هاك الجواب وبلاش من الكلام الكثير= إن كان تنشد عن التفكير وش مشغله
عقلي مع الشاعر اللي في روابي عسير=يرسم على لوحة الإبداع مستقبله
هذاك والله حزامي كان شبـّت سعير=ان كان بالشعر والا ان كان بالمرجلة
وأنا حزامه ليا صار النهار الكبير=والاّ كلام الرخاء دايم يضيع أشكله
مليون مبروك يا ( مرزوق) وأبشر بخير=الفوز علمٍ ينومس وأنت تستاهله
دايم عتيبة فالأول ما تجي فالأخير=تاريخ الأمجاد سمّاهم هل الأولة
حميـّتي فيهم أعوج من رقبة البعير=واللي بليــّا حميـّة موته أخير إله
من لا وقف مع رفيقه ؛ شخص ميـّت ضمير= هذاك ما حقـّه الا القفل والسلسلة
الفتل والنقض غير ودبلة الكبد غير= يا مدوّر الشعر لا تتعب ترانا اهله
الفوز من حظنا والحظّ دايم كبير= ألاّ انّ فيها تلاعب ,, هذي المشكلة.!