السلام عليكم ورحمة الله وبركاته

ألا يـا راكـبٍ ضمـراءً تلاحـق وضنهـا زويّـان = ( بعيدٍ زورهـا عـن كوعهـا مـا هيـب عكّيّـه )
تفزّ إليـا خذتهـا مـن .. يميـن معـرّب الجـدّان = ( كمـا فـزّت فريـدٍ بأشهـب البـارود مرميّـه )
نجيبه من حراير جيش .. إبن ثانـي لأهلهـا شـان = مزلّـجـةٍ جــلال عقـيـل والـعـزوة تميمـيّـه
فهيقت من تحته إليا .. هدر ترضـخ لـه النيقـان = توالي دارنا اللـي مـن .. عظـام التـرك مبنيّـه
عليهـا مـن يلبـي دعـوة الشجعـان للشجـعـان = ضحـى ثالـث عشـر شـوال فالسـر ومفالـيّـه
سـلام الله ســلام الله .. ســلام الله يالعتـبـان = عليكـم عـدّ مـا مـجـواخ خيّبـتـوا هقـاويّـه
حضرنا نبارك الجمع الغفيـر ... مزايـن الذيـدان = عساهـا مـا نفـوع ألا وهـي بالـنـوّ مسقـيّـه
عساها لبـارقٍ صـادق حقوقـه يسلـب الأعيـان = يبـلّ أوبارهـا ســحٍ غــدق هـمّـال وبلـيّـه
ألا يا هيّ مالي هـيّ .... لا مـن طبّـت الميـدان = ذود بـذود .. متـن بمتـن .. منقـيّـه بمنقـيّـه
عليها يا وجـود اللـي .. عليهـا وقّـف مسيّـان = يهـلّ الدمـع مالـه عـن يهلّـه كـل عصـريّـه
على اللي تسهجون إبها الخلاء في نايـد الريضـان = ليـا منْـه أزهـر المكنـان وعطَّـت كـلّ قفريّـه
على مدهال من ظهْرن .. على الخايع بـلا رعيـان = فرشـن الفايـض الممطـور والحيـران منسـيّـه
تقول إليا أنثعت كنْهـا .. ضـلال مرقّـط الأمـزان = وإلا منْهـا تتـالـت كنّـهـا تسـتـاق خرجـيّـه
مجاهيـمٍ يداقـش فـي طرفهـا مفهـق الحيـران = كبـار فقـار , علـط أراقـاب , مشرهفـةٍ أذانيّـه
وساع إمنادغ , كبار المزْر , فجـحٍ مـن السيقـان = مرق الغـرب , فـرع , سنـاد , خفقـاتٍ لواحيّـه
على مـدّ النظـر منهـا .. مغاتيـرٍ كمـا الغـزلان = على التصويت ما تتلى .. ليـا مـن صـاح راعيّـه
ألا يا مـا حلـى هـدب المناكـب وضّـح الألـوان = وألا يـا مـا حلـى فوعاتهـا لا جـات مدعـيّـه
عطايا الله , عطايا الله , كساهـا الواهـب المنّـان = تحـت ضـلّ العتيبـي بالمشلشـل فـوق محميّـه
ألا يا كيف لا وأنتم ..هل المركـي وأهـل شامـان = مرجحـت الموازيـن و مصابـرة علـى الهـيّـه
لكم معها مثل مـا للدجيمـاء فـي هـوى الخـلان = ومثـل مـا للنفيعـي مـع خليّـه صافـي النـيّـه
جنايبهـا حـراب حـراب .. لا مــن رزّت الآذان = تسـاوى عندكـم المـوت .. يـازبـن الجـلاويّـه
دون ضلالها فيمـا مضـى عـن سطـوة العـدوان = ألا يـا كـم لكـم مـن هيّـةٍ مـا هيـب منسـيّـه
وألا يا كم لكـم مـن فوقهـا لا شمـرت الذرعـان = ليا من العقل مـن فـوق ( هـذا ) جـات مرميّـه
وألا يا كم , وألا يا كـم , وألا يـا كـم يالفرسـان = لكـم ... ألاّ ياويـش لغيركـم باقـي مـن الفيّـه
خذيتوا الطيـب يـا ذباحـة الحايـل بـلا نقصـان = الا لا يـا قليلـيـن الـعـذارب وش لـنـا فـيّـه
بها أصدح صدح يالهيلا , وأقولـه بالفـم المليـان = وأنا من لابتـةٍ مـن عهـد عيسـى نارهـم حيّـه
تميم الهامة , الهامـة , سنـام المجـد والعنـوان = أشـد أمـة .. علـى الدجـال لا بانـت حـراويّـه
كعـام الفـرس والآتـراك والأوبـاش والرومـان = بنـا التاريـخ زاخـر والفعايـل بــه غنـاويّـه
هل الجيرة هل الشيمة على الخـوّة كما الضلعـان = نمـوت ولا يجـي مـن لاذ بحمانـا طـرف سيّـه
سوانينـا ليا مـن عاضبـت بـه نقـري الضيفـان = وإلا منها إسمحـت نستسمـح اللـي يعلـم النيّـه
وحنـا اليـوم وأنتـم والقبايـل كلـنـا أخــوان = تحـت حكـم السعـود مقدمـيـنٍ كــل منقـيّـه
عزيزين الجناب بظـل أبـو متعـب معـا سلطـان = حـزام ممتلـي لا صــوّت المـأمـور بالـريّـه
لهـم حنّـا ليـا منـه بـدا راس الحريـب وبـان = ( جمـوعٍ قوّضـت مـا سمـع حاديّـه مناديّـه )
( وأنا ما شعر على الهامش وأصور مظهرٍ ما كان ) = يشوفون العـرب والشمـس لا مـا هيـب مغدِيّـه
سـلام الله ســلام الله .. ســلام الله يالعتـبـان = عليكـم عـدّ مـا مـجـواخ خيّبـتـوا هقـاويّـه
و صلاة الله على المختار ما يمطـر مـن الأمـزان = على سيـِد الجميـع اللـي شروعـه كلهـا حيّـه

المشاركة الأصلية كتبت بواسطة نواف العصيمي (المشاركة 460792) بيض الله وجهك وووجهه .. ونعم في الشاعر المبدع.. وصح لسانه وكذلك قبيلته العزيزه .. لها كل المحبه والتقدير ولك التقدير والإحترام

المشاركة الأصلية كتبت بواسطة ابن نجم الذيابي (المشاركة 460794) صح لسان الشاعر سامي بن صالح آل عرفج العنقري التميمي ويالله حي تميم في محلهم وسلمت يداك يالغالي على النقل المميز

المشاركة الأصلية كتبت بواسطة Man من العتبان (المشاركة 460807) بيض الله وجيهكم يا بني تميم طيب ونخوه ماهي غريبه عليكم وصح لسان الشاعر ولا هان ومشكور يا العبدلي التميمي على هذي المشاركة الطيبه

المشاركة الأصلية كتبت بواسطة Man من العتبان (المشاركة 460830) خلني ادخل الغرفه اللي فيها الدولارات بس وابشر بعززززززززززززززززك :)

المشاركة الأصلية كتبت بواسطة غريب أطوار (المشاركة 460832) على العز على العز يالعبدلي التميمي وتسلم يدك اللي خطت هالقصيدة ويسلم قايلها وهلا فيك بين ربعك وأخوانك وياهلا فيك مليار

المشاركة الأصلية كتبت بواسطة فهد العضياني (المشاركة 460839) صح لسان التميمي وبيض الله وجهك وتحياتي للهيلا

للرفع

رفع اللهد قدركم