ياللي تعذرب خـل عنـك العذاريـب = هاذي بساط الريـح قضايـة الشـان
مركـوب قـومٍ يعكفـون الاشانيـب = اللي لهـم وقفـات فـي كـل ميـدان
هلي تخلي من معـه جـرحٍ يطيـب = كم وصلت رجلٍ مـن البعـد ولهـان
فالبـر والديـره تسـد المطالـيـب = عند البدو تلقونهـا وعنـد حضـران
موتـر مجـرب مايبالـه تجـاريـب = يقضي لزوم اللي معه حيـث ماكـان
اللي صنعها صانع الشـاص والجيـب = افطس زقم ماخش فـي قلبـه ايمـان
مبدع ولا في صنعتـه شكـه وريـب = اسم الاصالـه مقتـرن باسـم يابـان
لاجيتها مـن قـدم يطريلقـك الذيـب = والجنب حرٍ من علـى العاليـه بـان
وخطوطها اللي من على الجنب تركيب = ياكنهـا توقيـع شيـكـات سلـمـان
ولا انـت والله ماجنيـت المكاسيـب = خسران واللي يشري الفرت خسـران
موتـر بلـد يحتـاج دقـه وترتيـب = ما يصلح الا مـع سواويـق نسـوان
تلقاه وسط السـوق ياعنـك مايغيـب = ما يبعـد السجـات راعيـه يافـلان
علة نحـر ماهـو مـودي ولايجيـب = لا شايـلً حملـه ولا شـال قـشـان
مطبـةً وحـده تسـبـب تهـاريـب = تعطب عكوس الفرت وتخـل الاوزان
وأدنات علـه فيـه لاقيـل توضيـب = وفي نهاية المشـوار خربـان تربـان
شاريـه ماهـو حاسـبٍ للمحاسيـب = نكبه ربي يـوم سـاق ابـه الاثمـان
وفي نهاية المقصود والوقت تجريـب = ما نقبلك يالفرت لـو جيـت مجـان

المشاركة الأصلية كتبت بواسطة ضاامي وفااا (المشاركة 743511) صح لسانك لاهنت

المشاركة الأصلية كتبت بواسطة فواز علي سريع الروقي (المشاركة 743726) اللي صنعها صانع الشـاص والجيـب افطس زقم ماخش فـي قلبـه ايمـان بيض الله وجهك وصح لسااااااااااانك كفيت ووفيت والله انك صادف فاللي قلته كله

المشاركة الأصلية كتبت بواسطة عتيبي الرياض (المشاركة 743905) صح لسانك يا الشطيطي انا اشهد انك ما اخطيت في وصف الهلي وتستاهل الهلي هالقصيده وصح لسانك

المشاركة الأصلية كتبت بواسطة عيسى العوفي (المشاركة 743957) صح لسانك وسلم قلبك تقبل تحيااتي

المشاركة الأصلية كتبت بواسطة بحر جده (المشاركة 744179) يالشطيطي صح لسانك مليون والله العظيم.......... اني لي مجاراه مع واحد راعي فورد انا اسبه وهو يمدحه بس بعد هالدره ماني جايب قصيدتي الله لايلومك في الفورد تقبل مروري

المشاركة الأصلية كتبت بواسطة ابو فايح (المشاركة 746493) قصيده جميله يالشطيطي وصح لسانك بس ليتك خليتها في موتر غير الفورد

المشاركة الأصلية كتبت بواسطة مرزوق حمدان العتيبي (المشاركة 747209) .. هلي تخلي من معـه جـرحٍ يطيـب كم وصلت رجلٍ مـن البعـد ولهـان فالبـر والديـره تسـد المطالـيـب عند البدو تلقونهـا وعنـد حضـران موتـر مجـرب مايبالـه تجـاريـب يقضي لزوم اللي معه حيـث ماكـان اللي صنعها صانع الشـاص والجيـب افطس زقم ماخش فـي قلبـه ايمـان ههههههههههههه مزدي فيه ... عز الله ان الهلي تستاهل ويكفي انها تويوتا لاهنت يالقرم ...

المشاركة الأصلية كتبت بواسطة الصمصام (المشاركة 751183) صح لسانك :)