سلام تسليمةٍ على طبق من ذهب=أغلى تحيّه على اللي يستحقونها
حنّا عرب ما نجنب عن سلوم العرب =لو تخلف الناس مذهبها وقانونها

يامرحبا رحب يرقى في علو الرتب=والهقوه الطيبه ماصار من دونها
انتم عرب والعرب فيها الكرم والادب=واهل الكرم والادب ماشان بانونها

دام البقا وانته من ايّا ...يا راع اللقب=حتى قبيلتك خلق الله يعرفونها
الله يعز الرجال اللي تسد الطلب=اقولها والعرب غيري يقولونها

اصلي وفصلي حلاحيلٍ تفك النشب=عتيبه اللي جموع القوم يثنونها
اللي كتب وش كتب واللي قرى ماكتب=والناس يمك تلد وتنظر عيونها!

لا زم توضّح لي اكثر يا عريب النسب=كلمه ينومسك معناها و مضمونها
اكرب حزامك وسلّ السيف يا بو عتب=قدّامك اهل السيوف اللي يحدونها

ان كان معناك ويش اسمك ياشاعر (وأجب)؟=فالله يعوض اللحون اللي تغنونها
اليا كربنا المحازم بان فيك العجب=انته وناس تغرك ضحكت سنونها

هذي هي اهمّ حاجه يا سريع الغضب=نفسك ورى في دقيقه باح مكنونها
ضحكت من كلمتك وان ما عرفت السبب؟؟ =طرت لي اللي تدف الضلع بقرونها

ازعل ليا شفت لي جاهل يغني طرب =ويقول انا شوق ليلى اللي يقولونها!!
وانته ليا زادت الشعله وزاد الحطب=تطري علي الفراشه مااختلف لونها

نرجع لموضوعنا برضاك ولاّ غصب=ظنّو بك الناس ظنّ وخابت ظنونها
تبّت يدينك ثلاث مرار يابو لهب=ما تنظف ايديك بالليفه وصابونها

والله ماتدري شهر شعبان ويش ورجب=حمامةٍ تجذب الصياد بلحونها
مليون هبوه ولاتكفي ليا قلت اهب=وش لون تنظف يدٍ لحيتك عربونها

من يخفي اصله نعدّه من حساب الصلب=واليوم شونك تراه اصبح مثل شونها
يدك القصيره ما تاصل لحيتي والشنب=في وسط مخباك تظهرها وتوزونها