بندر المرشدي شاعر وشكله غريب=مايبا الا من الشعار حضرت علي
علته مزمنه لكن جاها الطبيب=الله انه يعينه نارنا تصطلي

بندر المرشدي ذيبٍ يخاويه ذيب=ما لقاء فالبلاد إلا هذا الفيصلي
علته من غزالا شعره يفوح طيب=كلما مرني غنيت والله ولي

يابن الاجواد ما في الوقت شي غريب=مار بالله لاتطمع شداد اجملي
مالكم من قديم الوقت حض ونصيب=مير يالشافعي علم بها الحنبلي

ما ندور لزبد اللي يخض الحليب =بنكنا بالجواهر والدرر ممتلي
عان بنت الكحيلة شعشعت بالسبيب=يابطل بالفعايل ورني قول لي

جعل شمس الرجال اهل الوفاء ماتغيب=وانت همك علاك يزيد ماينجلي
بنت ابو زيد عاشقها وانا الها خطيب=يمكم ماتلد العين وتلدلي

الإشارة تراها كافية للبيب=افهم العلم يارجال في ما يلي
أنت شاعر يانايف يعرفونك وأديب=مار ضرّبتها فجوج البلاد الخلي

والله اني ماافكك لين راسك يشيب=حضنا فوق حضك دايمن معتلي
رمح جساس وقع في صحيبه كليب=يوم اوصفك يارجال مالك حلي

فيك من ماضي الأيام شكة وريب=ما لقيتك نهار تماح فيه الدلي
السوالف بعضها حط فوقه صليب=والغمامة مع الأيام تاتنجلي