ياسارح البال الله يخليك ماتسرح معي=ودي نسولف ليلة الجمعة ونعرف وش معك
هذا لحن مايتعبك حذرا تحوص وتدعي=وانا ادري انك شاعر ٍ مافيه لحن يروعك

دخلت طول وعرض ماسلمت جيت مقربعي=لكن نبا نسولف معك هات السوالف واسمعك
هات السوالف والجزيله ياعميلي مطمعي=واضن لحن البيت يارجال ماهو مطمعك

المشاركة الأصلية كتبت بواسطة سارح البال (المشاركة 527959) مقعد شرفتنا بمرورك ومشكووووووووووووور ياغالي

ان كان ينفعك السلام ابشر وخذ لاتجزعي=سلام من قلب العميل اللي مراده ينفعك
انته قبل نبدا النقاش ان كان تبغى مصرعي=ماهو بحاصل كود كان انك تدور مصرعك

سلامك لنفسك يامسلم كان للأيه تعي=وان كان فهمك للحديث اللي تحفظه يقنعك
مصرعك مايحتاج لا ممشى ولا هم وسعي=لكن ليا منك سلمت اقول جدا ماروعك

اثريك امام ٍداعيه تفتي وقولك يسمعي=لاشك ياراع الفتاوي قول لي وش مرجعك
وانته ياراع البندق اللي جيت ضد المدفعي=استعمل البندق يالين تجيك ضربه تشلعك

العلم يحيي القلب يارجال ويزيد الوعي=عليك بالقران والسنه ومن غيره دعك
البندقيه جاهزه وزنادها تحت اصبعي=بس انتبه من طلقة المدفع تثور وتصرعك

باقي نجيبك تخطب وعينك تهل المدمعي=لكن خوف الناس وش هي غايتك من مدمعك
ياعتيبة ابغى انشر خبر ماكود ويفيد النعي= الا ياسارح لو توقع لابن وايل باصبعك

اخطب وجنك يارفيع المنزلي مايطلعي=واقرا عليك الفاتحه وان طحت منها نرفعك
ماضن ابن وايل وصل للي يبي فالمجمعي=واضن حظك من رداته ياعميلي ودعك

لا والله الجني براسك عاش ماهو بتبعي=اقرا على نفسك عسى الله من جنونك يمنعك
والوايلي كم خضع اللي فالعرب مايخضعي= ولا انت ياسارح ترى نظرة عيوني تخضعك

لاتقعد تكر وتعيد اللي قريت وتطبعي=هات الجديد من الفكر طلع نتايج مصنعك
ياربعنا ياهل القرى ياربعنا يا اهل الرعي=مايخضع الانسان غير لخالقه وش ضيعك ..؟

ان كان صدرك ضاق مني يا طويل المذرعي=خلاص ابا اعفو عنك وليوم اللقا بستودعك
وانا عطيتك علم احسبك للمقاصد ترمعي=لكن بكل اكبر اسف بعدت وابعد مرمعك