|
ميقـاف عتيـبه مع الجـلاوي !!
السلام عليكم ورحمة الله وبركاته
جميعنا نعرف بأن سهم عتيبه سلطان الجلاوي قد اشترك في مسابقة قلطة الوطن في الكويت وكانت حلقته يوم امس وهو الآن في حاجة وقفتكم معه والتصويت من عيال عمه عتيبه الهيلا لمدة اسبوع واحد وسوف تعلن نتاج التصويت الأسبوع الجاي يوم الجمعه فلازم مانخليه ونوقف معه ونصوت له لين يتأهل للمراحل الجايه ولاتنسون وقفته مع يوسف العتيبي العام في شاعر المليون وإقامة حفله لدعمه ولازم نوقف معه مثل ماوقف مع يوسف ولانجحد جمايله . وهو أكيد معلق عليكم آمال كبيره والفوز بيدالله ثم بيدينكم يالذيابه ولو أنه ماهو بواثق منكم كان ماغامر وشارك في البرنامج الكبير هذا اتمنى من الجميع التصويت لسلطان نبغاه ياخذ المليون ويرفع روسنا ولو أن روسنا مرفوعه من قبل للحين ويعوضنا في شاعر المليون وياليت اللي صوت او اللي بيصوت يحط رد هنا عشان نعرف ويكون عندنا امل في فوزه ان شاء الله |
...
. يستاهل ابو وصاهد .... رايته بيضاء .... وحنا معه ومع كل ابناء القبيله ... .. بيض الله وجهك ... |
ان شاء الله حنا معه ويعوضونا بعد برنامج شاعر المليون |
شكرا لك علىالموضوع و شعورك الرائع وهو غير مستغرب من النشاما .. وبالتوفيق يابو صاهد ان شاء الله .. ... |
وعليكم السلام ورحمة الله وبركاته
بيض الله وجهك ياحسن 11 , ويستاهل ابوصاهد كل خير , ونتمنى له التوفيق مع بقية زملائه تحياتي |
بيض الله وجهك يالغالي حسن 11 ..
ويستاهل شاعرنا المسانده وفاله التوفيق .. |
|
يستاهل ابو صاهد وهو قدالمهمه
... والله يوفقه |
اقتباس:
|
هذا البرنامج لم يختبر بعد وقبيلة عتيبه مافقها معروف والجلاوي يستاهل
|
مشكووور اخوي حسن ...
|
بيض الله وجهك يالغالي حسن 11 ..
ويستاهل شاعرنا الفزعه وفاله التوفيق وتم التصوووووووويت والله الله بالتصويت يابني عمي لسهم عتيبه |
أبوصاهد لو يبي وحدة من عيوني .. عطيته الثنتين .. يستاهل .. هو الوحيد اللي يكيّفنا في المحاورات ووقف بعض الناس عند حده ..
|
بالتوفيق لسلطان الجلاوي
|
سلطان بن صاهد الجلاوي
اسم لامع في الملاعب يخشااهـ كثير من الشعراء في كل ملعبه تجده يحارب الشعراء عن الاساءهـ لقبيلته وله مواقف لاتنسى ومشرفه للقبيله فلاتبخلون وانا عن نفسي وكنت لاود الاشاده بهذا الشي ولكن من اجل بث روح الحماس عند ابناء قبيلتي قد صوت له بـ 100 صوت اليوم العصر وباذن الله للتصويت بقييه فلا تتركون شاعركم بعد التحدي الذي حصل امام الملاء |
اقتباس:
انا اشهد انك ذيب وحنا معك بالتصويت |
يستأهل ابو صاهد كل علم طيب
ولا ننسى ميقافه مع عتيبه وبشر بتصويت |
مشكور ويعطيك العافيه يالغالي
وسلطان صراحه في حاجتنا ويستاهل وقفتنا معه وحنا ماراح نقصر معه والرجال مسوي حفله في استراحه العزيزيه خلف قاعة الدوليه لمدة اسبوع كامل وغداً فيه حفله في الحويه حفل الشيابين والدعوه عامه للجميع وراح يكون فيها سلطان الجلاوي والشاعر حمد الشيباني هذا اللي قابلتهم اليوم ويبون يروحون الباقين مادري والله يمكن يحضر الكثير من الشعار واليوم كنت حاظر في الاستراحه وقمنا بالتصويت لسلطان وتوزيع بطاقات شحن وكل الموجودين ماقصرو اقل واحد 20 صوت وانتم مارح تقصرون مع ابن عمكم وبالتوفيق |
انا على الحامي وصفر متويركـ
قدااااام يبني عمي والتصويت شغال وعتابه اهل الاوله |
اقتباس:
طيب من بيجي من شعار العتبان غير سلطان وحمد ..؟ بيجي أبو فيصل ؟ مستور ؟ رشيد ؟ ابن طمحي , ملفي , فلاح ؟ ليتك تعلمنا .. |
بيض الله وجهك وانا من الي يصوت لسلطان انا وشباب معي
وعسى الله يوفقه وكلنا مع الجلاوي |
يستاهل ابو وصاهد ....
قبيلة عتيبة كافه معك ... بيض الله وجهك ... |
يستاهل ابو صاهد
راعي الأوله وحشا ماحنا بخاذلينه |
يستاهل ابو صاهد
سبق وان صوتنا له ولازلنا نصوت له ولاهي بكثيره منا وشكرآ لك اخوي حسن 11 |
| الساعة الآن »03:08 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd