ياعتيبه ويا حرب ومطير=من بغى الشعر يمشي في ذراي
للجزيله اعجل بالمسير=واتعب الرجل واسرع في خطاي

هيه يا راعي الصفراء النضير = في هجومك يبي لك لفت راي
وسع البال والدنيا بخير = كل ما معك يا الطيب معاي

انتبه لا تسرع واستشير=انت من حسبة اهلي وقصراي
كان تبغى يزين الك المصير=كل ما قلت لك ردد وراي

أنت أشوفك تقلل للمطير = مير ما أنته محلّق في سماي
الحموله على ظهر البعير = تاتزوزم بها رايح وجاي

اعرفك ما تحمل للصفير=يدخلك خوف قبل ارفع عصاي
مير حظك رما بك فالسعير=وانت ذبحتك ما تقطع ظماي

لا تعاند ترى مالك نصير = الله أللي رمى بك في يداي
شبّ نارك وتصبح زمهرير = لا وصلتك تحسب الموت جاي

طيع شوري وهود واستخير=انت مانته ترى غاية مناي
زمهرير عقبها وشهو يصير=طيح فيها وهذا من هناي

وفر الشّور مانبغا مشير = علمنا فوق خط الأستواي
كنت ناوي أرقيك لمدير = مير ما أبغا يقال الهاي هاي