قالوا ان الذاهبه عندكم والله وكيل = ليت وانك يالثبيتي تجيب اخبارها
كلنا ياصاحبي وسمنا فيكم دليل = مزنة(ن) من فوق راسك تهل امطارها

ابذل المجهود لن كان لك حيله وحيل = وانشد البدوان وش صار جوف اديارها
الزمان اللي مضى كيف بن وكيف هيل = لو لياليك الجديده تشع انوارها

العرب تسمع وتطرب على الصوت الجميل = وانت نفسك من حسدها يزيد انكارها
الجزاله للجزل والهزاله للهزيل = وانت لك وجهة نظر والعرب بانظارها

اثر عرفك يالثبيتي من الوزن الثقيل = كيف تجحد فعل ناس(ن) طوال اشبارها
احسبنك يالثبيتي قبل هذي حليل = ماحسبتك مثل حيه وزت في غارها