الليل يا شبل المحاني لا تضيقبك الدروب=تراك من روس الرجال الي تعد افعالها
نعرف علوم الناس ونعرف الصدوق من الكذوب=لكن جعل الله يخلي للرجال ارجالها

الليل يانايف نباهافالشمال وفالجنوب=انااحمدالله من رجال ماتحسب اموالها
يابو بدر كل البشر لابد مافيها عيوب=وحنا نعرف ان الحمول الكايده لجمالها

بعض السوالف ماتجي الا من خبيثين القلوب=ما قلتها لكن تكفى علم اللي قالها
السر محدن يعلمه والله علام الغيوب=مار انتبه والله يجاز الناس حسب اعمالها

السالفه ولت وراحت مثل مرواح الهبوب=لاعادتنشدعن قصار السالفه وطوالها
استغفر الله ياولد والله غفار الذنوب=ياصاحبي خلك في حالك والعرب في حالها

بعض العرب ماهوب يا محمد على الهرج مغصوب=اليا متى بعض الهروج العوج ما يصحالها
حنّا ركبنا القافله مار انت ما تلقى ركوب=ماعاد باقي في يدينك حيلة تحتالها

تبا تحسب العلم يرجال والعلم محسوب=والارض يانايف ترى ماصابها زلزالها
أنته تحلب الديس يارجال والديس محلوب=مانته بعم البنت يانايف ولانت أبخالها

ام الكباير عن طبيعتها تراها ما تتوب=الشر داخل قلبها وجنوبها وطحالها
البرق يبرق والمخايل فالشروق وفالغروب=لكن حنا ما عرفنا وش حصيل اخيالها

معاد عندك حيلة ٍ تحتال ولعب ٍ ياللعوب=النار من شبابها والخيل من خيالها
البرق يبرق فالمخايل والسيول مع الشعوب=ياراعي الدله تراني شارب(ن)فنجالها