مهم...الي يعرف منو ..صاحب القصيده يدش ...
 

اخواني ... اعضاء المنتدي .....السلااام عليكم ....
وبعد .. فيه واحد من الربع مثلكم وشرواكم.... يريد . يعرف منوه . صاحب هالبيتين من القصيد . وتكملتها... تكفووون الي يعرف . يرد ولكم جزييل الشكر .

الحضر قفوا بالملايين عنا...........وسلاحهم بيض الدفاتر والاقلام
وكل جمعه يؤخذ السيف منا...........وبتفه سبب يحكم علينا بالاعدام

رجااء الي يعرف يرد . او . يرسل لي رساله علي بريدي الالكتورني ..mf1188@hotmail.com

هذا سؤال ثالث مرة يطرح بالمنتدى :) وارجع واقول لعيد بن حطاب العضياني العتيبي

ابن حطاب العضياني
 

يانجد بردك شين والحر اكلنا "=" متلطمين عن حرك وصيام

مشكور يا المقاطي ... ويا ابن المغيري
ويا ليت تكملو جميلكم . وتعطوني باقي القصيده. وشو سببها
وهقوتي فيكم يا عتيبه ...

يا نجد فيك الحر والبرد أكلنا...................متلطمين بالعمايم وصيام
الحضر راحوا بالملايين عنا..........اللي خذوه العام واللي ورا العام
أرماحنا وسيوفنا نكسنا............وأرماحهم وسيوفهم رؤوس الأقلام
في كل جمعة يأخذ السيف منا.........بأدنى سبب يحكم علينا بالإعدام
إن كان ماجانا الأمن في وطنا...........مرباعنا ما بين حافظ وصدام

أسم صاحب القصيدة : لا أعرف أسمه

القصيده لعيد بن حطاب العضيانى

والقصيده كامله للمعلوميه

يقول


الحظر قفوا بالملايين عنا 0000 اقفوا بملايين العام واللى ورا العام

ارماحنا وسيوفنا نكسنا 0000وارماحهم وسيوفهم روس الاقلام

مافيه واحد بالوزارات منا0000 اعلى مناصبنا عساكر وخدام

وكل جمعه ياكل السيف منا0000 بتفه سبب يحكم علينا بالعدام

يانجد فيك البرد والحر اكلنا0000 متلطمين بالعمايم وصيام

واما عطونا حقنا في وطنا0000 والا زبنا يم حافظ وصدام


هذه القصيده كامله

وسلامتكم

القصيدة للشاعر بندر بن سرور

وياعاشق غروب

السديري من حاضرة الغاط وبعد حكم ال سعود اصبح امير لانه زوج اخته الملك عبدالعزير واصبح خال الملك فهد والامير سلمان يعني الرجال مستفيد من الحكم الحالي

وبندر يقول

((((((((( الحضر )))))))))) الي هو السديري وغيره من الحضر

قصيدة عيد بن حطاب ماهيب للسديري ولا لبندر بن سرور

القصيده للعضياني وملزقه في بندر بن سرور عشان التحقيق اللي

جا فيها وخذ الكلام اللي يجمد على الشارب

كما وردني من ثقات وكما سمعت من ذو زمن ان القصيدة للشاعر : عيد العضياني , وهي كالاتي :

يانجد فيك البرد والحر اكلنا = متلطمينٍ بالعمايم وصيّام
الحظر قفوا بالملايين عنا = اللي خذوه اللعام واللي ورى اللعام
سيوفنا ورماحنا نكسّنا = وسيوفهم ورماحهم روس الاقلام
وفي كل جمعة ياكل السيف منا = وادنى سبب يحكم علينا بالاعدام
ياما عطونا عزنا في وطنّا = ولا نزحنا يم حافظ وصدام

وقصته انه كان عسكري في الحرس الملكي على احد ابواب القصور الملكيّة وتمر من عنده سيارات فخمة وكل ما تعامل مع واحد منهم وجد انه حظري ثم قال قصيدته هذه وبعد انتشارها , سؤل عنا صاحبها من قبل الاستخبارات الا ان وصلوا عنده ووجد هو ان الامر هذا ربما يعرضه للعقوبة ثم نسبها الا بندر بن سرور وقال انا اسمعها من قديم ليبرء نفسه وهذا ماجعل القصيدة تندثر ويفقد صاحبها .

الابيات وصاحبها : خبر موثوق , واما القصة فكما سمعتها ولا استطيع التثبت من ذلك .


ملاحظة : هذه قصيدة قديمة لا تمثل ولا ئنا لاولات امورنا ولا انتمائنا الا بلدنا وايرادها فقط لالتسليه بالقصص القديمة .

اثبتوا على راي علشان نعرف القصيده لمن

القصيدة صحيح للشاعر
عيد حطاب العضياني العتيبي