سارح البال سر الليل والله يعين=بنت ابو زيد مارضيت بخطابها
واخذ حاضر بحاضر لا تقول ابعدين=الفرس ماركبها غير ركابها

انشغلت مع التلفزيون ودوبني اشوف بدعتك
استلم لاهنت

يسري الليل والدعوا يانايف تزين=وبنت ابو زيد لاتاقف على بابها
هات علمك يانايف لاتصير المدين=والجزيله جزييله وانت طلابها

انت وين انت عنها من قديم السنين=اخر الوقت ريح لا تهقوابها
ابلع العافيه والعن بليس اللعين=واترك النار تالع عند شابابها

بأول الوقت كنا وانت وين انت وين=واخر الوقت انا الغالي من احبابها
ياوسيع المعرفه مطمعي فالثمين=والثمينه يانايف نطلب اسبابها

ادري انك على مذهب ومله ودين=مار غيرك رجالن تفتل اشنابها
انت لا تحسب انه كل قاسي يلين=لا تعرضلها منته من اصحابها

والنعم بالرجال اهل الفعل واليقين=ومن بغاها طلبها واتعب ركابها
كل قاسي يلين لكل جنبٍ متين=مير لاتقرب الجمره ومشهابها

مايفيد التمني خل قلبك فطين=المهمات تبغى ناس تشقا بها
الفلك يستدير وكل خافي يبين=نعرف الناس صادقها وكذابها

الحياه امنيات ان كنت رجلٍ حزين=بعدها يثبت اللي يمسك نصابها
اجتهد وابذل الاسباب خلك ذهين=لين شمس الضحى تطلع بمغرابها

ابشر اني بخير وعز في كل حين=واعرف الطيبه من حظ من جابها
يابن الاجواد حنا قبلك الاولين=لو تباها ترانا قبل فزنابها

يفرح القلب لاصار العرب طيبين=بس اخاف العرب طاحت من اتعابها
اطلب الله ودورلك شوير وعوين=فزت بالحلم والا الصدق ماجابها

السوالف تراها من يسار ويمين=والبعارين تنسى عوجة ارقابها
انت ماجيتنا في بدر ولا حنين=ليت بعض الدعاوي تحسب احسابها

السوالف بها غثه وفيها سمين=والخيام بعمدها وقوة اطنابها
وانت مالك فعل في يوم قطع الوتين=يوم حد السيوف يقطع رقابها