يابندر الهيلا نشوفك تعترض بعض الأمور =ريح ضميرك والمهمات الصعيبة خلها
يالسابح الغطاس منت بسابح كل البحور= مار انتبه واللي عقد روس الحبال ايحلها

يانايف الروقي.. توقع من مخاليب الطيور..=ترى العقاب.. ان شافله صيده يبا ياصلها..
انا وريث شيوخ.. تدحم بالجنوب.. ولاتبور=ماهي غريبه ..يالعتيبي طيبه محتلها..

الظاهر انك تا تعود كنك الذيب العقور= مار الذياب اللي سواتك وش نبا نعملها
انا ادري انك شيخ ما مثلك ودمك مايفور=مرت علاك علوم واجد مار ماتفطنلها

انته تسند بالديار وتنحي وكلك غرور=مار المحرّق خالقه ربي يجي ضد(ن)لها
لا بالله الا انته زبون المرجله وافي شبور=والهرجه اللي قلتها تحت القدم ماانزلها

اصبر على هم الليالي ياعسى قلبك صبور=واللي تباها لويطول الوقت ماتصلها
خلك مع اهل الدردشة ما انتب على الشعر معسور=الله يبارك في الرجال اللي تعيش بضلها

انا احمد الله يالعتيبي.. من سعاده في سرور=واللي نبيها.. جنة الفردوس ..جعلي.. من لها
والدردشة ..وقتك معي يحسب ..عليه كالمرور=يابو قذيله ..قذلتك ..اركد ترى بثلها!!!