نداء من العتبان خارج المملكه ... لاخوانهم داخل المملكه
 

حنا اخوانكم العتبان الموجوديين خارج المملكةاما لظروف العمل او الدراسه ......وليس بامكاننا متابعة نشاطات مزايين الابل عن طريق قناة الساحه ..... لعدم توفرها في المنطقه التي نحن بها ....( اقصى الارض)
ومغار نسمع الهروج ولانشوف شي ... يالربع افزعو لنا وصورو الحفل وعرض الابل والارض والناس (فيديو) .... واللي تلقون على طريقكم صووره.... لاتحرمونا الله لايحرمكم .... وحطوها في المنتدى والا في يو تويب ... تحت اسم مزايين الابل لعتيبة ... لكل نستطيع متابعة مايجري ... ولكم جزيل الشكر .....

اخوكم عتيبي متغرب

ابشر انشااء الله الربع يفيدووونك

انشاء الله تجد مايسرك من الأخوان

الاخوان ماهو مقصرين معك ان شاء الله وكذلك صحيفة الوئام على هذا الرابط http://www.alweeam.com/inf/articles....on=show&id=404

اي والله تكفون يالربع تكفوووووون الى يومك ماشفنا شي

ابشر

والله

وحياكم الله

وابي اسوي الى على ان الى على

ولكم اول الصور

صور الزحمة

في الطريق

ياشباب لا تخلون بني عمكم اللي برا ..

هالديرة ماتبث قناة الساحة .. وانا بنفسي رحت لـ Dish Network وهي شركة فضائيات في امريكا .. وقالوا لي ان قمر النايلسات والعربسات لا تبث في امريكا .. وماعاد لنا غير الله ثم انتم ..

تحياتي لكاتب الموضوع

كفو والله ...
 

كفو والله ..... وهاذي الهقوه فيكم ....وانا داري ان محد مقصر .... بس ودي الشباب يجتهدون لان هالمناسبة لازم توثق بالفيديو والصورة ... وعتابة ماهيب اقل من غيرها من القبائل .. ومشكور للي رد واللي مر ...
اخوكم
حافي ومغترب

الزم هالمقاطع
توي رفعتهااا

http://youtube.com/watch?v=OZ21o1uaziU
http://youtube.com/watch?v=SQ7kzPqARpI


وانشالله فيه زياده في الطريق :)

يمال العافيه يالدلبحي ...ويليت باقي الربع يشدون حيلهم ، ويسجلون عروض الابل ،والمناسبات الكبيرة في الملتقى ،والامسيات الشعرية ... وانا حصل مقابلات مافيه مانع ....يالربع ترا الموضوع سهل ولايبيله شي .... بس جمعو مقاطع الفيديو التي تسجلونها وارفعوها ....سواء في يو تيوب والا هنا ... والعنوان في يو تيوب حطوه مزايين الابل لعتييبه عشان نقدر نلقاه في البحث ... ومشكور يالدلبحي في امريكا وبيض الله وجهك
اخوك حافي مغترب

بيض الله وجهك يالدلبحي .. ولا قصرت بس ياليت المقاطع تكون على مستوى الحدث .. وماهو اي مقطع ينشر على الـ youtube ، الرابط الأول حق مخيم الدلابحة مافيه كلام ، ويستاهل انك تنزله .. والروابط الثنين الثانيه ماتخدم الملتقى اعلاميا في اي شي .. وياليت تقتصر بعرضها في منتديات عتيبه الهيلا ..

أتمنى أن تتقبل رأيي بسعة صدر ..

وفي النهاية علمك غانم ولا قصرت ..

كلامك صحيح يابو عتب ،فعلا احرصو على النوعية ، يعني لاتحطون شي يعني !!!؟؟؟ :) ،وحطو شي مرتب وله راس ورجلين (يعني بداية ونهاية )

أؤيد كلام أخواني أعلاه ..

لاتحطون شي مايسوى ومحسوب علينا ..

أما شي دسم والاّ بلاش ..

صدقت أخوي أبوعتب .
وترى ((كومكاست)) ((وكوكس)) يقولون طيبه وتجيب الساحه بأمريكا !!

ههههههههههههههههههههههههههه
طيب لما احطها كلها ما راح يضر يا اخوان :)

بس على العموم
عندي شويت مقاطع راح اقطعها وانزلها ..

انا مشترك للنت عن طريق شركة كومكاست .. وبتصل الحين وبسألهم .. وعسى احصل عندهم علم ...

وبالنسبة للـ youtube كتبت فيه كلمة مزاين وسويت بحث .. وشفت شي يشرف من القبايل الثانيه .. وكيف نزلوا مقاطع فيديو عن مزاين اباعرهم .. فـ ياليت الشباب يشدون حيلهم وينقلون لنا .. وحنا بدورنا يجب ان ننقل على اليوتيوب وغيره ..

عافاك الله يالدلبحي .. وبانتظار المقاطع

شكرا يادلبحي .....

خلك ذيب . ولك حبت خشم ..

تقبل تحيات أخوك .......