البارحه يوم ابتدا ليل الألم يدلك دلوك=والنفس هاجوس المشاعر زاد فيها واعتلا
احتجت ياناصر قلم خطه حلو واحتجت بوك=لعل من فكري جميلات المعاني تفتلا
واخترت موضوع الغلا والقافيه ثبّت ال (اوك)=لكن فكري لخبطه ذكر المحبه والغلا
ياقلب ياقلب العنا غيرت والا غيروك=وراك بدلت المواضيع..؟ اشرح اسباب البلا
قال انت ماتدري عن الاسباب.. لا ماعلموك=اسبابي اللي من مشا فيها تلقيه الخلا
لكن وش رايك بدون الشرح نتركها بروك..؟=والسر مايدري عنه ياصاحبي حتى الكلا
قلت اشرح الاسباب عل اللي درو بك يعذروك=قال انت ودك تشمت الاعدا وجهال الملا..؟
قلت انعرف موضوعنا ماعاد فالدعوا شكوك=القلب لا منه دخل درب الهوا منه امتلا

المشاركة الأصلية كتبت بواسطة بندر المرشدي (المشاركة 601658) الله .... الله اثرك مبدع حتى في النظم ومغرم من غير المحاورة صح لسااااااانك

المشاركة الأصلية كتبت بواسطة خلف العتيبي (المشاركة 601700) الله على الأبيات الجميله.. مبدع يامعجب مبدع.. صح لسانك ياذيب..

المشاركة الأصلية كتبت بواسطة فيصل المسعودي (المشاركة 601704) قلت انعرف موضوعنا ماعاد فالدعوا شكـوك القلب لا منه دخل درب الهـوا منـه امتـلا يس يس رائع يامعجب صح لسانك تحياتي

المشاركة الأصلية كتبت بواسطة سلطان الجـذع (المشاركة 602319) معجب فوق كل اشاده .. صحت افكاركـ

المشاركة الأصلية كتبت بواسطة أبو نجر النفيعي (المشاركة 602699) .. معجب .. تبقا دائما مبدع .. صح لسانك على هذه الرائعه بحق .... ونطالبك بكل جديد .. :) أخوك