|
عبدالله السميري في جنيف
العام قررت اسافر عطلت الصيف اصعب قرار اتخذته في حياتي ماشلت هم الاقامه والمصاريف اشيل هم اليال المقبلاتي فوجيت باهل الخليج هناك بجنيف غير الكويتي سعودي واماراتي غير العذارا حسينات التواصيف ست ويشن فري العيال مع البناتي وعلى بحيرة جنيف وشاطي السيف تجمع الناس من كل الجهاتي هبي فلانتايم وعيد المواليف كلن يرجع شريط الذكرياتي جوا رومنسي لاحر ولاعواصيف متوفره فيه كل المغرياتي اخوان بدوا رعاة الشاة في الريف اهناك باشات حتى في الغاتي كم واحدن صاير معزب وهو ظيف يدفع حساب العشا والطاولاتي وكم واحدن بالمهايط والسواليف مدمن حكي نسال الله الثباتي وكم واحدن قال انا بالرمح والسيف ماحسب لاعنتر ولاحسب لازناتي واحد له اسمين مستر جوي ومنيف ضايع وله معجبين ومعجباتي اليوم يقظيه مع مومو ومع طيف واليل يسريه كله مايباتي قلت اتلقف واصير من الملاقيف واقول ياسيداتي يانساتي اين النقاب الخليجي والنفانيف واين العبايات واحجاب الصلاتي ظعتن ورا القبعه والجنز والميف واحلا العطورات واغلا الماركاتي قالن كلام العرب كذب وتخاريف اهل الجهل والتخلف والشماتي الغرب بالعلم في روس المشاريف وعريبيا في مكانك سير وتحاتي قلت الخلاصه لابوكم لابو جنيف قد باي معكم حرام اضيع اوقاتي |
اخوان بدوا رعاة الشاة في الريف
اهناك باشات حتى في الغاتي انا اشهد ههـ قصيده جميله جدا للرائع المتألق دوما عبدالله السميري.. مشكور يالذيـــــــــــــــــــــــــــب .. لاهان راسك يالقرم. |
العفووووو أخوي عبدالله ودايم انت سباق للطيب وحريص على منتدى الهيلا وردودك أكبر دليل مشكور يالغالي على المرور والرد .
|
الحقيقة أن القصيدة افكارها سامية جداً.. ولكن صياغتها ضعيفة..
|
العود احترم وجهة نظرك لاكن عبدالله عبدالله والله لو وش ماقلتوووو شاعر مبدع تعدى مرحله النقد بكثييييييييييييييييييييييييير.
|
فعلا شاعــر مبدع وتخطى حدود الأبداع
الله يعطيك العافيه يالذيب [/size] |
الله يعافيك ومشكور على مرورك الجميل .
|
العفو اخوي السبيعي حنا نضحك على عفويه عبدالله ونشوى الرويني تضحك على سذاجه رجال كثير صدقوها وصوتو يحسبوننهم بيفوزون شاعرهم وبالاخير انصدمو يوم فاز الشبرمي .
|
أخوي الذيب .. شكرا على هذا الجهد .. الذي يستحق الشكر .. قصيدة رائعة .. من المبدع عبدالله .. |
مشكور اخوي الذيب ...
|
السميري لاشكر على واجب أخوي ولاهنت على المرور الجميل .
|
عبدالعزيز منور يالغالي ومشكور على المرور.
|
ابو تركي بيض الله وجهك على هذا الجهد والشاعر عبدالله السميري
ملك قلوب الناس بشعره وشخصيته الطيبه الي كثير من الناس صارو يفتقدون لها وسالفت مليحه بولند هذي مهيب عفويه الشاعر الكبير كان قاصدها وهي مليحه واتوقع انا مهيب مضحكه لاكن اليومين هذي لو تسلم على الناس اضحكو مدري خفت عقل ولا سماجه |
ياهلا ياهلا ياهلا وغلا ومرحبا منور يالغالي .
خل الي يضحك يضحك واظن انك قلتها سماجه وخفت عقل . |
اخوي الذيب .. ترى منيف صاحبك ماهو منيف( السميري )..
يعطيك العافية على المشاركة الرائعة |
اقتباس:
مافهمت عليك والله ياخوي لاكن على كل حال انت وياه وكل الموجودين عيال عم واخوان وكلكم معزتكم وحده .. مشكور ولاهنت على المرور الجميل . |
لا ودي اسمع بعدمعلقة يالهوتي يالهوي للشاعر السميري ارجو تنزيلها
|
اقتباس:
|
لاهنت على القصيدة واذا كانت متوفرة صوتية لاهنت
تنزلها تعبت ادورها مالقيتها |
مشكور أخونا الذيب على القصيدة ولكني أوافق العود حبيب في كلامه على أن القصيدة غير موزونه قد يكون هناك خطأ أملائي في نقل القصيدة
والشاعر عبدالله السميري لايحتاج لشهادتنا ولكن القصيدة غير موزونة وشكر على كل حال. |
عبدالله العمى ولا انت يالغالي
تامر امر اذا حصلتها ابشر ومشكور على المرور . |
ذيب النفود عبدالله بشر وماهو معصوم من الخطاء ولاكنك ذكرت ملاحظه في غايه الروعه وهي ربما انه خطاء في الكتابه ومال عبدالله فيه ذنب .
على كل حال اختلاف الرآي لايفسد للود قضيه وانت وخوان وعزيزين علي مشكور على مرورك يالغالي . |
والله انه شاعر ومبدع وفاله حب الجمهور
مشكور اخوي على نقلك لنا القصيده |
قصيده اكثر من رائعه
تقبل اعجابي با القصيده |
مهستر السميري
يعطيك العافيه ونبيها فديو لو سمحت |
السلام عليكم
مــا قــصــرت نــتــرقــب جــديــدك اخـــوك؛ ][®][^][®][الــغــريــب][®][^][®][ |
فالح والله انت البدع ومشكور على المرور الرائع .
|
أخوي طارق ابشر ان حصلتها ابشر بها والله ومشكور على المرور.
|
الغريب مشكور على مرورك يالغالي .
|
| الساعة الآن »11:40 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd