ياشاربين التتن بالله على الهون=اليا متى والنفس تتبع هواها
اليا متى بالحال والمال تقنون=المهلكه.. سقم القلوب وبلاها
ياشاربين التتن لن كان توحون=ترى الليال السود يدرج رحاها
وترى العمر لو طال ماهوب مضمون=لابد في ساعه تلحف ثراها
يغويكم الشيطان وبليس ملعون=يمشي مع العالم ويبحث خفاها
وبعض العرب حبله مع أبليس مقرون=مطية لبليس يركب علاها
ويسوقها,, من دون, في دون, في دون=وليا حداه الوقت ..يمه حداها
ياشاربين السم وش تستفيدون=من سلعة للنفس تجلب غثاها,؟
كود الوهن والهم والغم وغبون=والعله اللي ما عرفنا دواها
اخذوا العبر من ناس فيها يعانون=وبين الحيا والموت يومي رشاها
كم واحدن همه فالأضلاع مكنون=ومن زايد الجلطات زايد.. عناها
لو تجلط قلوب البعارين..من دون=شكه تبا ترثع,, ويلعن ثواها
وترى الحياة دروس وعلوم وفنون=ومن لا تغداها بيمسي عشاها
والكيف ياهل الكيف ماهوب غليون=ولا سقارة سم تونس شقاها
الكيف واهل العرف لا شك يدرون=برية للنفس تروي ضماها
في دلة تجدى على الجال بالهون=من وارد البغداد قرم قناها
وبهارها المسمار.. والهيل موزون=واحلى من البير المسماه ماها
وياما حلا المجلاس, مع جرة لحون=يطرب لها المهموم لا من حداها
في مجلس فيه النشاما يهدون=مثل الحرار اللي هوت من سماها
مقعادهم عن سكة النقد مصيون=ماكر حرار القوم.. واللي لفاها
هذي غناة الروح,, والروح بالشون=كلن يدور في حياته غناها
وختامها تكفون, تكفون, تكفون=ترى الليال السود تدرج رحاها

كم واحـدن همـه فالأضـلاع مكنـون =ومن زايـد الجلطـات زايـد.. عناهـا

وختامهـا تكفـون, تكفـون, تكفـون=تـرى الليـال السـود تـدرج رحاهـا

المشاركة الأصلية كتبت بواسطة عايض زوير المقاطي (المشاركة 578591) كالمعتاد ,, متواضعه أضعها بين أيديكم.. متمنيا وطامعا في أن تنال الرضى ياشاربين التتن بالله على الهون=اليا متى والنفس تتبع هواها اليا متى بالحال والمال تقنون=المهلكه.. سقم القلوب وبلاها ياشاربين التتن لن كان توحون=ترى الليال السود يدرج رحاها وترى العمر لو طال ماهوب مضمون=لابد في ساعه تلحف ثراها يغويكم الشيطان وبليس ملعون=يمشي مع العالم ويبحث خفاها وبعض العرب حبله مع أبليس مقرون=مطية لبليس يركب علاها ويسوقها,, من دون, في دون, في دون=وليا حداه الوقت ..يمه حداها ياشاربين السم وش تستفيدون=من سلعة للنفس تجلب غثاها,؟ كود الوهن والهم والغم وغبون=والعله اللي ما عرفنا دواها اخذوا العبر من ناس فيها يعانون=وبين الحيا والموت يومي رشاها كم واحدن همه فالأضلاع مكنون=ومن زايد الجلطات زايد.. عناها لو تجلط قلوب البعارين..من دون=شكه تبا ترثع,, ويلعن ثواها وترى الحياة دروس وعلوم وفنون=ومن لا تغداها بيمسي عشاها والكيف ياهل الكيف ماهوب غليون=ولا سقارة سم تونس شقاها الكيف واهل العرف لا شك يدرون=برية للنفس تروي ضماها في دلة تجدى على الجال بالهون=من وارد البغداد قرم قناها وبهارها المسمار.. والهيل موزون=واحلى من البير المسماه ماها وياما حلا المجلاس, مع جرة لحون=يطرب لها المهموم لا من حداها في مجلس فيه النشاما يهدون=مثل الحرار اللي هوت من سماها مقعادهم عن سكة النقد مصيون=ماكر حرار القوم.. واللي لفاها هذي غناة الروح,, والروح بالشون=كلن يدور في حياته غناها وختامها تكفون, تكفون, تكفون=ترى الليال السود تدرج رحاها