دق هاجوسي وقلت اللي طرالي = واطلب الله يصلح الاعمال ليّه
يانديبي فوق موميت الاحبالي = من مغنى الجيش حمراً صيعريه
حايلٍ ومحيله كل الحيالي = فوقها ني الشحم مثل البنيه
ظامرن ومضمره مثل الهلالي =تقطع اليومين في مشي ضحويه
الذلول مكمله كل الكمالي = الدويرع فوقها والبندقيه
والرساله جاهزه شعرن يقالي = وانت يالمندوب وصلها هديه
يانديب النوم عينك لاينالي = وشد في حبل الرسن وارفع شويه
لاعطتبك فنتكن والجو خالي = ياحلو من فوقها صك الغنيه
نصها أهل مغيب قرمين العيالي = الحدارا حقهم يلزم عليه
الحدارا ربعنا في كل حالي = للحقوق حبالهم دايم قويه
الحدارا في قديمات الليالي = عارفين فعلهم في كل هيه
وخص عبدالله وقله ياحلالي = مركز أهل مغيب ستر الأسعدية
واشرب الفنجال من صفر الدلالي = واشرح الموضوع وعلومن طريه
وثم قله ياولد حامي التوالي = افهم الموضوع يازبن الونيه
اتسلا بالشعر لاضاق بالي = واصنع القيفان ماتصعب عليه
لاذكرت اللي مضى والدمع سالي = من عيون بالعنا دايم شقيه
شوف ربعي والله انه شف بالي = وان نزحت بعيد والله ماعليه
الحدارا هم صناديد الرجالي = والمجمع ما يفيدونك بشيه
غيرهم محدن سال عن ويش حالي = والسلام مواصلن يرسل عليه
الحدارا شبرهم وافي وعالي = اهل العادات وأهل الشوشلية*
الحدارا ذكرهم لاجاء المجالي = ذكرهم ذكر السعد والعي عيه
وابو بدر* منزله فالقلب غالي = ماذكرنا منه شين ولا خطيه
الحدارا ربعنا يا هملالي = من نصاهم يبهجونه بالعطيه
واترك اللي فيدهم قيلٍ وقالي = الهقق واهل العلوم الخزخزية
تم قولي ياسلام اول وتالي = للربوع أهل الوفا وأهل الحمية

نصها أهل مغيب قرمين العيالـي=الحـدارا حقهـم يلـزم علـيـه
الحدارا ربعنا فـي كـل حالـي=للحقـوق حبالهـم دايـم قـويـه
الحـدارا فـي قديمـات الليالـي=عارفين فعلهـم فـي كـل هيـه
وخص عبـدالله وقلـه ياحلالـي=مركز أهل مغيب ستر الأسعديـة

المشاركة الأصلية كتبت بواسطة ابومشعاب (المشاركة 631320) نصها أهل مغيب قرمين العيالـي=الحـدارا حقهـم يلـزم علـيـه الحدارا ربعنا فـي كـل حالـي=للحقـوق حبالهـم دايـم قـويـه الحـدارا فـي قديمـات الليالـي=عارفين فعلهـم فـي كـل هيـه وخص عبـدالله وقلـه ياحلالـي=مركز أهل مغيب ستر الأسعديـة ونعم ومليون نعم صح لسان الشاعر فيحان الزعتر وسلمت يداك ياراعي صبحا على القصيده الرائعه للشاعر المبدع فيحان الزعتر الاسعدي .. ...

المشاركة الأصلية كتبت بواسطة سطام روق (المشاركة 632053) راعي صبحا صح لسانك ولسان الشاعر والله والنعم بالحداري والله والنعم تحيتي .......

المشاركة الأصلية كتبت بواسطة /عبد العزيز الجذع/ (المشاركة 631632) صح لسانه.. وبيض الله وجهك..

المشاركة الأصلية كتبت بواسطة راعي صبحا (المشاركة 605161) وخص عبدالله وقله ياحلالي = مركز أهل مغيب ستر الأسعدية الحدارا شبرهم وافي وعالي = اهل العادات وأهل الشوشلية*

المشاركة الأصلية كتبت بواسطة نداوي هوازن (المشاركة 657024) تسلم يا راعي صبحا وصح لسان الشاعر ونعم بالحدارا والزعتر

http://dewan2007.jeeran.com/8888888.jpg

المشاركة الأصلية كتبت بواسطة نداوي هوازن (المشاركة 657024) تسلم يا راعي صبحا وصح لسان الشاعر ونعم بالحدارا والزعتر