ياطاعنيـن القلـب خـفـو طعـونـه=خفـو علـى قلبـي ويكفيـه ماجـاه
يكفيـه مـن حـر اللواهيـب لـونـه=اشهب اليا شفته وهـو ناشفـن مـاه
من هجركـم يازيـن جفـت غصونـه=ابطى شغفكم عنـه كـم يـوم مـازاه
مـدري علامـك قاسـيـه ياحنـونـه=ماترحميـن اللـي زمانـه تـورسـاه
ماترحـمـون الـحـال ماترحمـونـه=اللي غـدا مثـل القلـم وسـط مبـراه
من عقبكـم شبـت علـي السخونـه=ومن عقبهـا ماعـاد لـي اي مشهـاه
اساهـر الليـل الطـويـل وسكـونـه=ومـن الصـدر حـره وونــه وآه آه
مـدري يطـول الحـال والا تجـونـه=هـي كلمـه وحـده ومنكـم ترضـاه
عله يزيـن الحـال ساعـه غضونـه=ويصفى كـدر عـل القلـوب وتعـلاه
وان كان لي بيـن الضلـوع ومتونـه=حـب علـى كبـر البيـوت المبـنـاه
عجـل ولا تبخـل عليـه وصـونـه=كم من عهد في ماضي الوقـت صنـاه
بجيـك هايـم كالسحـاب ومـزونـه=اغـوص غبـات البحـر لانتثـر مـاه
وان كـان مالـك ابهـواي وفنـونـه=مشهـى ولا موجعـك حـره وفرقـاه
خلـه وقلـبـي فـيـه ربٍ يعـونـه=يلطف به اللـي سعـد منهـو ترجـاه
بدفـن جروحـن قاسايـات طعـونـه=عل الزمن يرحم ماهـوب انـت ويـاه
انـا الغريـب اللـي حدتبـه هجونـه=تقطـع ابـه الحـد البعيـد وتـعـداه
من نجد قفـت بـه وسيقـت ضعونـه=وفي دولـة البلجيـك حطـت مطايـاه
ولاهوب جالـي وقـف المـوت دونـه=الله كتـب لـه رزق ويقـول تسـعـاه
فارق حبيـب الـه وفـارق حضونـه=والبعد ما يرحم قلـــوب معنــــاه

المشاركة الأصلية كتبت بواسطة السميــــــري (المشاركة 549748) ماترحمـون الحـال ماترحمونـه اللي غدا مثل القلم وسـط مبـراه حمووود العصيمي .. أبداع يتدفق .. وصح لسانك ..

المشاركة الأصلية كتبت بواسطة هـايـل الـعـتـيـبـي (المشاركة 549751) صح لسانك اخوي حمود بن صدغان اسال الله لك التوفيق وان يردك الى ارض الوطن سالم غانم لاهنت والله يقويك

المشاركة الأصلية كتبت بواسطة محب الهيلا (المشاركة 550059) صح لسانك مشكور وماقصرت

المشاركة الأصلية كتبت بواسطة قف امامك عتيبي (المشاركة 550479) صح لسانك ولاهنت

المشاركة الأصلية كتبت بواسطة ابو عبد الله العتيبي (المشاركة 550486) صح لسانك لاهنت