يالله اللي جعلت البيت في أم القرى=وسط وادٍ لاذي زرع ولا ماءٍ معين
مجرياً عين زمزم رحمه بها جرى=في خلاء بين سود جبال وأم وجنين
رافعاً ذكرها ومجدد سعيها=لين صارت خطاها سنة المؤمنين
مبتلي عبده إبراهيم أشد البلاء =أي بلوا وفيها فتل نفس ولمين
القتيل الابن والوالد القاتلا=يا سلامي على القتيل والقاتلين
قال يا بني أمرت أمراً فماذا ترا=قال فافعل ستاجدني من الصابرين
وبعد ما سلم أمره لله وكبرا=جا لفرج ثم فداه الله بكبشٍ سمين
قد تغذى من الجنة وشرب وكلا=فالبخاري ومسلم بالسنين أربعين
والكرامات ما توتى لغير أولياء=أوليا الله هم اللي دايم المكرمين
وأنت ناصر محمد منزل الم ترئ=كيف ربك فعل بالفيل والمشركين
وقابلٍ دعوته بعد وصفوه ابترا=ومن بعد ما استحقو دكة الاخشبين
قال لا عل بالأصلاب عود أخضراء=ويخرج الله من يؤمن من الكافرين
يالله أجبر عزاي وكل من لك لجا=من صدوف الزمان ومن فساد القرين
فاقدٍ لي أمور من فقدها أشتكاء=لو ماني ذليل ولا قصير اليدين
ومن فضل ربي أعرف ويش صح وخطاء=وأعرف أميز الرديان والطيبين
مير شيء غد الي يستحق العزاء =يستحق العزاء المفتوح طول السنين
ودام يوجد على ظهرا لبسيطة ملاء=وحد ماني بحي استقبل معزيين
سلعةٌ من فقدها ما يذوق الكراء=تجرح القلب جرح خافياً ما يبين
والذي قد فقدته حي فوق الثراء=مير لا فرق بين الحي والميتين
فاقدٍ جمع ربعاً فاللزوم خشرا=فاللزوم خشرا واليوم متخاصمين
و فاقدٍ عز بيتٍ كان ظل وذراء=كان ظل وذراء في عسر والافي لين
سالفة بين خال وعم بيع وشراء=وراس مالٍ لا هو يغنى ولا يسد دين
افتحو سوق للي باع واللي شراء=وخسرو البايعين وخسر المشترين
سوف يخلط به الأحمر مع الاسمراء=غلي فيه الرخيص ورخص فيه الثمين
المحرج حرامي والزبون اعوراء=والعماء ما يبيع الابلمس اليدين
والموخر تقدم والمقدم وراء =شي ما ينتصدق مير هذا يقين
والسبب كلهم مترشحين وزراء=في وزارة فلس تستقبل المفلسين
قد براها الزمان جرا وانبراء=وراحت وولت مع الصفة الأولين
تكتب حروفها لكن ما تنقراء=ومن قراها يحذف الميم ويحط عين
وكل نفس تبي تصعد بليا هدى=كل ما تعمله يصبح خساراً مبين
يجعل الله ما تعمل رماداً هباء=من تعلى على الله رده الأسفلين
التنافس بغير الحق كالاعتداء=لا حسد غير في ثنتين حكمه ودين
كل من شافني يقول لا ما ولا=ما تسوى وتفعل شي بين الثنين
ما يعرفون باني ما تركت خبراء=في مثل ها لقضية غير فيه أستعين
أن سكت الغبينة وأن نطقت الزراء=واحد حساب خشم واحد حساب عين
قلت يا عزوتي تكفون ليه الرداء=الرداء حرمه ربي على المسلمين
ما درو بان قطع الوصل يهلك قرى=ولا قرو ويش قال الله في الأقربين
وكل جهدٍ بذلته ضاع منى سداء=وخيبو هقوتي جعلهم خايبين
آه ثم آه ثم آه على ما جرى= والله أن ما جرى يوسف ويند الجبين
جعل من لا مني يقذف من أعلا كرا=وتجمع أشلاه ما بين عرفه والقرين
أو يقف ما قف اللي قابلوه العداء=يطلبونه سنين وحاضراً ها لحين
وجابه الله بلا ميعا بارضٍ خلاء=وكل ديناً وراه رجال ما يعد دين
كل واحد في صدره مثل جمر الغضى=منيته في حياته شوف هذا اللعين
في خلاء لا معه بندق ولا خنجراء=أعزل من السلاح وغزوته غايبين
ويتذكر ولا كن ياترا وش طرا=بنته اللي ليا سافر تجر الحنين
ما لها أحدٍ سواه ولا له إلا هيا=تنتظر رجعته في كل ساعة وحين
ثم طرا له يمد يديه يم السماء =يطلب الله لعل الله عليهم يعين
عندها يذكر أن ماله عمل يذكرا=ومع عدم طاعة الله عاصاً الوالدين
قد دعت فوقه أمه قبل لا يكبراء=بساعة يقبل الله من الصالحين
جعل من لا مني يجري له اللي جرى=لين ما عد يستهزاء من المبتلين
ويالله أجبر عزايا وكل من لك شكاء =من صدوف الزمان ومن فساد القرين

صح السانك يالاخ شعيل وبيض الله وجهك على هالقصيده





وتقبل تحياتي