بعد قررت اغادر منتدانا وادخل الساحه = ابا واحد من الجذعان للساحه يخاويني
ترى ماهيب صعبه بس شخصيه ومسباحه = وادوّر واسطه لاجيت فالحفله يناديني

المشاركة الأصلية كتبت بواسطة العازمي (المشاركة 523423) بعد قررت اغادر منتدانا وادخل الساحه = ابا واحد من الجذعان للساحه يخاويني ترى ماهيب صعبه بس شخصيه ومسباحه = وادوّر واسطه لاجيت فالحفله يناديني

تخيرت الخوي اللي يضد الضد بسلاحه =وعدنا بعد بكره العتيبي فالمياديني
حبيب ولد عمك كل قفل معه مفتاحه =يبا يدخلك حتى فاحتفالات السلاطيني

مادام الشيخي ابراهيم مع مستور مرواحه = لك الله نص شعب المملكه بكره مغنيني
اشب النار من زندي ترى ماحتاج قدّاحه = تجوّد في يدي لن كان خايف ياسليطيني هه

تبا تتعب تبا تتعب ..عسى بعد التعب راحه =ولو ماانته بجايٍ مثل (قيس ) مخلص الديني
ولكن دام انا موجود معك الفرصه متاحه =ياكم من طايح بين العرب شالنه يديني

ظهر منّا بعد قيس اربعه والنفس مرتاحه = ولامنكم ولا واحد يثقّل فالموازيني
ليا استغنيت عني ياولد لاتامن الطاحه = نويت اظهرك للعالم ترى الفالح موصّيني

ترى ماكل من يدخل بسوقٍ يضمن ارباحه =الاربع شرّفوا منهم ..اثنين,,, وخابوا اثنيني
يظهرني فعل يمناي ,,,والرجال وكفاحه =توص بنفسك ..اول ..قبل في تلد بالعيني

حرام يحكّم الشعار واحد تنزف جراحه = ثنينه والثنين الباقيه فالدرب ماشيني
بدون اقصور انا الكبتن وابيك تصير ملاحه = ابيك اتمثل الجذعان قدام الملاييني

اثنينه جب لهم ياصاحبي شرشف وطراحه =اظن النوم للي مايسد بلازمه زيني
والا ياللي سحبت البحر غيرك ناس سباحه =وانا ماارضاك قدمي .خلك بدربي تباريني

علامك منقهر منهم وباقي تطلق الصّاحه = تهبّط في عزم ربعك ولالك غيرنا امعيني
بعد سلطان ماغنّى وزيّن فوقه اوشاحه = مصدّق نفسه انّه في غنى عني من الحيني

انا اقول الله يبارك ببستانك وفلاحه =ولاهو عيب اسولف علم ثابت بالبراهيني
يطيب الرجل بذراعه ..يطير الطير بجناحه =وانا عنك انته وشرواك رب البيت مغنيني