العازمي:
مرحبا والشاعر اللي ينومس مستواهي=نزل الميدان والنـار مـن شبابهـا
ياخذ ويعطي ويبشر بعدها بالغنـاه=درس بالمجّان .والنار من شبابهـا
سارح:
البقاء يالشاعر اللي عجبنا مبتداه=يوم جر الحان والنار من شبابها
كل من يطلب يجينا نحقق مبتغاه=وانتبه يافلان والنار من شبابها
العازمي:
انت منوة صاحبك في جبل والا وطاه=جيت دون اعلان والنار من شبابهـا
طالبك جزل المعاني ياصاحبنا هـذاه=والكريم معان والنـار مـن شبابهـا
سارح:
منوتك يامنوتي في كدر والا صفاه=جيت ابو سلطان والنار من شبابها
قدم المعروف تلقاه كان انك تبـاه=حكمة الانسان والنار من شبابهـا
العازمي:
ابو سلطـان الليالـي تبتبيّـح خفـاه=ماعليها امان والنـار مـن شبابهـا
ماعليه منك ابلحسك من جمر الغضاه=عقب جيت اهدان والنار من شبابهـا
سارح:
علموا صاحبكم الليله يعوّد وراه=ويبعد الشيطان والنار من شبابها
قبل لايذكر ليالٍ مضتله في صباه=في زمانٍ كان والنار من شبابها
العازمي:
استعن بالله ولاقط خيّب من رجـاه=وسم بالرحمن والنار مـن شبابهـا
عقب ماحصّلت سارح يهوجل بالفلاه=يمّه النيشـان والنـار مـن شبابهـا
سارح:
جل رب الخلق سبحان ربي في علاه=معطي الايمان والنار مـن شبابهـا
صاحبي ماضن هالليله الهادي هداه=شعلل النيران والنار مـن شبابهـا
العازمي:
وش يجيب ووش يود البنادم فالحياه=يارفيع الشان والنار مـن شبابهـا
ماورد للعد واحد قصيراتن رشـاه=بيننا شتّان ..والنـار مـن شبابهـا
سارح:
البنادم فالحياه يتعلم مـن خطـاه=ويطلب الاحسان والنار من شبابها
من ورد للعد ياصاحبي روّح ظماه=مارجع عطشان والنار من شبابها
العازمي:
اسمك اللي تحمله غيّره وابعد مداه=يرجح الميزان والنار مـن شبابهـا
من ورد للعد يشرب وعونه من يداه=ماطلب عوان والنار مـن شبابهـا
سارح:
القمر ماقلل اسمه شعاعه في سماه=يوم نوره بان والنار مـن شبابهـا
ياجماعه صاحبي ضيّع الدرب ونساه=ضيّع البرهان والنار مـن شبابهـا
العازمي:
فرق مابين القمر والصحيب اللي بلاه=بعد ظلع آبـان والنـار مـن شبابهـا
صاحبي لو يمسك الصقر ياضنّي شواه=يزعل البـدوان والنـار مـن شبابها
سارح:
قال حامض ياعنب قالها يومن لقاه=لحسةٍ بلسان والنار من شبابهـا
ويش اسوي بالغليّم تمادا في خطاه=ورد في بستان والنار من شبابها
العازمي:
السحاب اللي تنشّى يبلك وبل ماه=اطمر الجرفان والنار من شبابها
سارح الشاعر بعد لعبنا زايد غلاه=شاعرن لاهان والنار من شبابهـا
سارح:
السحاب لبطنك علاج لاجتك الطواه=وانت اله ظميان والنار من شبابها
رح ونام وخل الأشعار للناس الهواه=قم واسر طربان والنار من شبابها
