.
.
.
.
.
.

.

يامعجب سمعنا انك نويت الجهادي = وانا اقول لك هوّن وفالامر خيره .
هل الكفر جونا وادخلوا فالبلادي = تصدا لهم بالسيف ويّا الذخيره .

محل النوايا في قلوب العبادي=وانا استغرب اللي يبحثون الستيره
تعوّدت غزو البربري والاعادي=وغيري يدوّر للعشا لو فطيره

لوانك تميز في صديق ومعادي = تقول ان ابومشعاب ربي نصيره .
الي نظرةٍ فالناس مانيب غادي = ومعجب عريب الجد باح السريره .

ياراع العلوم الطيبه والجدادي=جب العلم واحذر لاتجينا بغيره
ليا صار الك نظره على جو هادي=لنا نظرةٍ في كل درب ومسيره

شبيب ومشبب هم غاية مرادي = مجوسٍ تحط الشر في كل ديره .
كلامٍ مـــوثـق ماروتــه الــروادي = ياراع البلد سل السيوف الشطيره.

ترا النقطه السودا تزيد السوادي=وريح النفل ينعشك طيّب عبيره
ليا جات ياراع الجمل والشدادي=يبا كل رجالٍ يحدد مصيره

نعرف ان معجب من طوال الايادي = كبار المصايب في شبوحه صغيره.
ليا دق زير الحرب فالامر عادي = وشكرك على ذيك الرحى المستديره .

الاحزاب يا اهل العرف فيها قيادي=وعيب القيادي لا تجاهل شويره
ليا دق زير الحرب صك النوادي=وخل استماع ام العيون وسميره