سلامي عليكم عدّ ماهلّ همّال المخيل = برديّة ٍ تبرى السعد والسعد يبرى لها
تهجرست لو الليل روّح وباقي ٍ به قليل = لحيث الذيابه ودّها بالعشا لعيالها

المشاركة الأصلية كتبت بواسطة عبدالله حبيٌب الزراقي (المشاركة 720364) عبدالرزاق القشعمي ياسلام ياسلام مبدا ولا اجمل ولا احلا صح لساانك ياعبدالرزاق وصح لسان قبيلك مقدماا

هلا مرحبا ترحيبة تشفي القلب العليل = وبعير المحامل لابرك للثقيله شالها
تهجرس مادامك وسط حلة مزبنة الدخيل = وقدمك سباع تجتلد قبل لايعوى لها

وياذيب انا ادوّرك ياصاحبي لي كم ليل = عيوني تعاين للسما مالقيت هلالها
تقهويت انا فنجال من كفّ رجّال ٍ بخيل = من الدلّه اللي عيبها قلّة ٍ باحثالها

زهابك زهابك ياعميلي ترى المسرى طويل = ولا تحسب الدعوى ملالات مع موالاها
ليا ما لقيت اللي تبي جنّب اللي مستحيل = ولا تكرب ابطان المطيه تراه اشوالها

ترى لازمك ما ينقضي وانت لك قلب ٍ ذليل = ولاعوّدت يم المراجل فانا رجّالها
ولكنّ يا ذيب الملاعب تراك انت الوكيل = ولاغبت لا تنشد عن الناس ويش احوالها

ابا كيف راسي ماتعوّدت شرب الزنجبيل = وراع الصداوي مايحب السفن واحبالها
أخذ مد شوفك وانت راع العقال اللي يميل = وبنت الزناتي ماتبا غترتك واعقالها

ياراع الشداد اللي معلّق على جنبه صميل = صميلك صغير ومايوصلك الى منزالها
نصحتك ولا طعت النصيحه وذا طبعك ( ... ) = ولكن ّ في مقبل لياليك تاتصحى لها

الا ياخوي الذيب منته ترى الليله خليل = أبرقيك مع طلعت كرا ثم مع محوالها
تزيل الجبال وطبعك الشين عيّا لايزيل = يجفّلك ثوبي لونحطّه على مخيالها

المشاركة الأصلية كتبت بواسطة سلطان العصيمي (المشاركة 721567) ارحب صح لسانك المحاوره مفهومه بكل معانيها و(شعارها)

المشاركة الأصلية كتبت بواسطة عبدالرزاق القشعمي (المشاركة 721647) ذيب الملاعب صح لسانك استمتعت باللعب معك طال عمرك