|
ياعيال عمي خذو الموضوع بعقلانية!!!
بسم الله الرحمن الرحيم.. لما دخلت للمنتدى وشفت مواضيع اللي كان فيها تهجم كبير على خالد ومن معه من أبناء القبيلة و النقد الواضح حبيت أسجل في المنتدى وأطرح من خلاله وجهة نظري... طبعاً اللي بكتبه يمثل روئيتي الشخصية من منظار عقل ابن قبيلة ومحب لإسمها... يمكن بعضكم أو أكثركم ماراح يصوت لخالد.. وتطالبون بإنسحاب خالد وبقية الشعراء من البرنامج.. لكن زي مايقولون طاح الفاس بالرأس.. وش الفايدة لا قعدتوا تقولون لو إنسحوا..لو اطلعوا..خلاص إنتهى الموضوع.. والفزعة نادت أهلها... و كلنا نعرف إن البرنامج تجاري.. وأن البيرق محجوز من قبل البرنامج ... وأن اللجنة ظالمه لكثير من الشعراء مو بس شعراء عتيبة... لكن كل هذا الكلام ماخوذ خيره.. خلاصة الموضوع إنه ومهما صار مال الرجل إلا عيال عمه ونعنبو لحية ما تفزع لعيال عمها.. والله والله إنه يحز بخاطري لما أشوف قبايل ثانية تصوت لشيخ الشعر وقبيلته مافزعت له وأظن الوقفة مع خالد و زملائه لا تتعارض مع الوقفة مع عجب و عتق رقبته.. والخيرة فيما اختاره الله.. تقبلوا تحياتي.. تنبيه / زي ماقلت سابقاً هذا يمثل روئيه من منظور شخصي أيده من أيده وعارضه من عارضه.. |
بـــيـــض الله وجهك هاذ الكلام
تقبل مروري |
هلا ببن العم من ايات العصمه <<<<<<معليش على التطفل
اذا مثلا صوتنا لخالد معجب من يصوت له ماظن اللي صوت لخالد بيصوت لمعجب يتكاود يروح البنك بس الرسائل لا وهو متكي يتحرا فقرة اريام تجي ويرسل ويرسل ويرسل وهو فاتح فمه عندالتلفزون والضعيف مايدري انه بياكلها في اخر الشهر |
العقلاااااااااااانية يااااااااااولد العم
اذا عندك حمية عااااااااااان ولد عمك عجب سااهم في اعتااااااق رقبة ولد عمك . احسن من فلوووووووسك تروووووووح لنشوووووة والموضووووع مثبت فوووق . |
ابن زريع...مشكور أخوي على مرورك الكريم.. شبل مرجحين الموازين... هلابك .. أنا من الجلاة من العصمة لاتطفل ولاشي...معليش أنا مافهمت من تقصد بكلامك بس الخير موجود في أبناء القبيلة ..تحياتي لشخصك الكريم.. ابو عطا.. عجب مثل ماهو ولدعمك تراه ولد عمي.. وخالد بعد ولد عمي وأظن إن دعمت خالد أكيد راح أدعم عجب.. وإذا راحت الفلوس لنشوى مثل ماتقول فداء لخالد واسم خالد .. وان راحت لعجب فداء لرقبته...بس أنا مسغرب من أنكم واقفين كلكم مع عجب و فيه غيره من أبناء القبيلة راحت أرقابهم وغيرهم بتروح ولا انتبهتوا لهم يوم التصويت ليوسف...!!! عموماً أنا مثل ماقلت كلامي يمثل رأيي الشخصي .. وأتمنى محد يزعل مني..تحياتي لك. |
معلــيش على تطفلــي وفضــوليتي ..
بصــراحه انــا صــوت لشــاعر الرســول خــالد العتيبــي .. وان شــاء الله يفــوز بالبيرق .. http://arb7.com/uploads/e2f65fefe5.gif http://arb7.com/uploads/52b57ef914.jpg تحيــات عــاشق الاهلــي الملكــي وجمهــوره نــايــف الدوســي الزهــراني |
بـــيـــض الله وجهك
|
دوسي زهراني... ونعم بك وبأصلك الطيب وماهي غريبة منك.. ولاتقول تطفل و فضول أنت بين أهلك وربعك... ولك مني خالص الأمنيات.. محمد وجهك أبيض ياولد العم... تحياتي ,, |
بسم الله الرحمن الرحيم
السلام عليكم ورحمة الله وبركاتة مشكور ياخوي الوليد العصيمي ويستاهل خالد العتيبي باب التصويت مفتوح له مافيه كلام وكذالك اخوي عجب الله يفك اسرة ان شاء الله ماحنا مقصرين معه وراح نعلم ناس ميسورين من الجماعة يساعدونا لو بالاف بسيطة تسهم ان شاء الله في عتق اخونا عجب وتقبلوا تحياتي |
الوليد العصيمي تحيه خاصه لك يابن عاااصم .. انت ابديت وجهة نظرك الخاصه ونحترمك فيها ، ولكني لا اؤيد فكرتك لانه ياعزيزي اجمعوا مشائخ المسلمين على تحريمه وقالوا انه لا يجوز التصويت لهم وانه برنامج محرم واكدوا ان اللجنه لجنة زور وتشهد بشهادة الزور ، فنحن لا نريد ان نكون ملعونين مع شاهدين الزور .. اكتفي بهذا الكلام .. ولك الشكر الجزيل ... |
عبد الله هذا الكلام اللي أبغى أقراه من زمان..الله يوفقك ويكملك بعقلك قول آمين...
أبو مشعاب... مشكور على المرور وإحترم رؤيتك الخاصة وأحترم أيضاً أحترامك لماكتبت... ولكن معليش لو أطلب منك مصدر الفتوى التي أوردتها ومن هو الشيخ الذي أفتى فيها؟!.... تمنياتي لك بالتوفيق.. |
الوليد العصيمي الله يحفظك ويعلي شانك ..
ترى السالفة شحاذة في شحاذة .. الفزعات لها اوقات ومواقف تستدعي الفزعة .. وبعدين وين مخافت الله من انفاق اموالنا على برنامج استغلالي واتمنى بالنهاية ان نتفق على ان البرنامج استغلالي يستغل ابناء القبائل لتحقيق المكاسب المالية . اشكرك على احترامك راي الاخرين .. والله يوفقك |
اخوي الوليد اشكرك علي الموضوع الرائع !!
بس ياخوي الضاهر ان المنتدي واعضائه متناقضين وفيه سر وراء هذا التناقض !!!! وان كان المسؤلين عن المنتدي معارضين لبرنامج شاعر المليون ليه يفعلونه!!!!!!!!!!!!!!!!!! وعلي المموم عتيبه صوتوا لخالد وبيصوتون لباقي شعراء القبيله. واللى دس راسه مثل النعامه خله يدس راسه . |
الاد عاصم و نعم فيكم و بكل عتيبه و ابناء شبابه و الله انك جبت ايدك على الجرح هناك انهزاميون و اناس متشائمين يا ليتهم يغيرون افكارهم و يدعوننا نشجع ابن عمنا حتى لو من خلال الشات يا اخوان محد مجبور يصوت و هذي بينه و بين نفسه و لكن خالد فاز و انتصر الا تظنون ان عتيبه فرحوا بذلك والله فرحوا و من زعل ففي بطنه شي و الله اعلم البرنامج معروف من العام الماضي انه استجدائي و يتكسب الملايين فهل نقف و نتفرج على شعراؤنا يتساقطون و السوريين يصوتون للشمري و غيره و غيره و نجعل من حقد يشمت بنا لا والله
انا استغرب اقحام موضوع فدية عجب العتيبي في الموضوع هذه المزايده غير مقبوله و اكيد اللي بيصوت لخالد بيدعم عجب بدون شك الله يفك رقبة عجب و نفرح جمييعا له و ما قدر الله كائن لو ما بغينا كثيرون رفعوا لواء عدم التصويت و الانسحاب و استغرب من تشنجهم مع التصويت و لا فيها فتاوي ما سمعنا بهالفتاوي الا اليوم عندما جاء التصويت مثل الفتاوي التي خرجت علينا في مزاين عتيبه تراهم افتوا بعدم مشاهدة التلفاز و بحرمة النت و لبس البنطلون و كثيرة الفتاوي و لكن لنا عقول و كل يؤخذ منه و يرد عليه الا صاحب هذا القبر رسول الله صلىالله عليه و سلم و يكفي خالد انه صدح بقصيدته العصماء في الرسول و سمعها الملايين فله الاجر العظيم بذلك و الله يوفقه لتعليم باقي الشعراء مناقشه قضايا هادفه و اجتماعيه في شعره القادم لينتزع البيرق من بم فطيس بحول الله و قوته و ليس بتصويتنا فقد خذلناه و كدنا نتسبب في خسارته و لكن الله ستر و ها هو خالد رافع راسه مفتخر بابناء قبيلته و عزوته شبابه |
كلامك صحيح يا الوليد
|
الله يعطيكم العافية جميعاً .. والله والله لو الكل يقاطع البرنامج و الله ماقطعه وفيه واحد عتيبي... أما عجب حنا معه بأروحنا وبفلوسنا ومع كل أبناء القبيلة اللي مثل حالته .. أما الفتاوي فكل من في هذا الزمن يفتي ولو ماهوب مفتي..لكن أبغى من أخوي اللي أورد الفتوى أنه يذكر مصدر تلك الفتوى... حنا معك ياخالد معك ين محيا معك ياسعود معك يالحويماني ومع كل أبناء القبيلة في كل مكان .. والمجد دائماً حليف لعتيبة.. |
| الساعة الآن »10:16 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd