|
الهــــدو...بين القبــائل
طرح موضوع قبل ايام حول( وهم) نسجه بعض من يجهل التاريخ ومن يتخبطون فيه . حول مسأله الهدو وتميّز قحطان على عتيبه والعجمان ... ولان الردود في ذلك الموضوع كثرت وخرجت عن الموضوع الاساسي وبها من الاخطاء والتجني مالايعد ولايحصى . فأحببت ان ارد بموضوع مماثل لكي يطلع عليه الاخوان ويكون تصحيح وتوعيه لمن لايفقه في الامور التاريخيه الكثير . ...........
للاسف الاخوان خلطوا او تعمدو الخلط ومساواة الهدو بالجزيه .. وهذا هو الغباء بعينه.. فلم يرتقي بهم الامر هذا المرتقى العالي لفرض الجزيه .. ولو كانو اهل لها ... ماستحلت الدار ووخذت الحله ... وهنا اورد ماذكره ابي عبدالرحمن الظاهري حول هذا الموضوع والنسخه التي لدي مطبوعه عام 1402 هجري . اي قبل 22سنه من الان . يقول ابي عبدالرحمن في كتابه الشعر العامي بلهجة اهل نجد . حول الهدو وان زعيمين مشهورين هما تركي بن حميد وراكان بن حثلين ذكرا توددهما اليه بالهدايا .. (( قال ابو عبدالرحمن : هذا صحيح وليس ذلك ميزه لابن هادي في الجزيره العربيه , بل العاده ان الربيع اذا كان في جهه واحده فأن القبائل المنتجعه لرعي الربيع تتهادن لمده محدده وبعد انتهاء الرعي يكون بين القبائل هدنه عشرة ايام الى ان تصل كل قبيله بلادها وخلال ايام الهدنه يضمن شيخ كل قبيله ماينهبه جماعته من القبيله الاخري .. وأذا كان المرعى في اراضي قبيله منيعه فان القبيله المنتجعه لاترعى الاباذن من القبيله المقيمه ويكون لهذا الاذن مقدمات من الهدايا والمدائح . اما من يسمي تلك الهدايا أتــاوه فهو يجهل تاريخ القوم ....... انتهى فالفرق واضح كما اشرنا في ردودنا .. و اترك الحكم للاخوان... ولي عوده حول نقاط اخري . بعيد المرامع |4| |
الفرق واضح
والعبره بالنهايه....... |
تسلم يابعيد المرامع ....
مشكلة الاخوان من الطرف الأخر ... مايعرفون الف .. اباتا ...تاريخ ...لايعرفون الفرق بين الهدو و الجزية , ويقولون بديوي الوقداني سبق بن حميد بقرن ونصف وبديوي رحمه الله متوفي عقب وفاة بن حميد ب 17 سنه ...!!! والطريف مايعرفون شي عن معركة اوضاخ ورغم اننا اثبتناها لهم بمصدرين (امتاع السامر , سمط العوالي للعصامي) فمازلوا يكابرون .. والأدهى والأمر مايعرفونان قبيلتهم ((قحطان)) شاركت في مناخ عرجا... ولايعرفون يقرأون النصوص ...وهل قصيدة ما قيلت قبل المعركة ام بعدها ... والطريف ان الحرب بين عتيبة وقحطان ((سجال)) ... والظاهر الأخوان يسمعون ((سجال)) ولايعرفون معناها ... والمصادر عندهم كلها ...لايعتد بها وليست حجة ... وخريطة توزيع القبائل كشفت الأمر جليا ... ومع ذلك يكابرون ...يعني لاتاريخ ينفع ولاجغرافيا تفيد .... !!!!! ....(( بمن يذكرونكم الربع !!!!!!!!! )) |
الأخ عين العقل
بالنسبة للفترة(980هـ ـ 987هـ) فهناك معارك غير اوضاخ لم نذكرها .. وهي معارك تاريخيه لعتيبة ونتائجها مدويه وأسطوريه.. ... ومن مصادر غير السامر وغير العصامي ... وسنتناولها في البحث القادم انشاء الله ... |
تسلم ياهنيدس ...
الغريب ان في خريطة القبائل ... ديار الدواسر تفصل عتيبة عن قحطان !!!! شكل الدواسر طبوا على الريجيل وخلصوا على الباقي !!!!!!!!!!! |
وهناك معارك كثيره جداً ... لم نذكرها في تاريخ عتيبة الموجود هنا...
وعليها مصادر كثيره ... ولكن تعرف ...((نخشى على الكثيرين من عدم القدرة على الاستيعاب والتركيز)) نقول حبه حبه ... علشان ما نتسبب في تشنجات عند الكثيرين .... |
بعدين الأخوان مايعرفون أن قبيلتهم شاركت مطير وحرب في عرجا ... والمناخ قريب عهد .... عام 1313 هج ... أجل لو بتجيب معارك مؤرخة بين ( 980 - 987 هج ) ...وش يصير ..!!! .....(( خلها على الله ))
|
أنت عصابة الراس ياهنيدس ... قلي بس ...((وين أخذك ... وين أنهزم فيك )) ....!!!!!
|
والله قحطان ونعم فيهم ... كانو احلافنا منول ...
واذا هم ما يعرفون تواريخهم القريبه على قولتك يوم ناقشتهم ... فوش أقول ؟؟؟؟ مشربش الشاي ... اشرب كازوزا انا |
الطريف أن الأخوان يدعون أن غزوا بن رشيد على عتيبة كان ...مضمون المكسب ...ههههههه ... أجل وش ودى غزلان عند عتيبة ... دام الغزو ((مضمون المكسب)) ...!!!!! هههههههههههه ... وعتيبة كانت دائما الحصن الحصين ... والدرع الأمين ... بالمناسبة ... وكثيرين لايعرفون هذه المعلومة ... أن ملك العراق ...الملك فيصل الأول ... تربي وترعرع في بادية عتيبة الحجاز ...لأن والده كان يخشى عليه من خصومة أبناء عمومته ... يعني في أقاصي نجد وأقاصي الحجاز ... نقول وبكل ثقة ..لم يكن الغزو على عتيبة في يوم من الأيام ...((مضمون المكسب)) ... الي متى والعالم معييه لاتفهم ههههههههههه
|
يعني أذا لك أعداء ... يدورون عليك بشمعة ... معقولة ياشيخنا هنيدس ... تروح تجلس عند ناس ... كسبهم وهزيمتهم ((مضمونة)) .... هذا يسمونه ...(( أنتحار)) ههههههههه ((الي متى والعالم معييه لاتفهم )) ...!!!!
|
شف اذا كانت الحجه ...هي قلب حقائق التاريخ ... بالكلام.. بلا دليل ...
فاعلم ان ((ما بالحمض احد ))..!!! واعلم ان خصمك يعلم ان التاريخ في كثير من الاحيان ...ضده .. فيتهرب ...بسفسطة الكلام ...والخوض ... في ...الفاظ ...مثل قول ((الكسب مضمون)) اما القول ان الكسب مضمون .... فشليويح ادرى بهالمواضيع...!!!!! وهذال بن فهيد ادرى ...!!!!!!.... والدغالبه ...الخ .... هذولا يعرفون وين يلقون الكسب المضمون !!!!!!!!!!!! فالتبعيه لابن رشيد .... يخجل كثيرون ان يقولوها الان .... فتجدهم يركزون على ان ما يجري في نجد ذيك الايام ...هي مجرد غارات .!!!!!! وهي ليست بغارات ... هي صراع بين قطبين كما وضحنا.... بس ما يقدرون يقولون كذا..... |
ميزه ..!!!!!!
وأي ميزه تلك لتي بقيت لهم ..!!؟ |
أخي العزيز بعيد المرامع انت في موضوعك هذا اكدت كلامي ولم تكذبه فلقد ذكرت ان تركي بن حميد وراكان بن حثلين يتوددان بالهدايا الى محمد ابن هادي وهذي ميزه انفرد بها ابن هادي وقحطان وعلى ماقالو مايصح الا الصحيح.
تحياتي للجميع |
الميزه الاخرى يا هداج هي :
هدايا الجبعا الودعاني لابن هادي وهدايا ابن هادي للودعاني........ وقصيدة الودعاني في ابن هادي....... |
وهناك ميزه لم تذكرها:
نصيحته لتركي بن حميد(الذي لم يستمع النصيحه): نجــد(ن) تــبرّا مـــنـك وبـنــا تــرحــــب تبدي لك البغـضــا ولا طــعـت شــورها فإن كــان يا بن حميد ماطعت ناصـــح تـرى الــوعـد لا من ركــبــنا ظهـورهـا |
وهذي ميزة ثانية .... عشان حبيبنا هداج ...!!!
ذالي ثلاث سنين ما جان خطار *** صارت معا ميلي وبيتى مزله من أول عندي مقاديم الأشوار*** واليوم أقول الرأى ما احد يشله |
هذا هو التاريخ لامنسي ولامجحود موضوع قيّم والعاقل يزاد والجاهل يوعيه |
كفايه الله يخرب بيوتكوا :D
|
الموضوع له 5 سنوات :).. ولازال بعض الاخوه...في جهلهم يعمهون... فهم اقل بكثير من فرض..سيطره..ناهيك عن جزيه ففي حقيقة الامر...الوضع مر.. فهم لايستطيعون...حماية انفسهم..من عتيبه..:) والدعوه ..لاتعدو على انها حكى..في حكى.. |
المشكلة إن العدوى وصلة غيرهم .. الجزية يتغنابها بعض القبايل .. ويعيرون عتيبة بها .. مع إن عتيبة في الحجاز .. ولو كان من أحد يدفع الجزية .. أكيد إنها القبايل اللي كانت في نجد ( قبل لا تكنسهم عتيبة ) ..
يعني جهل غير مسبوق .. خل الأخوة اللي يدعون فرض الجزية .. حنا الحين ابتلشنا باللي يقول قحطان فرضت عليكم الجزية <--- وأنت وين رحت ..!!!؟ يا ناااس ما بوووه جزية .. الهدو معروف .. ......................................... إذا كان لديك مايثري الموضوع غير السخريه أهلاً بك غير ذلك مرفوض الإداره |
[quote=هنيدس الروقي;24940]اما القول ان الكسب مضمون .... فشليويح ادرى بهالمواضيع...!!!!!
وهذال بن فهيد ادرى ...!!!!!!.... Quote] لله درك ياهنيدس فانت تذكر من هم اهل الدرايه بالكسب المضمون !!! وخصوصا هذال ابن فهيد ومعرفته بالخنافر جيدا وكذلك شليويح ومعرفته باالفهر عبيده جيدا وخصوصا انهم لاقوا حتفهم بسبب هذه الدرايه !!!!!! |
أفااااااااااااااااا
موضوع كله نغز في قحطان والمشاركين هنيدس وعين وبعيد كلهم مشرفين ومحلللين وباحثين والموضوع كله ارفع واكبس بينكم بين تبون تحيونه وتبون حد يخش في الحديث وبعدين ليش زعلتوا من كلمة بن اخيكم ((هداج)) ....ترا ما قال الا الصحيح وشهد شاهد من اهلها علا العموم انا ما ابي اناقشكم في موضوع الجزيه والهدو فقد اعترف بها امير عتيبه وأبوها الشيخ تركي بن حميد: وهذي بيتين لشاعر المقطه اهداء لعيون مطرقين ودنقور يوم يقول "كفايه الله يخرب بيوتكوا" الله يهديكم بس يا عتيبه ... والله انكم عزيزين جدا بس فيكم جهال لو تسلمون منهم وحن بعد يا قحطان عندنا اجهل منكم لكن عسا الله يصلح وعلا ماقال الملك عبدالعزيز في قحطان وعتيبه "هذولا رمحي وشلفاي" |
اقتباس:
|
الاخ قحطاني قحطاني
اولا ارحب فيك كضيف في محلنا منتدى قبيلة عتابه ولدي ملاحظات حول ردك انت تتهم هنيدس وعين العقل وبعيد المرامع بتهجم على قبيلة قحطان واظن انك لم ترا منتدى قبيلة قحطان والشن الهجومي على قبيلة عتيبه سواء من اعضاء ومشرفين ولا ود اذكر اسامي واتمنى منك ان تذكر لنا مصدر تاريخي يثبت بأن قبيلة عتيبه دفعت الجزيه لقبيلة قحطان واظن انك تعرف ماهي الجزيه ولدي توضيح حيث وضعت ابيات وادعيت انها لشاعر من المقطه فأنا لن اسئلك من هو الضيط المقتول بالقصيده وكذالك زريبه لان هالقصيده تاره تدعون انها لشخص من قبيلة العجمان وتاره لشخص من قبيلة عتيبه ولكن اود اوضح لك بأن هذه الابيات موجوده من ضمن قصيدة الشيخ راكان بن حثلين في كتاب باسم قارس العرب الامير راكان بن حثلين امير قبيلة العجمان اعداد حسن الحصينان العجمي والابيات اللي زعمت انها لشخص عتيبي تجدها ص 35 لكن بدون الشيخان الذي زعمتو بهم بالقصيده ونسبت لشخص مقاطي وسلام |
اقتباس:
ارحب والله يحييك في محلك ياحي الرجال العاقل شرواك اللي ياخذ ويعطي معا الرجاجيل برجوله واحترام وهذا الأصل فيكم يا عتيبه وأنا برد عليك يا أخ المنيفي: اول شي وانا اخوك انا ما أتهمت حد بـ(التهجم ) أنا قلت فيه بعض الغمز والمز والمشاركات قدامك واقر واتشوف ولا تقرى بعين عتيبيه ولكن اقر بعين محايده والأخ هداج قال كلمة حق وشف الردود اللي اوردوها الأخوه وأكثرها من عين العقل وبعيد المرامع وهنيديس الروقي وبالنسبه لمنتدى قحطان فياليت تتمعن مشاركتي اقتباس:
واذا فيه كم جاهل في منتدا فحطان خلاص يصير الضد بالضد معا العلم ان فيه مساحة حريه في منتدى قحطان غير موجوده في بعض المنتديات ويمكنك ان تسأل عبدالرحمن الهيليوم وابن الهيلا وعتيبي برقاوي وسرحان العتيبي وغيرهم من الأخوان الأعزاء من قبيلة عتيبه سواء تعرفهم ولا ما تعرفهم فليس هناك ايقاف من اول مشاركه ولا تحرير لجميع المشاركات وأنا لست من ادارة هذا المنتدا وهذا المنتدا لا يمثل قبيلة قحطان رسميا لا هو ولا أي موقع الكتروني واذا تبي تعرف قدر العتيبي عند القحطاني خاوه ولا اطلب فزعته ولا بس خله يدري انك عتيبي وتحتاج مساعده والله ان اول من يفزعك يا عتيبي القحطاني وانا ما بقعد اهايط هنا في منتداكم لكن ان شاء الله اني ما بظلم حظي والدنيا تعلم يا عتيبي والله يبطي بيوم الشر ولا يجيبه واما بالنسبه للجزيه وما الجزيه وانا اخوك فأنا ما بتكلم فيها ولا بثبتها ولا بنفيها لكن عطيتك بيتين للأمير تركي بن حميد وان شاء الله انها واضحه واما قصيدة المقاطي الى اوردتها فانا قد سمعتها من شايب منكم يا عتيبه ومادامك تقول ان فيه مصدر وكتاب موثق فأبد ياطويل العمر كلامك ان شاء الله صدق ورجوع للحق ولا مشي في الباطل وصحتها وعدمها لابترفع قحطان ولا بتنزل عتيبه وسلامتك |
بن هادي :
لابد من يومن يثور عسامه *** اما على المطران والا على يام بن حثلين : الشايب الي ماتحلل عظامه *** عيت تبيده الليالي والأيام طلع علينا ....... ونسبوها لتركي بن حميد وعدلوا وسمكروا واضافوا كم بيت ؟ |
وعتيبة لم يكن بينها وبين قحطان تحالفات ... لكن قحطان كانت تطلب من عتيبة ان تحميها من هجمات اهل القصيم وبن رشيد ... وهذا كلام موثق ماجابت شي من عندي .........
|
اقتباس:
معليش بس هذي صارحه جديده و جذابه ياليت يحطون جنب مشاركتك فلشر "جديد وحصري" انت احم نفسك يا عتيبي من قحطان وشمر وابيض وجه عند عمرك لا وقحطان تبغا عتيبه تحميها من القصمان!!!! منجد: |
اقتباس:
مع عين العقل هذا وهو قاعد يدغدغك بالحقايق مالمسك الساخن لذا الحين ياشين التصنع لحيث انه مايدوم . اقتباس:
تكفى ارفق علاه وانا اخوك اخاف فالمره الجايه تجيه سكته . |
...................... اتمنى ان يكون الرد بالحجه والبرهان ان وجدن لديك بعيد عن حركات صغار العقول.............
الاداره |
والله يا أخوان إن موضوع "بعيد المرامع" واضح ولا يحتاج إعادة وزيادة .. كان الهدو من سلوم العرب واحترامهم لبعضهم .. بس يوم وصلت للمعاند والقوة .. تبين هل كانت جزية أم طيبة العرب .. والا كيف من ياخذ الجزية يطرد ثم يتحالف مع القبايل الثانية ..!!!؟
ليت القحطاني يفهّمَن النقطة هذي .. وشكرا ,,, |
قحطان
عتيبه والله والف نعم بكم كلكم مافيكم قصوور التاريخ يعرف نفسه يالأخوان اتركوا الجهل وامور الجاهليه كلنا اخوان طبعاً انا مالي خص بهالامر ابداً لكن والله ثم والله من غلا قحطان وعتيبه علي فيا اخوان اتركوا امور الجاهليه والله انه لو تقدمنا 1 من مليون كان كل العرب جهاااااااااال لكن ماراح تقدمنا بشيء ابد ... |
اقتباس:
الحقيقه نص داوتي ..نص نفيس ومؤلم ولو طاح في يدين حلفائهم ضد عتيبه وحلفاء القصمان عليهم ..صارو مهكه على كل لسان لكن الجهل التاريخي يدوهي .. والظاهر ان الرجال يحفر لها هههه ولا يقنع الخبل لين انه يلامجها |
يقول تركي بن حميد
وذي فوق البيعه .. ونختم وباقي الحكايا بايهات امورها هذي ايام ..يافار عللني واعللك يافار واليوم ياماوس عللني واعللك ياماوس ..:) |
السلام عليكم ورحمة الله وبركاته
اخواني احبابي ممكن نتكلم بالعقل والمنطق شوي ونترك الحجج والبراهين يعني 1+1=2 الآن هناك من يقول جزيه والجزية تؤخذ على اي جماعة من جماعة اخرى بلا مقابل فقط مقابل للحماية وهي تاخذ من الكافر وتعطى المسلم وقحطان لا تحمي عتيبة من اي شيئ وكلهم الحمد لله مسلمين الهدو مأخوذ من الهدية والهديه تعطى للتحاب وزود المحبة بين الاطراف وعتيبة لا تبحث عن حب قحطان اذن ما الامر الموضوع اسهل مما تتخيلون ان عتبية تدفع حق( العلف ) يعني ما نقول له في زماننا هذا بياع علف او التجارة بالاعلاف وبيع الاعلاف على خلق الله ليس فيه فخر ولا ميزه لوانه هو من زرعه فما بالك ان كان ما زرعه فاين الفخر اذكر قصه قصيره من تاليفي : كان يا ما كان ان هناك صاحب مزرعة كبيرة وجميلة فيها الخضرة والماء ...الخ أتاه رجل راعي جمال واغنم وقال له هل استاجر منك هذه المزرعة ليرعى فيها حلالي قل المزارع نعم ااجرك بالقيمة الفلانية قال صاحب الابل لا سولي دسكاون تخفيض قال المزارع تم تم تم ..... اخذ المزرعة صاحب الحلال وجلس يرعا الدبش وبعد فتره طويلة وليست بالقصيره رجع المزارع وقال اخرج من مزرعتي الان قال صاحب الابل امعصي اطلع...... كلمه من الراعي كلمه من صاحب الابل قصيده من الراعي قصيده من راعي الابل زعلوا من بينهم دخل الشيطان بينهم تماسكوا تطارحوا تعافسوا استطاع صاحب الابل ان يمسك بالمزارع صاحب الحق الشرعي بقلاف المزارع وحذفه خارج المزرعه وقام بطرده وقال صاحب الابل للمزارع ان شفتك هنا كسرت رجلينك تكسير وكان امام المزرعة صخرة عظيمة كبيرة قال صاحب الابل خلك ورى الصخرة فأصدر راعي الابل اسمن للصخرة فاسمها صخرة المزارع (بائع الاعلاف) وتوته توته خلصت الحتوته لحظه نسيت استبيان بسيط من يقول ان الفخر لصاحب الابل يعطيني رقم 1 ومن يقول ان الفخر للمزارع يعطيني رقم 2 |
وما نيل المطالب بالتمني
مامضى من التاريخ قد حدث وجرى فيه ماكان فلا يمكن قلب الموازين بعد ان قضي الأمر وكان ماقدرالله ان يكون
يقول الأمير تركي ابن حميد حنا لياكلن تمصلح بقوده***********نصلح بقبن كنهن الشياهين ويقول ابنه ضيف الله العفار يانجد والله مانزلناك بسلوم ****** ولانتي بورث جدودنا بالقدايم يانجداخذنا فيك حقن ومقسوم**** وصفا جنابك عقب نطل العمايم خذناك عقب مدارك العمر بالسوم*** بيعن يخسر لابسات اللثايم وهذا ما احببت توضيحه ولي عوده بالتفصيل ان شاء الله |
اقتباس:
والقصيدة أطول من هذه, فهذا رد الجبعه رحمه الله يومها بالمعرفه والرفقه فعطيناها حقها من العلوم الطيبة ويومها عودت للحمايا فحنا هل الحمايا أول وتالي من غير أقصور في جميع القبايل .رحمهم الله جميعا وأسكنهم فسيح جناته .وتقبلو تحياتي لكم إعزائي القراء . تقبل مرورى بعيد المرامع وتسجيل اعجابى لموضوعك هنا |
| الساعة الآن »03:27 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd