الكون لو ضاقت عليه فجوجه = لابد ما ألقى لي على ضيقته فج
والبحر لو يزبد ويغتاظ موجه = ترسي عليه الفلك من حيث ماهج
يافكري اللي ممتلاتٍ دروجه = إن صك لي درجٍ فتح لي مية درج
واللي بلا عقلٍ.. يقلل هروجه = لا يتضح عقله ليا كثّر الهرج
كم لقمةٍ في وسط فمه معلوجه = يمضغ لها اللحيين لو دمها حرج
اللي على عاره يزّين سروجه = لا يحسبنه زاينٍ فوقه السرج
راس الجمل ماشاف فالعنق عوجه = واللي فقد حجته وش لون يحتج ؟
اللي كما الرادوا على كل موجه = ماله مع العربان مذهب ومنهج ..!
هذا .. مع الأيام تقطع بروجه = ولا عاد يستقبل ولا يرسل البرج
مايدري انه مدخله هو خروجه = ياشارب المره تبي تمجها مج
بطن الفضاء محدن حسبها بروجه = ولحدن برجله للفضاء سجها سج !
مادام نفسك في حياتك خلوجه = وش بك تفتّح عينك إن هبها عج ؟!!

المشاركة الأصلية كتبت بواسطة عبدالله الجـــذع (المشاركة 740384) السميري هاهي عودتنا صح لسانك مدد يابحر وسلم بنانك على هذه الشامخه التي لايمل قارئها قرآتها عده مرآت وسآقراها اكثر لك جم شكري ودام ابداعك يالغالي محبك ,’

المشاركة الأصلية كتبت بواسطة فدا لعتيبه (المشاركة 746136) السميري صح لسانك يعطيك العافيه على النقل دمـــــت بخيــــــر