختيار ما يناسب منها
أذى كانت تصلح شيله أوعرضه . بالنسبة لشاعر الذي صوتة مميز موجود ومستعد اكلمة في الموضوع وهو ولد عم ومعروف
الشاعر / مهنا بن صالح الدلبحي

باقي التنسيق مع احد القناوات الفظائية متروك لك لأنك رجل أعلامي ومعروف . وأي ستفسار هذا الأميل((sh77_ab@hotmaih.com))

ذيب الدوادمي

عيد مبارك كل عام وأنت بخير

وشكر على مرورك

الذيب
عيد مبارك كل عام وأنت بخير

وشكراً على مرورك

فيصل الحويماني

صح بدنك وشكراً على مرورك

ابن نايض

صح بدنك يالبناخي

شكراً على مرورك

مقعد الرأس

شكراً لك على مرورك