البارحه يوم كل الناس هجاعي=ياسعود عيا لذيذ النوم ياتيني
ماغير اهوجس وطول الليل انا واعي=أصارع الهم والعربان ممسيني
من ضيقتن كامنه في داخل أضلاعي=تلوف قلبي وتجري مع شراييني
خلتني اسج وانسى درب مرجاعي =وأتوه وامشي مع دروب المقفيني
بسباب من راح مانشد عن أوضاعي=الصاحب الي رحل ماشافته عيني
روح وخلاني لحالي مع أوجاعي=آسامر نجوم ليلن ماتقديني
روح وأنا من بعد فرقاه منلاعي=وهمومي أكبر من هموم المساجيني
والحزن في خافقي مصياف مرباعي=والجرح ينزف ولابه من يداويني
ياسعود قله ترى ماللجفا داعي=وشلون يقوى يابن عمي يجافيني
وشلون يتركني من الهم منصاعي= وهو الذي حالف إنه مايخليني
مايدري أن العمر من سبته ضاعي=وأني من الهم مدري وش عناويني
ولايدري ان الزمن ياسعود خداعي=له وقفتن واضحه بين المحبيني

المشاركة الأصلية كتبت بواسطة معجب العتيبي (المشاركة 660977) مبدع كعادتك يالزراقي لاعاد تطرد المقفين وتتعب نتطلع للمزيد شكرا

المشاركة الأصلية كتبت بواسطة فهد النفيعي (المشاركة 661338) صح لسانك وبيض الله وجهك