ضاق الخفوق وكـدر البـال تكديـر = ونثرت دمعٍ من على الخـد سكـاب
وبـردٍ عظامـي كأنهـن المكاسيـر = ولا سوات اللي قرص قرصة الـداب
واصبحت مثل اللي وعى بعد تخدير = فاقد ولاهو حاسب لهرجـه حسـاب
اثر السبب شرهـة رجـالٍ مناعيـر = ضيق على بالي وشـدد فالاعصـاب
ياجارنـا مسيـت بالطيـب بالخيـر = والله ولاهي عندنـا صكـت البـاب
نزعل ولا في صكت البـاب تبريـر = مادام حنا فأمـن وإيمـان واحبـاب
حنا ضرينا نفـز لضيـف ونصيـر = مثل الجنود اللي تفـادي بالارقـاب
يلقى الشحم من بعد صفـرٍ مباهيـر = والعود الازرق فـوق صاليـه لاذاب
من بـاب حشمـه للمسيـر وتقديـر = حقٍ علينا واصبح الضيـف طـلاب
والمرجله مـن بيـن كـل الغناديـر = بنـتٍ عشقناهـا ولا بيننـا حجـاب
من شانها نارد علـى جمـة البيـر = ومن شانها ما نحسب احساب الاتعاب
ياجارنا محشوم عـن كـل تقصيـر = وانته سليل اهل الوفا عكف الاشناب
قدرك بوسط القلـب مافيـه تغييـر = الا يزيد الشوق لن غبت وان غـاب
اقبل سلامـي عـد ماغـرد الطيـر = واعداد ماسجل من احروف بكتـاب
ارفق سلامي جوف ظرف المعاذيـر = مادام يغفر ذنـب الانسـان لا تـاب

المشاركة الأصلية كتبت بواسطة سعد محمد الهيلوم (المشاركة 740711) صح لسانك (ابن ناهس ) وماقصرت

المشاركة الأصلية كتبت بواسطة عبدالرحمن الهيلوم (المشاركة 740728) صح السانك.......... يالغالي

المشاركة الأصلية كتبت بواسطة ابن صنهوت (المشاركة 740851) صح لسانك يالشطيطي وبيض الله وجهك قول وفعل

المشاركة الأصلية كتبت بواسطة أبو نجر النفيعي (المشاركة 740930) .. الله الله .. صح لسانك على هالقصيده الرائعه والجزله يالشطيطي .. ولاتحرمنا من جديدك .. :) أخوك

المشاركة الأصلية كتبت بواسطة عقاب بن سقيان العتيبي (المشاركة 741534) ابن ناهس الشطيطي ياطيب حقوق الجار واللي يعرفها.................. وياطيب فتحة الباب للضيف.. والمرجله عز وهيبه.......................... علوم كلها ماتقدر بالاثمان............ والاجواد حيين وعزيزين بفعولهم وانت واحد منهم يالشطيطي والكريم معينه الله.. يقول الزلامي..(حنا عرب والنا تقاليد وسلوم),,,,,,,,,,,,, وبن شلاح المطيري قال(امل الوجار وخلوا الباب مفتوح.. خوف المسير يستحي ماينادي) والشيخ صنهات الغويري خلع باب بيته حتى مايصكه الهوا عن الضيف.. وغيرهم وغيرهم........ بيض الله وجه على هالقصيده يالشطيطي.. اتمنى لك التوفيق دائما..