يالعصيمي راعي اطحي وولاية سنام = نعم بالديره واهلها كريمين اللحى
بيني وبينه سوالف بعد رد السلام = واخر الموضوع حبّه على حيد الرحى

مرحبا بصحيبنا اللي سكنٍ هجرة جهام=نايمٍ عدة ليالي ولكنه صحى
هات ماعندك ومن بيننا يحلا الكلام=ليل يانور القمر صبح ياشمس الضحى

نومنا وقت العوافي بعد مالعز دام = نحتزم وقت الشدايد بعيدين النحى
المطيه قادها اثنين وانفك الخطام = واخر الايام بين الثنينه تمرحى

يابن عاصي لوتعصا على عود الثمام=احسن امن العرق ابو غصن مليان اللحى
مالها غير المسمى كريمٍ من كرام=لاتوحى فالجهاهيل ضمن اللي وحى

يالعصيمي جعل فيك الكفايه ياغلام = العصا للعاجز اللي يسولف في سحى
مشكله واصعب قضيه بعد جت للنظام = تحزن العاقل ومنها المعادي يفرحى

منت بن شداد لوك تحيزم بالحزام=ولا نقول إنك علي بابا ولاأنته جحى
صاحبي يسمع وسنع حلومٍ من حلام=خط مرسم بالغلط فالدفاتر وانمحى

الصقر من طيب حظه تعشّاله حمام = ماريالاحي ويوماح والا يومحى
انت راع اشداد والا يكفّيك المسام = يوم كلن مع طرفها يضيق ويسمحى

يابن عاصي مانلومك ولا حولك ملام=ودك امع أهل الرمك يابن عاصي تمزحى
ابك انا فارس محنك يضيم ولا يضام=اتحرك من سطر وأنت قدمي تمسحى !!! هههههههه

انت تاجر من قديم الزمن وضعك تمام = راس مالك تحسبه قبل عينك تمرحى
نعم يالفارس ولكن في خشمك عرام = بعض الاعدا خوّفه صوت كلبن ينبحى