يقول من يشري بالمثـال ويبيـع=الي لفكره عاصي البيت ينصـاع
ينوع المعنى على الكيـف تنويـع=لاطب سوق(ن)فيه شاري وبيـاع
تلافت(ن)بنـات فكـره مرايـيـع=الهن عليه اليانتحن عنه مرجـاع
ولاشرعٍ في داخل الجوف تشريع=ماناقصٍ غير القراطيس ويـراع
اخذت من صافي عذاهن قراطيـع=من عيلمٍ في داخل الجوف نبـاع
والشعر بحر(ن)فيه تغدي المراميع=ولاضاع للهل المعرفه فيه مرمـاع
يضيع فيه مرقـع الهـرج ترقيـع=الي ركب من غيرمجداف وشراع
واليانتصـف محـاصل له مراجيـع=لويملك الثنتين مع دربهن ضـاع
ويقدالهن راع المعرفـه تسانيـع=الـي للحلـوات التماثيـل جمـاع
لاساقهن يمشن لامـره مطاويـع=يصبهن صب الذهب عند صنـاع
واليا تضواهن سـوات المجاميـع=ينقالهن من طيب الكيـف سمـاع
وانا يهيضني مـن القيـل ماذيـع=اللي على موجات الافكـار ينـذاع
قريحتلي تصنـع البيـت تصنيـع=واقدالها قـدم المداخيـل مطـلاع
ولاعاد ابيه يطول مبناه ويضيـع=الزود مثل النقص ماشوف لـه داع
وختمت قافٍ لاعبنبه علـى ايـع=قافٍ مغنه بين محنـي الاضـلاع

المشاركة الأصلية كتبت بواسطة عبدالله الجـــذع (المشاركة 616453) قريحتلي تصنع البيت تصنيع واقدالها قدم المداخيل مطلاع ولاعاد ابيه يطول مبناه ويضيع الزود مثل النقص ماشوف له داع وختمت قافٍ لاعبنبه على ايع قافٍ مغنه بين محني الاضلاع يالله عسانا مانعدم هالقريحه.. الشاعر فهيد:صح لسانك والله.. قافيه رائعه وابيات جزله كما هي العاده يالغالي.. دام ابداعك..

المشاركة الأصلية كتبت بواسطة معجب العتيبي (المشاركة 616517) ولاعاد ابيه يطول مبناه ويضيع الزود مثل النقص ماشوف له داع مبدع يافهيد وعزالله ماضاع معناك شكرا على ما خطت اناملك وننتظر المزيد

المشاركة الأصلية كتبت بواسطة مرزوق حمدان العتيبي (المشاركة 616591) ... ابداع غير مستغرب يابو مقعد ... صح لسانك واعتلاشانك .... اخوكـــ....

المشاركة الأصلية كتبت بواسطة فيصل المسعودي (المشاركة 616676) إبداع وجزالة يالرويس صح لسانك يالغالي في انتظار جديدك بكل شوق تحياتي

المشاركة الأصلية كتبت بواسطة نشاط الزلامي (المشاركة 616935) الرويس ... صح لسانك ولاهنت

المشاركة الأصلية كتبت بواسطة أبو نجر النفيعي (المشاركة 617125) .. الله الله .. فهيد .. مبدع كما عهدانك .. وصح لسانك حتى ترضى يالغالي .. وفي انتظار جديدك .. :) أخوك

المشاركة الأصلية كتبت بواسطة رجا الروقي1 (المشاركة 623295) صح الله لسانك يالرويس قصيده جزله لا يكتبها الا متمكن في الشعر دمت بود

المشاركة الأصلية كتبت بواسطة أبو مناسيب (المشاركة 623461) ياسلام عليك يافهيد مبدع وفوق الابداع صح لساااااااااااااااانك تحياتي

المشاركة الأصلية كتبت بواسطة الـذيب (المشاركة 623553) صح لسانك مبدع والابداع غير مستغرب منك .