ياهاجسي ولّم لفنّك مناضيد=سبك البيوت المعتمات الفريده
اللي على المعنى عقب طول ترديد=في خاطري كنيتها مستحيده
أروي بها جوف القلوب المواريد=لا صدرت تحمل معانٍ عديده
جملة ابيوتٍ وافيه دون تعقيد=ماهي علومٍ فوق صفحة جريده
محبوكةٍ مابين مبنا وتشييد=ولاهي بكلمت دق حامي حديده
أنا ليا من قلت للموقف أجيد=وأخشى من العريف نقد القصيده
في خاطري علمٍ يبي فكة القيد=ويبي رجالٍ بالمواقف سديده
علمٍ يحل وكل يومٍ لنا يعيد=وبعض السوالف فيه تجلب نقيده
واللي لفت عيني على كل توكيد=شيٍ حصل مابين شيخ وعبيده
ألمح لي أمزونٍ تقفت مقاويد=جت من بحورٍ في عطاها زهيده
وسارت وعدت عن هضابٍ ملابيد=وهلت مطرها فوق دارٍهميده
وأنبت بها نبتٍ وجاله حواصيد=وكلٍ عناله من بلادٍ بعيده
وأبْفترتٍ حلت عليها السواهيد=وأسْنت عقب قالوا عليها رغيده
جاها من أصدوف الليالي ملاهيد=وصارت مثل ماقيل دارٍ نكيده
وصارت عليها من مشاكل وتهديد=وكلٍ عشان البحر يدفع رصيده
ودارت علومٍ واجلبوها الشواهيد=يوم أعلنو للناس عله جديده
وشانت ديار القوم وأشعل بها الكيد=وتفجرت فيها الجبال العتيده
لحظه حصل فيها رمايه وتسديد=حتى الخطأ يفلت ويترك بقيده
تدرون وش سبب مشاكل بتحديد=هاك البلاد القاصده للمكيده
لين البلا شتت ديآر الاجاويد=وعم النكد من عقب ماهي سعيده
وصرنا على موعد بلحظه وتجديد=كل عام غيمٍ فوق دارٍ بليده
وبعض الديار اليوم تعلن بتمهيد=تبدا بنفس الشيء يمكن تجيده
ومن منطلق فكرٍ طوى ظلمت البيد=يختم حروفٍ مبهماتٍ عنيده
فيها المعاني راسيه بالقواعيد=ولا يفهم المقصود غير الوليده

المشاركة الأصلية كتبت بواسطة مرزوق حمدان العتيبي (المشاركة 541915) .. . رائعه بحق ياعبد الرحمن صح لسانك ... والله يحييك بين اخوانك .. ...

المشاركة الأصلية كتبت بواسطة Man من العتبان (المشاركة 541993) ولا يفهم المقصود غير الوليده صح لسانك قصيدة طيبه يا الطيب ** دمت بود **

المشاركة الأصلية كتبت بواسطة هـايـل الـعـتـيـبـي (المشاركة 546875) صح لسانك اخوي الاحترام طبعي اسال الله ان يوفقك ابداااااااااع الى الامام